Bayo Ohu

Ogunbayo Ayanlola Ohu (Oṣù Kẹfà 18, 1964 – Oṣù Kẹsàn 20, 2009), tí a mọ̀ sí Bayo Ohu, jẹ́ oníròyìn ọmọ orílẹ̀-èdè Nàìjíríà. Ohu ṣiṣẹ́ gẹ́gẹ́ bí olùrànlọ́wọ́ olóòtú ìròyìn fún The Guardian, ìwé ìròyìn ojoojúmọ́ kan tí a ń tẹ̀ jáde ní Nàìjíríà.

Ìgbésí ayé ìbẹ̀rẹ̀ pẹ̀pẹ̀ àti ẹ̀kọ́

Wọ́n bí Bayo Ohu ní ọjọ́ kejìdínlógún oṣù kẹfà, ọdún 1964. Ó lọ sí ilé-ẹ̀kọ́ alákọ̀ọ́bẹ̀rẹ̀ ní Local Authority Primary School ní Iseyin, Ìpínlẹ̀ Oyo. Ohu tún forúkọ sílẹ̀ ní Progressive Grammar School ní Ado-Awaye, èyí tí ó parí ní ọdún 1976. Níkẹyìn ó parí ẹ̀kọ́ rẹ̀ ní Polytechnic Ilù Ìbàdàn láàárín ọdún 1988 títí di ọdún 1990. Wọ́n gbà Ohu síṣẹ́ gẹ́gẹ́ bí oníròyìn láti ọwọ́ The Guardian, ìwé ìròyìn ojoojúmọ́ kan tí ó wà ní ìlú Èkó, ní ọdún 1991. Ó ṣiṣẹ́ fún ìwé ìròyìn gẹ́gẹ́ bí akọ̀ròyìn ìpínlẹ̀ ní ìpínlẹ̀ Katsina ní àríwá Nàìjíríà. Lẹ́yìn àkókò rẹ̀ ní ìlú Katsina, wọ́n gbé Ohu ga sí ipò olùrànlọ́wọ́ olóòtú ìròyìn. Ó padà sí iṣẹ́ ìròyìn nípa ìṣèlú Nàìjíríà fún ìwé ìròyìn The Guardian.

Ikú

Wọ́n yìnbọn pa Ohu ní ilé rẹ̀ ní Èkó, ní àárọ̀ ọjọ́ Àìkú, oṣù kẹsàn-án ọjọ́ 20, 2009. Àwọn agbanipa márùn-ún ni a gbàgbọ́ pé wọ́n kọlu Ohu, tí wọ́n sì jí ẹ̀rọ àgbélétan àti ẹ̀rọ ìléwọ́ rẹ̀. Àwọn Ọlọ́pàá kọ́kọ́ rò pé pípa Ohu's jẹ́ ara ìdigunjalè, bí ó tilẹ̀ jẹ́ pé iṣẹ́ Ohu ní The Guardian ní a fura sí pé ó jẹ́ ìdí tí wọ́n fi pa á . Àwọn Ẹgbẹ́ Oníròyìn Nàìjíríà bẹnu àtẹ́ lu ìpànìyàn Ohu gẹ́gẹ́ bí 'ìpànìyàn àfojúsùn' pé kì í ṣe ìdigunjalè.