Ayẹyẹ Ọjọ tí a n ṣe àjọyọ̀ àwọn Àgbàlagbà àti Arúgbó jákèjádò Àgbáyé.
Ayẹyẹ ọjọ́ tí a n ṣe àjọyọ̀ àwọn àgbàlagbà àti arúgbó ní àgbáyé máa ń wáyé ní ọjọ́ kíǹní oṣù kẹwàá ọdún.
Ni ọjọ́ kẹrìnlá Oṣù Kejìlá Ọdún 1990, àwọn Àpéjọ àjọ ìṣọ̀kan Àgbáyé dìbò lati ya ọjọ́ kìńí Oṣù Kẹwǎ sí ọ̀tọ̀ láti ṣe àjọyọ̀ àwọn àgbàlagbà àti arúgbó ní àgbáyé gẹ́gẹ́ bí a ti ṣe ìlàsílẹ̀ rẹ̀ nínú ìpinnu 45/106. A ṣe àkíyèsí ìsinmi náà fún ìgbá àkọ́kọ́ ní ọjọ́ kìńní Oṣù Kẹwǎ Ọdún 1991.
Ayẹyẹ nàá sọ pàtó nípa àwọn àjọ tí ó ń rísí ọjọ́ ogbo àti ètò àjọ ìṣọ̀kan Àgbáyé lórí Ọjọ́-orí.
Àkòrí àwọn ọdún tí a ti ṣe sẹ́yìn
[àtúnṣe | àtúnṣe àmìọ̀rọ̀]- 1998 & 2000: Sí àwùjọ́ tí ó ṣeé gbé fún àwọn àgbàlagbà àti arùgbó.
- 2004: Àwọn àgbàlagbà làti ìran dé ìran.
- 2005: Àgbàlagbà ní Ẹgbẹ̀rún Ọdún Tuntun.
- 2006: Ìgbáyégbádùn àwọn Àgbàlagbà: mímú gbòòrò àwọn ìlànà àjọ ìṣọ̀kan Àgbáyé.
- 2007: Ṣíṣakoso àwọn Ìṣòro àti àwọn àǹfààní tí àwọn Àgbàlagbà àti Arúgbó ní.
- 2008: Àwọn ẹ̀tọ́ àwọn àgbàlagbà.
- 2009: Ayẹyẹ Ìjọ́dún kẹwàá tí a dá àjọ yǐ sílẹ̀: àwùjọ tí ó dàra fún gbogbo ọjọ́ orí.
- 2010: Àwọn àgbàlagbà àti lílépa àwọn Àfojúsùn Àtúnwáyé.
- 2011: Bí àwọn Àǹfààní àti ìdojúkọ ṣe ń pọ̀ fún àwọn Àgbàlagbà Lágbàáyé.
- 2012: Ẹ̀mí gígùn: Ṣíṣètò fún ọjọ́ Ọ̀la.
- 2013:Ọjọ́ Ọ̀la tí a ǹ Wá: Ohun tí Àwọn Àgbàlagbà ń Sọ.
- 2014: Láì yọ ẹnikẹ́ni sílẹ̀: Ìdàgbàsókè àwùjọ fún Gbogbo ènìyàn.
- 2015: Ìwàláàyè àti Àjọṣe Ọdọ́ ní Àyíká Ìlú.
- 2016: Dúró Ṣiṣẹ́ Ìsìn tó ó ní ṣe nípa àwọn Àgbàlagbà.
- 2017: Ìwòye sí ọjọ́ Ọ̀la: Ìwọ́n-ọ̀nà sí àwọn ẹ̀bùn, ìfọwọ́sowọ́pọ̀ àti ìkópa àwọn àgbàlagbà láàárín àwùjọ.
- 2018: Ṣìṣe àjọyọ̀ àwọn ajàfẹ́tọ̀ọ́ Ọmọnìyàn tí ó rísí àwọn àgbàlagbà.
- 2019: Àrìn-àjò sí Ìrówówówù Àgbà.
- 2020: Àjàkálẹ̀ Àrùn: Ṣé ó máa ń yí ọ̀nà tá a ń gbà ń sọ̀rọ̀ sí Àgbà àti Àgbàlagbà pa dà?
- 2021: Ẹ̀tọ́ Ọ̀rọ̣ fún Gbogbo gbogbo ọjọ́ orí.
- 2022: Ìfaradà àwọn Àgbàlagbà nínú ayé tó ń yípadà.
- 2023: Ìmúṣẹ àwọn ìlérí Ìpínlẹ̀ Àgbáyé ti Àwọn Ẹ̀tọ́ Ọmọnìyàn fún àwọn Àgbàlagbà: Láti ìran dé ìran.
- 2024: Àgbàlagbà pẹ̀lú ìfọkànsìn: Ìpínlẹ̀ ti fífi àwọn ètò àbójútó àti àtìlẹ́yìn fún àwọn àgbàlagbà lágbàáyé.
- Ọdún 2025: Àwọn àgbàlagbà ń darí ìgbésẹ̀ tó ń wáyé ní àwùjọ àti lágbàáyé: Ìrètí wa, Àjọṣe wa àti Ẹ̀tọ́ wa.
O wa ni ipilẹṣẹ lati ṣe ayẹyẹ Ọjọ́ ẹ̀mí gígùn lágbǎyé ní ọjọ́ kìńní Oṣu Kẹwa lati le ṣe àfojúsùn si ọjọ ogbó bi ipenija ìmọ̀ ìṣoògùn òyìnbó, tí ó nílò àtúnṣè kìàkìà nípasẹ̀ ìṣoògùn ti ìlànà òde òní. [1]
Wíwò síwájú si
[àtúnṣe | àtúnṣe àmìọ̀rọ̀]
- Àwọn àrùn tí ó ń dàmú àwọn arrúgbó
- Ọjọ ori
- Ìtọ́jú àwọn àgbàlagbà
- Ilé ìtọ́jú àwọn arúgbó
- Awọn ayẹyẹ agbaye
- Ìbọ̀wọ̀ fún Ọjọ́ Ogbó
- World Olùkọ Day ká Day
Àwọn ìtọ́kasí
[àtúnṣe | àtúnṣe àmìọ̀rọ̀]- ↑ Encyclopedia of Gerontology and Population Aging. 2019-05-08.