Abdul Wahab Adam
| Abdul Wahab Adam | |
|---|---|
 | |
| Ọjọ́ìbí | 8 Oṣù Kejìlá 1938 Brofeyedur - Adansi |
| Aláìsí | 22 June 2014 (ọmọ ọdún 75) |
Abdul Wahab Adam tí wọ́n bí ní ọjọ́ kẹjọ oṣù kejìlá, ọdún 1938[1] tí ó sì papò dà ní ọjọ́ kejìlélógún oṣù kẹfà ọdún 2014[2]) ni ó jẹ́ onímọ̀ ẹ̀sìn, adarí ìjọ, fún ìjọ Mùsùlùmí ti Ahmadiyya ti ìlú Ghana.[3] Ó jẹ́ ìkan lára ìgbìmọ̀ National Peace Council àti National Reconciliation Commission ti orílẹ̀-èdè Ghana tí wọ́n gbé kalẹ̀ ní ọdún 2002.
Ìgbé ayé rẹ̀
[àtúnṣe | àtúnṣe àmìọ̀rọ̀]Wọ́n bí Adam ní Brofeyedur Adansi ni agbègbè Aṣantí ní ọdún 1938 ní orílẹ̀-èdè Ghana. Ó parí ẹ̀kọ́ girama rẹ̀ ní ilé-ẹ̀kọ́ ti T.I. Ahmadiyya Secondary School ní ìlú Kumasi. Bákan náà ni ó lọ wípé ẹ̀kọ́ ẹ̀sìn ti Ahmadiyya Theological University tí ó wà ní ìlú Pakistan, níbi tí ó ti gba ìwé ẹ̀rí dípúlọ́mà nínu ìmọ̀ Larúbáwá àti ìwé ẹ̀rí oyè àkọ́kọ́ nínú ìmọ̀ àgbóyé ẹ̀sìn ní ọdún 1960. Lẹ́yìn tí ó ti ṣiṣẹ́ bíi olùkọ ẹ̀sìn ní Brong-Ahafo gẹ́gẹ́ bíi aṣojú fún ìjọ ẹsẹ̀-kùkú ti Ahmadiyya Muslim Mission láti ọdún 1960 sí ọdún 1969, ni ó tó di olùkọ àgbà fún ilé-ẹ̀kọ́ Ahmadiyya Muslim Missionary Training College tí ó wà ní Saltpond ní Ghana. Ní ọdún 1971ni wọ́n yàn án gẹ́gẹ́ bí igbákejì fún adarí àgbà ti Ahmadiyya Muslim Mission ní United Kingdom. Lẹ́yìn èyí ni wọ́n yàn an sípò aṣáájú ẹ̀sìn ti Ahmadiyya Muslim Mission ní ìlú Ghana. O darí ìjọ náà títí di ọdún 1975.
Iṣẹ́ rẹ̀
[àtúnṣe | àtúnṣe àmìọ̀rọ̀]Olóògbé Adam wà lára àwọn ìgbìmọ̀ májẹ́kóbàjẹ́ ti ìjọba àti èyí tí kìí ti ìjọba tí wọ́n ń ṣiṣẹ́ dùn ìdàgbàsókè ètò ìṣèjọba àwa-ara-wa, ètò àlááfíà, àti ẹ̀tọ́ ọmọnìyàn ní orílẹ̀-èdè Ghana. Ó wà lára ìgbìmọ̀ ti Centre for Democracy and Development, National Peace Council of Ghana National Reconciliation Commission. Òun ni amúgbálẹ́gbẹ̀ẹ́ fún Ààrẹ Ghana Integrity Initiative, òun náà sì tun ni wọ́n je dá ìgbìmọ̀ Council of Religions of Ghana sílẹ̀.[1] Ó ti fìgbà kan ṣiṣẹ́ rí gẹ́gẹ́ bí olóòtú àgbà fún àwọn àtiẹ̀jáde tí ó ń ti inú ìjọ Ahmadiyya Muslim Mission jáde wa. Bákan nà ni ó tún ṣiṣẹ́ gẹ́gẹ́ bí igbákejì olóòtú àgbà fún Muslim Herald ní ìlú London, ó sì tún jẹ́ olóòtú fún Ahmadiyya Bulletin, ní ìlú London kan náà. Ó jẹ́ ìkan lára ọmọ ẹgbé ti World Council of Ahmadi Muslim Jurists [1] Òun ni ó dá Hilal Committee sílẹ̀ ní Ghana.
Ikú rẹ̀
[àtúnṣe | àtúnṣe àmìọ̀rọ̀]Ó ṣàláìsí ní ọjọ́ kejì oṣù kẹfà ọdún 2014.[4] Orílẹ̀-èdè Ghana ṣe ayẹyẹ ìsìnkú rẹ̀ ní ọjọ́ kẹta lẹ́yìn ikú rẹ̀ ní èyí tí vice president, Mínísítà àti àwọn abẹnugan olóṣèlú oríṣiríṣi, àwọn pásítọ̀, ààfáà àti àwọn Mùsùlùmí lóríṣiríṣi ti péjú síbi ayẹyẹ ìkẹyìn náà.[5]
Àwọn ìtọ́kasí
[àtúnṣe | àtúnṣe àmìọ̀rọ̀]- 1 2 3 "Ameer & Missionary-In-Charge of Ghana - Maulvi Dr. Abdul Wahab Bin Adam Sahib". Jamiatul Mubashireen, Ghana. Archived from the original on 5 June 2014. Retrieved 19 May 2023. Unknown parameter
|url-status=ignored (help) - ↑ "Alan mourns Maulvi Wahab". My Ghana Online. 23 June 2014. Archived from the original on 9 December 2014. Retrieved 25 June 2014. Unknown parameter
|url-status=ignored (help) - ↑ "National Peace Council: A Peace Architecture for Ghana". United Nations Development Programme. Archived from the original on 28 July 2011. Retrieved 19 May 2023.
- ↑ "Preparations Underway For Burial of Late Maulvi Wahab-Adam On Wednesday". Ghana Broadcasting Corporation. 24 June 2014. Archived from the original on 28 July 2014. Retrieved 19 May 2023.
- ↑ "Ghana Buries Ahmadiyya Muslim Mission Boss". 26 June 2014. Archived from the original on 18 April 2021. https://web.archive.org/web/20210418164000/https://www.spyghana.com/ghana-buries-ahmadiyya-muslim-mission-boss/. Retrieved 26 June 2014.
 |
Wikimedia Commons ní àwọn amóunmáwòrán bíbátan mọ́: Abdul Wahab Adam |