Ajisari

Nínú ẹ̀sìn Islam, ajisãrì jẹ́ ẹni tí ń pe àwọn ènìyàn mìíràn láti gbàdúrà àti láti ṣe àjọyọ̀ nígbà Ramadan. A lè lo orúkọ yìí fún ìṣe yìí bákan náà. Wọ́n á máa ti ilé kan bọ́ sí ilé mìíràn, lówúrò kùtùkùtù bi ago méjì òru, wọ́n á máa lu akègbè wọn pẹ̀lú igi, wọ́n á sì máa kọrin pẹ̀lú àriwo. Ìṣe yìí jẹ́ ojúṣe nípa ẹ̀sìn, ẹni tí ó bá wù ló máa ń ṣe. Àmọ́, ajisari kò retí pé àwọn onígbàgbọ́ ẹgbẹ́ rẹ̀ ni yóò fún lérè ohun tí ó ń ṣe, wọ́n gbàgbọ́ pé Allah yóò fún àwọn lérè rẹ̀, ní ọjọ́ iwájú, nítorí wọ́n fi orí ibùsùn wọn sílẹ̀, wọ́n sì ń ni ara wọn lára nígbà àwẹ̀ olóṣù kan wọn.

Láti inú ọ̀rọ̀ Arabic, "Suhur" tí ó túmọ̀ sí oúnjẹ òwúrò nígbà oṣù mímọ́ ti Ramadan ni orúkọ yìí ti ṣẹ̀wá; sípẹ́lì àti pípè rẹ̀ lédè Yorùbá ni "sãrì".

Ẹni tí ó jẹ́ ajisari ni wọ́n rí gẹ́gẹ́ bí ẹni tí kìí bẹ̀rù nítorí wọ́n gbàgbọ́ pé Allah ni yóò ṣọ́ wọn nítorí wọ́n ń ṣe iṣẹ́ (Allah) rẹ̀. Ẹni tí ó jẹ́ ajisari máa ń dá ṣiṣẹ́ ni, ìdí tí àwọn mìíràn fi máa ń pè wọ́n ní 'adá nìkan rìn' nìyẹn. Fún ìdí yìí, wọn kò jọ àwọn olórin Were, ó nira láti rí ẹgbẹ́ ajisari. Àmọ́, ní àwọn ọdún 1970s, ẹgbẹ́ kan ní ìlú Ìbàdàn, Nàìjíríà, tí orúkọ wọ́n ń jẹ́ Taiwo-Kehinde Ajisari (Ẹgbẹ́ Ìbejì ọkùnrin ti ń ṣe Ajisari), jẹyọ, wọ́n sì pa ìgbàgbọ́ èyí tí ó wà nílẹ̀ pé a kò lè rí ẹgbẹ́ ajisari kankan.