Adejoke Bakare

Adéjọkẹ́ Bakare jẹ́ alásè ọmọ Nàìjíríà àti ilẹ̀ Gẹ̀ẹ́sì èyí tí ó jẹ obìnrin aláwọ̀ dúdú àkọ́kọ́ tó di alásè tó gba ìràwọ̀ Michelin ní Ilẹ̀ Gẹ̀ẹ́sì. Ó jẹ́ olùdásílẹ̀ àti olórí alásè Chishuru, ilé oúnjẹ tí ó ní èròǹgbà àtinúdá Ìwọ̀-oòrùn Áfíríkà nípasẹ̀ ipa oúnjẹ tí ó jẹ dàgbà.

Ìbẹ̀rẹ̀pẹ̀pẹ̀ ayé rẹ̀

Adéjọkẹ́ (tí wọ́n ń pè ní Jọkẹ́ ní fún ìgekúrú) dàgbà ní Kàdúná ní àríwá Nàìjíríà pẹ̀lú ìyá Yorùbá àti bàbá Igbo, èyí túmọ̀ sí pé ó ní oríṣiríṣi oúnjẹ tó ń nípa lórí rẹ̀, 'baba mi jẹ́ ará Ìwọ̀ Oòrùn, ìyá mi sì jẹ́ ará Ìlà Oòrùn,' ó ṣàlàyé, 'àṣà oúnjẹ sì yàtọ̀ síra gan-an, nítorí náà mo rí ara mi bí ẹni tó láyọ̀ gan-an pé mo ní àjọṣe pẹ̀lú àwọn méjèèjì. Gẹ́gẹ́ bí ọmọ tó dàgbà jùlọ, ó tún jẹ́ ojúṣe rẹ̀ láti se oúnjẹ fún àwọn àbúrò rẹ̀ sùgbọ́n kò rí èyí bí iṣẹ́, ifẹ́ rẹ̀ fún oúnjẹ ti wà ní ọkàn rẹ̀ jinlẹ̀. Ó ṣí lọ sí Ilẹ̀ Gẹ̀ẹ́sì ní láti lọ kọ́ Microbiology ní ilé ẹ̀kọ́ gíga. Ó ṣiṣẹ́ ní oríṣìíríṣìí ẹ̀ka títí kan ìṣàkóso ohun-ìní àti ìlera pẹ̀lú ààbò. Ó tá oúnjẹ nínú ọkọ̀ ayọ̀kẹ́lẹ́ ní ìta ilé ìjọsìn rẹ̀, àti nígbà mìíràn ó gbàlejò àwọn ẹgbẹ́ oúnjẹ alẹ́. Àwọn ilé ìjẹun rẹ̀ ń gbé oúnjẹ ìwọ̀ oòrùn Áfíríkà lárugẹ. Òun fúnra rẹ̀ ló kọ́ bí wọ́n ṣe ń se oúnjẹ.

Ìrìn àjò rẹ̀ gẹ́gẹ́ bí i alásè

Bó tilẹ̀ jẹ́ pé iṣẹ́ ìdáná jẹ́ iṣẹ́ ìfẹ́ fún Adejoké Bakare, nígbà tí ó wọ ìdíje Brixton Kitchen ní ọdún 2019, ó ti jẹun fún àwọn ọ̀rẹ́ àti ẹbí nìkan, ṣùgbọ́n ọ̀nà àrà ọ̀tọ̀ tí ó gbà ń se oúnjẹ Ìwọ̀ Oòrùn Áfíríkà ya àwọn adájọ́ lẹ́nu, ó sì gba àmì ẹ̀yẹ nínú ẹ̀ka aláìlóyepípé. Lẹ́yìn tí ó ti lọ ṣe ìfilọ́lẹ̀ Chishuru tí ó ti gba àmì-ẹ̀yẹ, ó ti wá rí ara rẹ̀ báyìí ní ipò iwájú nínú ètò oúnjẹ Ìwọ̀-oòrùn Áfíríkà ní London.