Ìtọ́jú aláboyún ní ayé àtijó

Aláboyún ni ẹni tí ó lóyún sínú, ti ó sì ń retí ọjọ́ àtisọ̀, òun ni àwọn Yorùbá pe ni amosùmámọjọ́.

Àlàyé nípa oyún níní: Nígbà tí ọkùnrin bá tí tó ọmọ ọdún mẹ́ẹ̀dógún, tí obìnrin náà ṣì tó bẹ̀ pẹ̀lú; tí kì bá ṣe pé wọ́n jẹ́ ọkọ ati aya, kọ̀ yẹ kí wọ́n lọ̀pọ̀ rárá. Ìdí ni wípé, ní àkókò yíì, ọkùnrin tí bàlágà, obìnrin ti bẹ̀rẹ̀ nnkan oṣù, fún ìdí èyí, bí wọ́n bá ní àjọṣepọ̀, oyún lè ti ibẹ̀ yọ, èyí ni àwọn Yorùbá lè pe ni oyún ẹ̀sín. Ní ilẹ̀ Yorùbá, ọkọ ati ìyàwó tí wọ́n jẹ́ ẹlẹ́tọ̀ọ́ ara wọn ni wọ́n fún ara wọn lóyún ti yóò sì jẹ́ oyún àti ati ìdùnnú.

Kí obìnrin kan tó l'óyún ni báálé rẹ̀ yóò ti fi ojú dá ẹni tí yóò fi se babaláwo rẹ̀. Gbàrà tí wọ́n bá ti kíyèsi pé oyún náà dúró, òwúrọ̀ kùtùkùtù ni wọ́n yóó tọ babaláwo náà lọ. Àwọn ǹǹkan tí wọ́n yóó mú dání ni obí, ní ìgbà míràn, won lẹ gbe akèǹgbè ẹmu si i.