Caroline Harrison
Caroline Harrison | |
|---|---|
_-_cropped_and_restored.jpg) | |
| Obìnrin Àkọ́kọ́ Orílè-èdè Amẹ́ríkà | |
| In office 4 March 1889 – 25 October 1892 | |
| Ààrẹ | Benjamin Harrison |
| Asíwájú | Frances Cleveland |
| Arọ́pò | Mary Harrison McKee |
| Àwọn àlàyé onítòhún | |
| Ọjọ́ìbí | Caroline Lavinia Scott Oṣù Kẹ̀wá 1, 1832 Ohio, Améríkà |
| Aláìsí | October 25, 1892 (ọmọ ọdún 60) |
| (Àwọn) olólùfẹ́ | Benjamin Harrison |
| Àwọn ọmọ | 3 |
Caroline Lavinia Harrison (orúkọ ìbí rẹ̀ jẹ́ Scott ; Oṣù Kẹ̀wàá 1, 1832 – Oṣù Kẹ̀wàá 25, 1892) jẹ́ olùkọ́ orin ará Amẹ́ríkà, olórin, àti ìyáàfin àkọ́kọ́ Amẹ́ríkà láti ọdún 1889 títí di ìgbà ikú rẹ̀ ní ọdún 1892. Ó fẹ́ Ààrẹ Benjamin Harrison, òun sì ni ìyàwó kejì àkọ́kọ́ tó kú nígbà tó wà ní ipò.
Ìbẹ̀rẹ̀ ìgbésí ayé àti ìgbéyàwó rẹ̀
[àtúnṣe | àtúnṣe àmìọ̀rọ̀]Wọ́n bí Caroline Lavinia Scott ní ọjọ́ kìíní oṣù kẹwàá ọdún 1832 ní Ohio láti ọ̀dọ̀ àwọn olùkọ́. Bàbá àgbà rẹ̀ ni olùdásílẹ̀ ìjọ Presbyterian àkọ́kọ́ ní Amẹ́ríkà, ó sì ní àwọn arábìnrin méjì àti àwọn arákùnrin méjì. Ìdílé náà kó kúrò ní ìlú ìbílẹ̀ wọn sí Cincinnati.
Àwọn òbí rẹ̀ jẹ́ olùtìlẹ́yìn fún ẹ̀kọ́ àwọn obìnrin, wọ́n sì rí i dájú pé ó gba ẹ̀kọ́ tó dára. Nígbà tí ó wà ní Cincinnati, Caroline lọ sí ilé ìwé àwọn ọmọbìnrin tí baba rẹ̀ dá sílẹ̀, ó sì bẹ̀rẹ̀ iṣẹ́ olùkọ́ni.
Caroline bẹ̀rẹ̀ ìbáṣepọ̀ rẹ̀ pẹ̀lú Benjamin Harrison, ọ̀kan lára àwọn akẹ́kọ̀ọ́ baba rẹ̀. Wọ́n fẹ́ ara wọn ní ọdún 1852, wọ́n sì ṣe ìgbéyàwó ní ọjọ́ ogún oṣù kẹwàá, ọdún 1853, pẹ̀lú baba Caroline tí ó ń ṣe àkóso rẹ̀.[1]
Nípa ìdílé rẹ̀ àti ìgbésí ayé òṣèlú rẹ̀
[àtúnṣe | àtúnṣe àmìọ̀rọ̀]Wọ́n bí ọmọ mẹ́ta, méjì nínú wọn sì wà láàyè títí wọ́n fi dàgbà.
Wọ́n ń ṣiṣẹ́ ní ṣọ́ọ̀ṣì Presbyterian, ó sì tilẹ̀ ń lu dùùrù.
Harrison ní àwọn àkókò ìdánìkanwà àti ìsoríkọ́ nígbà tí ọkọ rẹ̀ bẹ̀rẹ̀ iṣẹ́ òṣèlú rẹ̀, nítorí pé ó sábà máa ń wà níbẹ̀. Èyí burú sí i nígbà tí Ogun Abẹ́lé bẹ̀rẹ̀, nígbà tí Caroline àti Benjamin fẹ́ ran lọ́wọ́ nínú ogun náà. Caroline dara pọ̀ mọ́ àwùjọ àwọn olùyọ̀ǹda ara-ẹni kan. Ó tẹ̀síwájú nínú ẹ̀kọ́ rẹ̀ lẹ́yìn ogun náà, ó ń kẹ́kọ̀ọ́ nípa ìwé àti ìmọ̀ ọgbọ́n orí.
Benjamin tẹ̀síwájú láti máa lépa ìṣèlú lẹ́yìn ogun náà. Ó díje fún Gómìnà Indiana ní ọdún 1876 láìsí àṣeyọrí, wọ́n sì dìbò yàn án sí Ilé ìgbìmọ̀ aṣòfin Amẹ́ríkà ní ọdún 1880. Lẹ́yìn ìdìbò rẹ̀, ìdílé náà kó lọ sí Washington, D.C. níbi tí ó ti ṣiṣẹ́ gẹ́gẹ́ bí olùdámọ̀ràn fún iṣẹ́ òṣèlú rẹ̀, ó sì ràn án lọ́wọ́ nínú ìpolongo òṣèlú rẹ̀. Wọ́n yan ọkọ rẹ̀ gẹ́gẹ́ bí ààrẹ, wọ́n sì búra fún un ní ọjọ́ kẹrin oṣù kẹta, ọdún 1889.
