Ọjọ Awọn Olukọni Agbaye

Ìṣelọ́ṣọ̀ọ́ fún Ọ̀sẹ̀ Ìmọrírì àwọn olúkọ̀ ní Ilé Ẹ̀kọ́ Saint Edward ní Vero Beach, Florida.

Àyájọ́ Ọjọ́ àwọ́n Olùkọni ní àgbáyé jẹ́ ọjọ́ tí a yà sọ́tọ̀ làti mọ rírì àwọn olùkọni káàkiri àgbáyé ní èyí tí ó màa ń wáyé ni gbogbo ọjọ́ karùn-ún ninu oṣu ọ̀wàrà (oṣù kẹwàá) ọdún. A dá àjọ yìí sílẹ̀ lọ́dún 1994, ó sì ń ṣe ìrántí ìforúkọsílẹ̀ ìfilọ́ràn tí Àjọ Ìsìn Àgbáyé fún Iṣẹ́ (ILO) àti Àjọ Ìparapọ̀ Àwọn Orílẹ̀-Èdè fún Ẹ̀kọ́, Ìmọ̀ Sáyẹ́ǹsì àti ètò àṣà (UNESCO). "Ìrànlọ́wọ́ ILO/UNESCO nípa ipò àwọn olùkọ́" tí a ṣe ní1966 jẹ́ ohun èlò tó ń fi ìlànà kalẹ̀ láti bójú tó ipò àti ìgbáyégbádùn àwọn olùkọ́ ní gbogbo àgbáyé. Ìgbìmọ̀ yìí ṣe àlàyé àwọn ìlànà tó jẹ́ nípa ètò ìtọ́jú àwọn òṣìṣẹ́, ìgbanisíṣẹ̀ àti ìdánilẹ́kọ̀ọ́, àti ìtọ́ni àwọn olùkọ́, iṣẹ́ wọn àti ipò iṣẹ́ wọn. Ọjọ́ Olùkọ́ àgbáyé ní ète láti tẹnu mọ́ "ìmọrírì, ìgbéníwọ̀n àti ìdàgbàsókè àwọn olùkọ́ni ní àgbáyé" àti láti pèsè àǹfààní láti ronú lórí àwọn ìbéèrè tó ní í ṣe pẹ̀lú olùkọ́ àti kíkọ́ni.

Ájọyọ̀

Láti ṣayẹyẹ ọjọ́ àwọn Olùkọ́ni àgbáyé, Àjo Àgbáyé ti ètò Ẹ̀kọ́, ìmọ̀-ìjìnlẹ̀ àti Àṣà ti United Nations (UNESCO) àti Ẹ̀kọ́ káríayé (EI) màa ń ṣe ìpolongo lọ́dọọdún láti jẹ́ kí gbogbo ènìyàn ní òye tí ó dára jùlọ nípa àwọn olùkọ́ àti ipa tí wọn ṣe nínú ìdàgbàsókè àwọn ọmọ ilé-ìwé àti àwùjọ. Wón ṣe àjọṣepọ̀ pẹ̀lú àwọn ilé-iṣẹ́ aládàńi gẹ́gẹ́bí àwọn ẹgbẹ́ tó ń ṣe ìlanilọ́yẹ̀ àti ìtanijí láti ṣàṣeyọrí yìí. Ìpolongo náà dá lórí àwọn àkòrí oríṣìríṣìí fún ọdún kọ̀ọ̀kan. Fún àpẹẹrẹ, "ríró àwọn Olùkọ́ni ní Agbára" ni kókó-ọ̀rọ̀ fún ọdún 2017, ọdún yìí ni ó pé ogún ọdún ti àwọn àjọ UNESCO gbìmọ̀ràn nípa ipò tí àwọn Olùkọ́ni ilé Ẹkọ-giga, mímú àwọn olùkọ tí ń kọ́ àwọn abala tí a kò kíyèsí láti nì àpérò àti ìtàkurọ̀sọ nípa ipò àwọn olùkọ.

