Jump to content

Dorothy Hughes (ayàwòrán ilé)

Lát'ọwọ́ Wikipedia, ìwé ìmọ̀ ọ̀fẹ́
Dorothy Hughes
Fáìlì:Eugenie Dorothy Hughes (aka Dorothy Hughes).jpg
Ọjọ́ìbíEugenie Dorothy Ullmann
(1910-06-26)26 Oṣù Kẹfà 1910
London, England
Aláìsí16 August 1987(1987-08-16) (ọmọ ọdún 77)
Tunbridge Wells, County Kent, England,Buried at Muthangari,Nairobi Kenya.
Iṣẹ́Architect, politician

Eugenie Dorothy Hughes, MBE , FRIBA (Ọjọ́ kẹrìndínlógún oṣù kẹfà ọdún 1910 – ọjọ́ kẹrìndínlógún oṣù kẹjọ ọdún 1987) jẹ́ ayàwòrán ilé, olóṣèlú, olùtúnṣe àwùjọ àti ajìjàgbara fún àwọn aláàbọ̀ ara ní Kenya. Ó dá Ìgbìmọ̀ Àwọn Iṣẹ́ Àwùjọ ti Kenya sílẹ̀, ó sì ṣiṣẹ́ gẹ́gẹ́ bí olórí egbẹ́ awọn aláàbọ̀ ara. Gẹ́gẹ́ bí ayàwòrán obìnrin àkọ́kọ́ ní ìlà-oòrùn Áfíríkà, ó ní ilé-iṣẹ́ tirẹ̀, a sì mọ̀ ọ́n dáadáa fún àwòrán rẹ̀ ní Kàtídírà ti Ìdílé Mímọ́ ní Nairobi .

Ìtàn ìgbésí ayé

[àtúnṣe | àtúnṣe àmìọ̀rọ̀]

A bí Eugenie Dorothy [1] Ullmann ní ọjọ́ kẹrìndínlógún oṣù kẹfà ọdún 1910 [2] ní ìlú London. Àwọn òbí rẹ̀ kó lọ sí ìlú Rift Valley ti Eldoret ní agbègbè Uasin Gishu, ní ọdún 1913, wọ́n kọ́ ilé kejì ní ìlú náà. Ó dàgbà ní Kenya ṣùgbọ́n ó padà sí London fún ẹ̀kọ́, [3] ó lọ sí ilé- Ilé-ẹ̀kọ́ ti awòrán. [4] Ó padà sí Kenya ó sì fẹ́ aṣojú Ford ti Kenya, John Hughes, ẹni tí ó dá Hughes Motors sílẹ̀ lẹ́yìn náà. Lẹ́yìn náà, tọkọtaya náà bí ọmọ mẹ́fà. [3]

Hughes di ọmọ ẹgbẹ́ ile eko awọn ayàwòrán Ilé Gẹ̀ẹ́sì ní ọdún 1946. [5] Ó ṣí ilé-iṣẹ́ ayàwòrán kan, Hughes àti Polkinghorne, ó ń ṣe àwòrán àwọn ilé bíi Golden Beach Hotel, [6] Ilé Murangi, Ilé Ìwòsàn Princess Elizabeth, egbẹ́ ere-idaraya Rift Valley, [7] àti Ile-iwe St. Mary, Nairobi, àti ọ̀pọ̀lọpọ̀ mìíràn. [8] Ní ọdún 1950, wọ́n fún un ní ẹ̀bùn Àkójọpọ̀ tó dáa Jùlọ ní Ilẹ̀ Ọba Gẹ̀ẹ́sì (MBE) fún iṣẹ́ àwòrán rẹ̀ lórí àwọn ilé ìwòsàn ní Kenya, bíi Nakuru War Memorial Hospital. Láàárín ọdún 1950 sí 1951, Hughes ṣiṣẹ́ gẹ́gẹ́ bí igbákejì ààrẹ ti egbẹ́ awọn Obìnrin ní Ìlà Oòrùn Áfíríkà, èyí tí a dá sílẹ̀ láti gbé ìgbésẹ̀ kan lárugẹ àti láti kó owó jọ láti yanjú àìtó ilé ìwòsàn ní Nairobi; lẹ́yìn náà ó ṣiṣẹ́ gẹ́gẹ́ bí ààrẹ fún ìgbà 1951 sí 1952. [5]

Apẹẹrẹ olokiki rẹ fun Katidira ti idile mimọ ni Nairobi

Ní ọdún 1955, wọ́n yan Hughes láti ṣiṣẹ́ gẹ́gẹ́ bí ọmọ ìgbìmọ̀ ìlú Nairobi [9],Wọ́n sì yàn án ní ọdún 1956 láti ṣojú fún àwọn olùgbé Uasin Gishu nínú Ìgbìmọ̀ Aṣòfin. Ní ọdún 1959, wọ́n yàn án gẹ́gẹ́ bí aṣojú sí Àpérò Ilé Lancaster ní ọdún 1960 ní London láti rí òmìnira Kenya gbà. Hughes pàdánù ipò rẹ̀ ní ìdìbò ọdún 1961 nítorí ẹ̀sìn Kátólíìkì àti ẹgbẹ́ rẹ̀ nínú Ẹgbẹ́ New Kenya. Ìdìbò àkọ́kọ́ náà wà fún àwọn olùgbé funfun nìkan, agbègbè tí wọ́n ti yàn án tẹ́lẹ̀ jẹ́ ti àwọn tí kì í ṣe aláwọ̀ funfun, ẹgbẹ́ New Kenya sì ni ẹgbẹ́ àkọ́kọ́ tí ó ní onírúurú ẹ̀yà ní Kenya. Lẹ́yìn ìpàdánù ìdìbò náà, Hughes yíjú sí àwọn iṣẹ́ ìrànlọ́wọ́ àwùjọ àwùjọ bíi Cheshire Homes for the disability[3] Hughes ṣiṣẹ́ gẹ́gẹ́ bí igbákejì alága ìgbìmọ̀ olùṣètò fún Àpérò Àgbáyé lórí Àlàáfíà Àwùjọ tí a ṣe ní Nairobi ní oṣù Keje, ọdún 1974, ó sì jẹ́ ọ̀kan lára ​​àwọn olùdásílẹ̀ Ìgbìmọ̀ awọn Iṣẹ́ awùjọ ti Kenya. Ó tún ṣiṣẹ́ gẹ́gẹ́ bí alága ti egbẹ́ awọn aláàbọ̀ ara ti egbẹ́ ere-idaraya Kenya fún awọn aláàbọ̀ ara. [10]