Gẹ́gẹ́ bí Ìyáàfin Àkọ́kọ́
[àtúnṣe | àtúnṣe àmìọ̀rọ̀]Ó ni ẹrù iṣẹ́ láti ṣàkóso ìdílé ńlá wọn ní White House.
Ó tẹ̀síwájú nínú iṣẹ́ àánú rẹ̀ gẹ́gẹ́ bí ìyáàfin, ó sì fún un ní àkókò díẹ̀ láti ṣètò àsè alárinrin kan. Ó ṣe àwọn àtúnṣe díẹ̀ sí àpèjẹ ààrẹ; Harrison dáwọ́ àṣà láti ran àwọn ènìyàn lọ́wọ́ láti gba ipò wọn dúró, ó sì tún dá ijó padà gẹ́gẹ́ bí àṣà tí ó wọ́pọ̀.
Harrison ṣe àtìlẹ́yìn fún ìgbésẹ̀ ẹ̀tọ́ àwọn obìnrin nígbà tí ó ń ṣiṣẹ́ gẹ́gẹ́ bí obìnrin ààrẹ. Ìmọ̀ràn rẹ̀ ló mú kí ọkọ rẹ̀ yan Alice Sanger sí iṣẹ́ White House, obìnrin àkọ́kọ́ tó wà ní ipò yìí. Ó tún ṣe àtúnṣe sí White House.[2]
Àìsàn àti ikú rẹ̀
[àtúnṣe | àtúnṣe àmìọ̀rọ̀]Ní ọdún 1891, wọ́n ṣe àyẹ̀wò Harrison pé ó ní ikọ́ ẹ̀gbẹ. Bí ìlera rẹ̀ ṣé ń dínkù, ó fi iṣẹ́ rẹ̀ lé àwọn ẹbí rẹ̀ lọ́wọ́, pàápàá jù ọmọbìnrin rẹ̀ Mary. Èyí fa ìjà láàrin obìnrin kejì àti ìyàwó akọ̀wé ìpínlẹ̀, tí wọ́n rò pé àwọn tó yẹ fún ipò náà jù.
Ó fi Ilé Ààfin sílẹ̀, ó sì kú ní ọjọ́ kẹẹ̀ẹ́dọ́gbọ̀n oṣù kẹwàá, ọdún 1892, ọ̀sẹ̀ méjì ṣáájú ìdìbò tí ọkọ rẹ̀ kú.[1]
Àwọn ìtọ́kasí
[àtúnṣe | àtúnṣe àmìọ̀rọ̀]- 1 2 Scherber, Annette (June 28, 2017). ""Underrated" First Lady Caroline Scott Harrison: Advocate for the Arts, Women's Interests, and Preservation of the White House". Indiana History Blog. Indiana State Library and Historical Bureau. Retrieved July 10, 2022.
- ↑ "White House Repairs". The Sunday Herald: pp. 17. June 14, 1891. https://www.newspapers.com/clip/111727940/white-house-repairs/.
Ìwé kíkà
[àtúnṣe | àtúnṣe àmìọ̀rọ̀]- Beasley, Maurine H. (2005). First Ladies and the Press: The Unfinished Partnership of the Media Age. Northwestern University Press. ISBN 978-0-8101-2312-0. https://books.google.com/books?id=cIp1AAAAMAAJ.
- Brown, John Howard, ed (1900). Lamb's Biographical Dictionary of the United States. III (University ed.). https://archive.org/details/cu31924092524556.
- Caroli, Betty Boyd (2010). First Ladies: From Martha Washington to Michelle Obama. Oxford University Press, USA. pp. 108–111. ISBN 978-0-19-539285-2. https://archive.org/details/firstladiesfromm0000caro.
- DeGregorio, William A. (1993). The Complete Book of U.S. Presidents (4th ed.). Wings Books. ISBN 0-517-08244-6. https://archive.org/details/completebookofus0000degr_n1f3.
- Diller, Daniel C.; Robertson, Stephen L. (2001). The Presidents, First Ladies, and Vice Presidents: White House Biographies, 1789–2001. CQ Press. pp. 170. ISBN 978-1-56802-573-5. https://archive.org/details/presidentsfirstl0000dill/.
- Foster, Feather Schwartz (2011). "Caroline Harrison". The First Ladies: From Martha Washington to Mamie Eisenhower, an Intimate Portrait of the Women Who Shaped America. Cuberland House. pp. 83–88. ISBN 978-1-4022-4272-4. https://archive.org/details/firstladiesfromm0000schw.
- Gould, Lewis L. (1996). American First Ladies: Their Lives and Their Legacy. Garland Publishing. ISBN 0-8153-1479-5. https://archive.org/details/isbn_9780815325857/.