Ọdún tó tẹ̀ lé e, ọdún 2018, àjọ UNESCO gba àkòrí " wípé ẹ̀tọ sí ètò ẹ́kọ̀ tí ó yè kooro túnmọ̀ sí ẹ̀tọ́ sí olúkọ tí ó dáńtọ", tó ń ṣe ìrántí àádọ́rin ọdún ti Ìpìlẹ̀ ẹ̀tọ́ Ọmọnìyàn ní àgbáyé (1948) àti eléyìí ti o ń rán wa lètì wípé ẹ̀tọ́ sí ẹ̀kọ́ kò leè wá sí ìmùṣẹ làí sí àwọn olùkọ́ tó dáńtọ́. Àjọ UNESCO sọ pé gbogbo ènìyàn lè ṣe ìrànlọ́wọ́ nípa gbígbé iṣẹ́ olúkọ lárugẹ, nípa ṣíṣe ìtanijí nipa awọn iṣoro olukọni ati nipa riri daju pe bíbọ̀wọ̀ fún àwọn olùkọ́ni ṣe pàtàkì. Bí àpẹẹrẹ, àwọn ilé ẹ̀kọ́ àtàwọn akẹ́kọ̀ọ́ máa ń ṣètò ọjọ́ pàtàkì kan fún àwọn olùkọ́ ní ọjọ́ yìí. [Àlàyé ìsàlẹ̀ ìwé]^{[citation needed]}

Àwọn orílẹ̀-èdè tó lé ní ọgọ́rùn-ún ló ń ṣe ayẹyẹ Ọ̀jọ́ àwọn Olùkọ́ ní Àgbáyé àti pé gbogbo wọn ló ń ṣe ayẹyẹ tiwọn bí orílẹ̀- èdè India ti ń ṣe ayẹyẹ àwọn Olùkọọ́ ní Àgbáye ní gbogbo ọjọ́ karùn-ún oṣù kẹsàn-án ọdún.[1] Nì orílẹ̀ èdè Australia, bí ó tilẹ̀ jẹ́ wípé ọjọ́ náà bọ́sí àkókò ìsinmi àwọon ọmọ ilé-ìwé, àwọn ìpínlẹ̀ àti àwọn ígbéríko ti orílẹ̀ èdè Australia máa ń ṣe ayẹyẹ yìí ní Ọjọ́ ẹtì tí ó kẹ́hìn Oṣù Kẹwǎ ni gbogbo ọdun.

Àkòrí tí a fi ṣe àjọyọ̀ ọjọ́ àwọn Olùkọ́ Àgbáyé ni ọdún 2023 ni "Àwọn olùkọ́ tá a nílò fún ẹ̀kọ́ tá a ń fẹ́". Àwọn olùkọ́ jẹ́ kókó pàtàkì nínú ẹ̀kọ́, ní ọ̀pọ̀ orílẹ̀-èdè, wọ́n ti ń fi iṣẹ́ tí wọ́n fẹ́ràn sílẹ̀, àwọn ọ̀dọ́ sì ń fẹ́ láti di ọ̀kan lára wọn. Àjọ UNESCO ṣe iṣiro pe agbaye nilo awọn olukọ tuntun tí ó lé ní miliọnu òkàndínláàádọ́rin títí di ọdún 2030, àti wípé àìtó àwọn olùko ńpọ̀ síi lójojúmọ́.

Àkòrí ayẹyẹ ọdún 2024 dá lori "Ìdíyelé ohún àwọn olùkọ́: si ọna adehun awujọ tuntun fun ẹkọ”. Àkòrí náà ṣe àfihàn pàjáwìrì láti ṣiṣẹ́ pẹ̀lú àwọn olúkọ̀ láti kojú àwọn ìpènijà tí wọ́n ń dojúkọ ṣùgbọ́n, ní pàtàkì jùlọ, mímọ rírì àti láti jẹ àǹfànì nínú ìmọ̀ye àwọ̀n onímọ̀ ati àǹfàní tí wọ́n mú wá sí ètò-ẹ̀kọ́.

Wò sìwàjù si

• Education International - Àjọpọ̀ àwọn àjọ olùkọ́ kárí ayé
• International Day of Education - Ọdún tí a máa ń ṣe ayẹyẹ náà fún ètò ìjìnlẹ̀ ìjìnlẹ̀

Àwọn ìjápọ̀ àgbáyé

• Ọjọ́ Àwọn Olùkọ́ Ayé ní orílẹ̀ èdè Ọsirélíà
• Orí ìkànnì Queensland (Ọsirélíà) fún Ọjọ́ Olùkọ́ Àgbáyé Archived 2017-10-04 at the Wayback Machine.