Iṣẹ́ àwòrán Hughes tó gbajúmọ̀ jùlọ ni ti Kàtídírà ti Ìdílé Mímọ́ tí ó ṣe àwòrán rẹ̀ ní ọdún 1960. Ilé náà ló gbajúmọ̀ fún àṣà ìgbàlódé rẹ̀ àti gíláàsì aláwọ̀ tí kò ní àwọ̀, ó tún ní mábù carrara. [4] àti ìjókòó fún ẹgbẹ̀rún mẹ́rin (4,000). Yàtọ̀ sí pẹpẹ pàtàkì náà, àwọn pẹpẹ ẹ̀gbẹ́ méjì ló wà, gbọ̀ngàn méjì àti àwọn ilé ìjọsìn mẹ́jọ. Lọ́wọ́lọ́wọ́, ó ń ṣiṣẹ́ gẹ́gẹ́ bí olú-iṣẹ́ Archdiocese ti Nairobi. [11] Ní ìparí ọdún 1960, ó ṣe àfikún sí Kenya Tea Development Agency (KTDA) tí ó ní ilé ìtura olókìkí kan tí ó ní ìrísí ìjókòó tí ó ń fò tí a mọ̀ fún orin benga àdúgbò rẹ̀, àti calypso Afro-Caribbean àti orin soukous . [4] Ẹgbẹ́ náà, tí ó wà ní agbègbè iná pupa ti Nairobi ní Koinange Street, [12] ṣe onírúurú àyípadà orúkọ [4] ṣùgbọ́n a mọ̀ ọ́n sí F1, Madhouse, tàbí Maddi, títí di ìgbà tí wọ́n wó o lulẹ̀ ní ọdún 2014. [12] Ìwé ìròyìn Daily Nation kọ àwọn ilé méjèèjì yìí sí àkójọ àwọn ilé tó gbajúmọ̀ jùlọ ní Kenya. [11] [13]

Nígbà tí Hughes kú ní ọjọ́ orí rẹ̀, ó fi ilé rẹ̀ tó wà ní Mũthangari, ní agbègbè Lavington ní Nairobi fún ẹgbẹ́ Opus Dei gẹ́gẹ́ bí ilé ìtọ́jú Kibondeni College títí láé. Ó ti ṣiṣẹ́ pẹ̀lú àwọn ọmọ ẹgbẹ́ Opus Dei fún ọ̀pọ̀ ọdún láti fi àwọn àǹfààní ẹ̀kọ́ sílẹ̀ fún àwọn ọmọbìnrin ní Nairobi. [3] Ó kú ní ọjọ́ kẹrìndínlógún oṣù kẹjọ ọdún 1987 ní Tunbridge Wells, Kent, England [14] wọ́n sì sin ín sí Itẹ́ òkú St. Austin, Mũthangari, Nairobi, Kenya. [2]

Àwọn ìtọ́kasí

[àtúnṣe | àtúnṣe àmìọ̀rọ̀]
  1. ↑ Kenya Gazette 1958.
  2. 1 2 . Nairobi, Kenya. Missing or empty |title= (help); Àṣìṣe ìtọ́kasí: Invalid <ref> tag; name "tombstone" defined multiple times with different content.
  3. 1 2 3 4 Gichure 2011.
  4. 1 2 3 4 . London, England. Missing or empty |title= (help); Àṣìṣe ìtọ́kasí: Invalid <ref> tag; name "Frieze" defined multiple times with different content.
  5. 1 2 . Nairobi, Kenya. Missing or empty |title= (help);
  6. ↑ . London, England. Missing or empty |title= (help);
  7. ↑ . Nairobi, Kenya. Missing or empty |title= (help);
  8. ↑ "Safari Rally winner, Kenya vehicle assembly pioneer passes on at 77". Nairobi, Kenya: Business Daily. https://www.businessdailyafrica.com/Kenya-vehicle-assembly-pioneer-passes-on-at-77/-/539444/1512880/-/fo2j1v/-/index.html.
  9. ↑ Kenya Gazette 1955.
  10. ↑ "How the Africans help themselves—and how Australia can learn". Sydney, Australia: The Sydney Morning Herald. https://news.google.com/newspapers?id=V_hjAAAAIBAJ&sjid=IeUDAAAAIBAJ&pg=1463%2C2227299.
  11. 1 2 . Nairobi, Kenya. Missing or empty |title= (help);
  12. 1 2 . Nairobi, Kenya. Archived on 4 March 2016. Error: If you specify |archivedate=, you must first specify |url=.
  13. ↑ . Nairobi, Kenya.
  14. ↑ Kenya Gazette 1987.

    Àwọn Orísun

    [àtúnṣe | àtúnṣe àmìọ̀rọ̀]
    Jẹ́ kíkójáde láti "https://yo.wikipedia.org/w/index.php?title=Dorothy_Hughes_(ayàwòrán_ilé)&oldid=619243"