Òpópónà Márosẹ̀ Ìlú Èkó sí Ìlú Abẹ́òkúta

 

Òpópónà márosẹ̀ ìlú èkó sí ìlú Abeokuta jẹ́ ọ̀nà tó gùn tó kìlómítà oókànlélọ́gọ́rin, máìlì lọ́nà àádọ́ta tó já sí Abẹ́òkúta, olú ìlú ìpínlẹ̀ Ogun, àti Ikeja, olú ìlú Ìpínlẹ̀ Èkó, òun tún ni ìlú tó tóbi jù lọ nílùú èkó ní orílẹ̀ èdè Nàìjíríà. Ọ̀nà ìlú èkó sí Abẹ́òkúta yìí ni ọ̀nà tó gbajúmọ̀ tí ọkọ̀ sì ń rìn jù lọ ní Nàìjíríà, ọ̀nà náà so ìgboro àti àwọn ìgbèríko ìlú Èkó pọ̀ pẹ̀lú àwọn ìpínlẹ̀ mìíràn ní Nàìjííríà.

Ọ̀nà márosẹ̀ yìí ni ọ̀nà tí àwọn ọkọ̀ ń gbà júlọ tó lu já oriṣǐríṣǐ ìlú àtí agbègbè yálà láàárín ìlú Èko tàbí lọ sí àwọn ìlú míràn ní Nàìjíríà, ó sì ń ṣètò ìwọ̀n àwọn ọkọ̀ tó tó òjìlénígba ó lé mẹ́wàá [250,000 PCU] lójoojúmọ́, ó sì jẹ́ ọ̀kan lára àwọn àbáwọ̀ ọ̀nà tó tóbi jù lọ nílẹ̀ Áfíríkà. Ó jẹ́ apá kan lára àwọn iṣẹ́ àkànṣe tí àjọ tó ń rísí ìbójútó àwọn òpópónà ìjọba àpapọ̀ ṣe, àjọ yìí ní í ṣe pẹ̀lú ìmúgbòòrò àwọn òpópónà àti ìjápọ̀ láàárín àwọn ìpínlẹ̀ ní orílẹ̀ èdè Nàìjíríà.

Èrò láti lo Ọkọ̀ akérò BRT

Ní ọdún 2017 ìjọba ìpínlẹ̀ Èkó gbèrò láti ṣe àgbékalẹ̀ ọ̀nà ọkọ̀ akérò ńlá ti BRT sí òpópónà ìlú Abẹ́òkúta sì ìlú Èkó. Iṣẹ́ àkànṣé náà à wáyé ní ọ̀nà méjìeji; ipele àkọ́kọ́ ní yóò bẹ̀rẹ̀ láti Oshòdì sí Abúlé Ẹ̀gbá, nígbàtí ipele kejì á lọ láti Abúlé Ẹ̀gbá sí ìloro tí wọ́n ti ń jáwèé ọkọ̀ ni Sáńgo Ọ̀ta, èyítí ó jẹ́ ààlà láàárin ìlú Èkó àti ìpínlẹ̀ Ògùn.

Àwọn olùdarí ètò ọkọ̀ ńlá akéro BRT, àjọ to ń rísí ìgbòkègbodò àti ìrìnnà ọkọ̀ ní Ìlú èkó (LAMATA), ti fọwọ́sọ̀yà pé súnkẹrẹ fàkẹrẹ ọkọ̀ ní òpópónà Oshodi-Iyana-Ipaja-Abule-Ẹ̀gbá á dín kù bíi ìdá ogójì nínú ọgọ́rùn-ún.

Iye àwọn arìnrìn àjò tó ń rin ọ̀nà náà lójúmọ́ jẹ́ ẹgbẹ̀rún lọ́nà ókòólénígba lé mẹ́wàá (230,000), ṣùgbọn ó lè dè ẹgbẹ̀rún lọ́nà ọ̀ọ́dúnrún (300,000).

Àtúnṣe Ọ̀nà náà

Ìjọba àpapọ̀ orílẹ̀ èdè Nàìjíríà, làti ipasẹ̀ Babatunde Fashola (SAN) ẹni tí ó jẹ́ alákóso fún ẹ̀ka agbára, ọ̀rọ̀ iṣẹ́ àti ilégbèé fùn orílẹ̀ èdè Nàìjíríà kède àtúnṣe ọ̀nà náà pẹ̀lú àfojúsùn láti mú àdínkù bá oye wákàtí tí ẹgbẹ̀lẹ́gbẹ̀ àwọ́n arìnrìnàjò máa ń lò lójú ọ̀nà náà ní ọjọ́ kẹrìnlá oṣù karùn-ún ọdún 2018. Wọ́n gbé iṣẹ̀ náà fún ilé iṣẹ́ Julius Berger ti orílẹ̀ èdè Nàìjíríà àti ilé iṣẹ́ Reynolds Construction Company Limited ní iye tí ó tó bílíọ̀nù méjìlélógún náírà, èyí tí ó jẹ́ bíi mílíọ̀nù mọ́kànlélọ́gọ́ta ó lé èyí tíí ṣe owó dọ́là ti ilẹ̀ òkèrè. Àwọn apá méjì lára ọ̀nà àpapọ̀ náà ni a ó tún kọ́: apá kìíní (Ìlú Èkó sí ìlú Ọ̀tà) àti apá kejì (Ìlú Ọ̀tà sí Ìlu Abẹ́òkúta).