Ayẹyẹ àmì-ẹ̀yẹ
Ayẹyẹ àmì-ẹ̀yẹ jẹ́ irúfẹ́ ayẹyẹ tí wọ́n ti máa ń fún ni ní àmì-ẹ̀yẹ. Àjọ ìjọba, ẹgbẹ́, ilé-ìwé, ẹgbẹ́ oníṣòwò tàbí ilé-iṣẹ́ tí ó dá lórí ṣíṣe ayẹyẹ àmì-ẹ̀yẹ ló le ṣètò ayẹyẹ náà. Ní ọ̀pọ̀ ìgbà, atọ́kùn (master of ceremonies) ló máa ń pe àwọn olùborí àmì-ẹ̀yẹ, tí ó sì máa ń bá àwọn àlejò sọ̀rọ̀, tí ó máa ń dá àwọn ènìyàn lára yá, tí ó sì máa ń darí ayẹyẹ náà lápapọ̀.
Ílẹ̀ Gíríìsì Ayé-ijọ́un
[àtúnṣe | àtúnṣe àmìọ̀rọ̀]Àwọn Gíríìkì Ayé-ijọ́un máa ń ṣe ìdíje ọdọọdún fún eré-onítàn (tragedy) àti eré-apanilẹ́rìn-ín (comedy), èyí tí àwọn ọlọ́rọ̀ ìlú máa ń ṣe onígbọ̀wọ́ rẹ̀. Wọ́n máa ń fún ni ní àmì-ẹ̀yẹ fún eré tí ó dára jùlọ, olùgbéré-jáde tí ó dára jùlọ àti òṣèré tí ó dára jùlọ.[1] Ní ìbẹ̀rẹ̀pẹ̀pẹ̀ Ìdíje Òlímpíìkì, ayẹyẹ àmì-ẹ̀yẹ méjì ló wà. Lẹ́yìn ìdíje kọ̀ọ̀kan, àwọn adájọ́ máa ń fún àwọn olùborí ní imọ̀ ọ̀pẹ. Ní ọjọ́ tí ó kẹ́yìn ìdíje náà, wọ́n máa ń kéde gbogbo àwọn olùborí, wọ́n á sì dé wọn ní adé ewé ólífì.[2] Wọn kì í fún ni ní mẹ̀dà, olùborí nìkan ni wọ́n máa ń kéde, nítorí wọn kò ka àwọn tí ó ṣe ipò kejì sí nǹkan pàtàkì.[3] Kò ṣàjèjì fún àwọn eléré-ìdárayá láti fi ara wọn wewu san owó-ìtanràn gọbọi tàbí láti fún àwọn adájọ́ ní àbẹ̀tẹ́lẹ̀ kí wọ́n lè kéde wọn gẹ́gẹ́ bí olùborí.[4]
Àwọn ayẹyẹ ti òde-òní
[àtúnṣe | àtúnṣe àmìọ̀rọ̀]Àwọn ohun tí ó sábà máa ń wà nínú ayẹyẹ àmì-ẹ̀yẹ ti òde-òní ni:[5]
- Ọ̀nà tí ó ṣe kedere tí ó sì tọ́ láti fi yan àwọn olùborí
- Ibi ayẹyẹ, èyí tí ó lè jẹ́ ilé-ìtura, gbọ̀ngàn tàbí ibòmíràn. Wọ́n lè pèsè oúnjẹ àti eré-ìdárayá fún àwọn àlejò.
- Atọ́kùn ayẹyẹ (Master of ceremonies)
- Àwọn ẹ̀rọ bíi ẹ̀rọ-igbóròsọ, ẹ̀rọ-asọ̀rọ̀magbèsì àti ẹ̀rọ-ayàwòrán (video projectors)
- Ìwé-ìpè fún àwọn àlejò tí a yàn
- Ètò fún àwọn oníròyìn láti gbé ìròyìn ayẹyẹ náà jáde
- Ìwé-ẹ̀rí tàbí ife-ẹ̀yẹ fún àwọn olùborí
Àwọn àmì-ẹ̀yẹ agbéròyìnjáde ti Amẹ́ríkà
[àtúnṣe | àtúnṣe àmìọ̀rọ̀]Àwọn àmì-ẹ̀yẹ pàtàkì ti ilẹ̀ Amẹ́ríkà ti dàgbà di ayẹyẹ ilé-iṣẹ́ tẹlifíṣọ̀n ńlá, ṣùgbọ́n wọ́n bẹ̀rẹ̀ ní kékeré.[6] Ayẹyẹ àkọ́kọ́ láti ọwọ́ Academy of Motion Picture Arts and Sciences wáyé ní ọdún 1929 ní the Hollywood Roosevelt Hotel oṣù mẹ́ta lẹ́yìn tí wọ́n ti kéde àwọn olùborí. Ère Oscar fún sinimá tó dára jùlọ, òṣèrébìnrin tó dára jùlọ àti òṣèrékùnrin tó dára jùlọ ni wọ́n fún ni ní ayẹyẹ tí ó gba ìṣẹ́jú mẹ́ẹ̀dógún péré.[6] Àwọn oníròyìn mẹ́jọ ló dá Golden Globe Awards sílẹ̀ ní ọdún 1944, àwọn wọ̀nyí ni wọ́n dá Hollywood Foreign Correspondents Association sílẹ̀. Wọ́n ṣètò oúnjẹ ọ̀sán kan ní 20th Century Fox níbi tí wọ́n ti fún ni ní ìwé-kíká (scrolls) fún sinimá tó dára jùlọ, òṣèrébìnrin tó dára jùlọ àti òṣèrékùnrin tó dára jùlọ.[6] Wọ́n kọ́kọ́ ṣe ayẹyẹ Tony Awards fún eré-oníṣe àti eré-onírin ní Waldorf Astoria New York ní ọdún 1947.[6] Academy of Television Arts & Sciences ṣe àfihàn Emmy Awards àkọ́kọ́ ní Hollywood Athletic Club ní ọdún 1949.