Arọmọléegun

Arọmọléegun je àìsàn kan tí ó máa ń fa ìrora pàápàá ni eegun àti oríkeríke(oríkèé), tàbí kí ibi kan ti eegun wà lára wú, kó sì má see gbé. Ó sábá máa ń ṣẹlẹ̀ si ọrùn-ọwọ́, ọrùn-ẹsẹ̀, igunpá, orúkún, èjìká, àwọn ìka àti nígbà míì àwọn eegun àyà. onírúurú arọmoléegun ọ̀tọ̀ọ̀tọ̀ tí ó ju ọgọ́rùn-ún ni ó wà.

Àwọn Ààmì Àìsàn

Àwọn ààmì àìsàn náà jé;

• Ìrora
• Ibẹ̀ á wúIibẹ̀ kò ní seé gbé, kò dè ní seé lò bíi télè mó
• ibẹ̀ áá pọ́n
• Ara rírẹ̀
• Nígbà míì, ibẹ̀ le rọ̀ tí a bá fọwọ́ kàn-án tàbí kí ó máa yún èèyàn

Kíló Lè Fàá

Àwọn nǹkan tí ó lè fàá ni;

• Ọjọ́ ogbó
• Tí nǹkan tí òyìbó ń pè ní "uric acid" bá pọ̀ jù nínú ara
• Tí àwọn ǹkan tí ń bá àìsàn jà lára bá bẹ̀rẹ̀ siní ba eegun ení tòún jà
• Tí èèyàn bá ní àwọn kòkòrò kan, bí àpeere kòrónà

Bí èèyàn bá ti ní ọ̀rá jù lára, tí ó bá máa ń se eré ìdárayá tí ó le jù, tàbí tí ìran rè bá ni arọmọléegun, o seé se kí òun náà ni lójó iwájú.

Ìtọ́jú

Láti mọ̀ bóyá èèyàn ní arọmọléegun, eni náà ní láti lo si ilé ìwòsàn, kó sì bá dókítà tí ó mò nípa rẹ̀ sòrò. Wọ́n máa ṣe àyẹ̀wò láti mo irú arọmọléegun tí ó jé. Èyí ni ó máa so irú ìtọ́jú tí ó ye kí ó gbà. Ìtọ́jú òuń lè jé;

• Oògùn ìrora
• Ìtọ́jú nípa ṣíṣe eré ìdárayá fééré
• Ìwọ́ra
• Nígbà míì, iṣẹ́ abẹ