Ògùn olóró

Ògùn olóró tí àwọn ọlọ́pàá já gbà

Ògùn olóró jẹ́ àwọn ògùn tí ó lè ní ipa tí kò dára lórí ọpọlọ ènìyàn tí ó bá ló won. Oríṣiríṣi ògùn ló jẹ́ ògùn olóró. Awon dókítà àrùn ọpọlọ sábà máa ń lo àwọn ògùn yí lati ṣe ìtọ́jú fun àwọn alárùn ọpọlọ. Nígbà míì àwọn ènìyàn kan máà ń lo àwọn ògùn wọ̀nyí láti jẹ ìgbádùn bí wọ́n kò ti lè nílò wọn fun ìwòsàn. Àwọn ènìyàn lè nífẹ̀ẹ́ àwọn ògùn yii ní Àfẹ́sódì, ó dè lè ṣòro fún wọn láti jáwọ́ nínú lílọ wọ́n.

Lílò Rẹ̀

Àwọn ǹkan tí dókítà lè lò àwọn ògùn olóró kan fún ni;

• Lati pa ìrora tí wọ́n bá ṣe iṣẹ́ abé fúnni tàbí fun ẹni tí ó ní àìsàn kan tí ó lóògùn tí ń fa ọ̀pọ̀lọpọ̀ ìrora.
• Láti tọ́jú ẹni ti o ni àrùn ọpọlọ tí ó máa ń fa àníyàn ni gbogbo igba (Anxiety)
• Láti tọ́jú ẹni tí ó ní àrùn ọpọlọ tí ó máa ń fa opolo ìrẹ̀wẹ̀sì àti ìbànújẹ́ fun (depression)
• Láti tọ́jú ẹni tí ó ní àrùn ọpọlọ tí ó máa ń fa kí ènìyàn má lè sùn bí ó ṣe yẹ (sleep disorder)
• Láti tọ́jú ẹni tí ó ní àrùn ọpọlọ tí ó máa ń fa kí ènìyàn má lè kó ara rẹ̀ ni ìjánu (ADHD)
• Láti tọ́jú ẹni tí ó ní àrùn tí àwọn òyìnbó ń pè ní Schizophrenia

Àti bẹ́ẹ̀ bẹ́ẹ̀ lọ. Bí dókítà ṣe ní kí wọ́n ṣe lò wọ́n ní kí wọ́n lò wọ́n,nítorí ìlòkulò léwu gan-an.

Àbájáde Ìlòkulò

Ìlòkulò àwọn ògùn olóró sábà máa ń lẹ́yìn ti kò dára nítorí pe àwọn ògùn yí máa ń nípa lórí bí ọpọlọ ṣe ń ṣiṣẹ́. Àwọn kan máa ń mú kí ènìyàn má lè kó ara rẹ̀ ní ìjánu, èyí tó lè fa ṣíṣe ìṣekúṣe, wíwu ìwà jàǹdùkú àti ìwà ipá tàbí ṣíṣe àwọn ǹkan ti kìí ṣe tẹ́lẹ̀. Wọ́n lè mú kí èémí èèyàn ló sílè gan-an, èyí tí ó lè fa ikú. Ti ẹnìkan ba fẹ àwọn ògùn yí sódì, Ó lè mú kí ó ṣe ǹkan tí kò yẹ nítorí ó fé ní owó láti rà won. Ó sì lè da ọpọlọ ènìyàn rú, kí ẹni náà ya wéré.