[6] National Academy of Recording Arts and Sciences ló fún ni ní Grammy Awards àkọ́kọ́ ní ọdún 1958, níbi tí Volare ti gba àmì-ẹ̀yẹ fún Orin Ẹyọkan tó dára jùlọ.[6] Wọ́n ṣe àfihàn MTV Video Music Awards àkọ́kọ́ ní ọdún 1984. Nickelodeon Kids' Choice Awards àkọ́kọ́ wáyé ní ọdún 1988. The Game Awards, ayẹyẹ àmì-ẹ̀yẹ fún ilé-iṣẹ́ fídíò géèmù, ni wọ́n ti ń ṣe àfihàn rẹ̀ lọ́wọ́lọ́wọ́ lórí YouTube àti Twitch lọ́dọọdún láti ìbẹ̀rẹ̀ rẹ̀ ní ọdún 2014. Ayẹyẹ mìíràn fún ilé-iṣẹ́ fídíò géèmù, D.I.C.E. Awards láti ọwọ́ Academy of Interactive Arts & Sciences, ni wọ́n máa ń ṣe àfihàn rẹ̀ ní oṣù kejì ọdọọdún lórí ojú-òpó wẹ́ẹ̀bù fídíò géèmù IGN (àti nígbà mìíràn GameSpot) láti ọdún 2012.
Àwọn ayẹyẹ àmì-ẹ̀yẹ eré-oníṣe ti èdè Gẹ̀ẹ́sì ní Oṣù Kínní/Oṣù Kejì/Oṣù Kẹta/Oṣù Kẹrin ọdọọdún pẹ̀lú Jeopardy Class Of, Academy Awards, American Cinema Editors, American Society of Cinematographers, Art Directors Guild, British Academy of Film and Television Arts, Costume Designers Guild, Critics Choice, Directors Guild of America Awards, Grammy Awards, Independent Spirit Awards, New York Film Critics Circle, Nickelodeon Kids' Choice Awards, Producers Guild of America Awards, Screen Actors Guild Awards, D.I.C.E. Awards, àti Writers Guild of America Awards.[7] The Game Awards máa ń jẹ́ ṣíṣe àfihàn ní Oṣù Kejìlá ọdọọdún.
Wo eléyìí náà
[àtúnṣe | àtúnṣe àmìọ̀rọ̀]Àwọn Ìtọ́kasí
[àtúnṣe | àtúnṣe àmìọ̀rọ̀]- ↑ Jones 2019.
- ↑ Simons 2014, p. 18.
- ↑ Swaddling 2011.
- ↑ Haines 1999, p. 64.
- ↑ Greenwell, Danzey-Bussell & Shonk 2014, p. 182.
- 1 2 3 4 5 6 Bathroom Readers Institute.
- ↑ Nolfi 2020.
Àwọn Orísun
[àtúnṣe | àtúnṣe àmìọ̀rọ̀]- Bathroom Readers Institute, "What the Golden Globes—And 4 Other Major Award Shows—Used to Be Like", Reader's Digest, archived from the original on 2020-01-11, retrieved 2020-01-11
- Greenwell, T. Christopher; Danzey-Bussell, Leigh Ann; Shonk, David (2014), Managing Sport Events, Human Kinetics, ISBN 978-0-7360-9611-9, retrieved 2020-01-11
- Haines, Marci (1999-01-01), Ancient Greece Gr. 4-6, Rainbow Horizons Publishing, ISBN 978-1-55319-282-4, retrieved 2020-01-10
- Jones, Peter (2 February 2019), "Sick of award ceremonies? So were the ancients", The Spectator, retrieved 2020-01-10
- Nolfi, Joey (January 7, 2020), "2019-2020 awards season calendar: Key dates for the Oscars, Grammys, more", Entertainment Weekly, retrieved 2020-01-11
- Simons, Lisa M. B. (1 July 2014), The First Olympics of Ancient Greece, Capstone, ISBN 978-1-4914-0273-3, retrieved 10 January 2020
- Swaddling, Judith (2011-02-17), Ancient Greek Olympics Gallery, BBC, retrieved 2020-01-10
Àwọn ìjápọ̀ ìta
[àtúnṣe | àtúnṣe àmìọ̀rọ̀]
Media related to Ayẹyẹ àmì-ẹ̀yẹ at Wikimedia Commons
