Babatunde Lawal

Babatunde Lawal Listen jẹ́ onímọ̀ nípa ìtàn iṣẹ́ ọnà àti ọ̀mọ̀wé nípa iṣẹ́ ọnà ní orílẹ̀-èdè Nàìjíríà . Iṣẹ́ ìwádìí rẹ̀ dá lórí àṣà iṣẹ́ ọnà àwọn Yorùbá àti àwọn ipa rẹ̀ ní ìlú àwọn Amẹ́ríkà. Lọ́wọ́lọ́wọ́, ó jẹ́ ọ̀jọ̀gbọ́n nínú Ìtàn iṣẹ́ ọnà ní Virginia Commonwealth University.

A bí Lawal, a sì tọ́ ọ dàgbà ní Ìsàlẹ̀-Èkó (òpópónà Ojú Olókun), agbègbè kan ní ìlú Èkó . Nítorí pé Lawal fúnra rẹ̀ dàgbà ní Nàìjíríà, ìmọ̀ ẹ̀kọ́ Lawal fi hàn pé a ń lo àpẹẹrẹ ẹ̀kọ́ kan tó dá lórí onírúurú àṣà àti ìṣe iṣẹ́ ọnà ní Nàìjíríà. Èyí mú un yàtọ̀ sí ọ̀pọ̀ àwọn ọ̀mọ̀wé ní ilẹ̀ Yúróòpù àti Amẹ́ríkà nípa iṣẹ́ ọnà tí ó jẹ mọ́ ilẹ̀ Áfíríkà.

Nínú ìwé rẹ̀ èyí tí ó dá lórí Gelede, Lawal kọ̀wé pé: “Ọ̀pọ̀ àwọn ọ̀mọ̀wé […] ti pè fún ọ̀nà àgbéyẹ̀wò tuntun kan èyí tí yóò jẹ́ kí a kẹ́kọ̀ọ́ kí á sì ní òye nípa àwọn àṣà ilẹ̀ Áfíríkà ní ìbámu pẹ̀lú bí wọ́n ṣe rí gẹ́lẹ́ ní ara wọn, dípò kí á ṣẹ̀ṣẹ̀ máa wò wọ́n nípasẹ̀ àwọn ojú ìwòye èyí tí ó dá lórí ti àgbékalẹ̀ Yúróòpù... Ohun tí a nílò ní kíákíá, gẹ́gẹ́ bí Henry Gates ti tọ́ka sí, ni ọ̀nà kan tí ó ń jẹ́ kí àṣà kan ‘sọ̀rọ̀ fúnra rẹ̀ nípa ìrísí rẹ̀ àti onírúurú iṣẹ́ rẹ̀ tí ó ń ṣe, dípò kí á máa kà á, tàbí kí á ṣe àtúpalẹ̀ rẹ̀, ní ìbámu pẹ̀lú... àwọn tíọ́rì tí a yá ní lódidi láti inú àwọn àṣà mìíràn, tí a fà láti òde.’”