Fàtaì Akinadé Akínbádé
Alhaji Fàtaì Akinadé Akínbádé ( a bi nínú oṣù kẹrin ọdúno 1955) jẹ́ olóṣèlú Nàìjíríà àti akọ̀wétélẹ̀ fún ìjọba ìpínlẹ̀ ọ̀ṣun. Ó jẹ́ olùdíje láti gbégbá ìbò fún ipò gómìnà ti ìpínlẹ̀ ọ̀ṣun lábẹ́ àsìá ẹgbẹ́ òṣèlú PDP ní oṣù kẹrin ọdún 2011.
Ìbí àti àwọn ilé Ẹ̀kọ́ tí ó lọ.
[àtúnṣe | àtúnṣe àmìọ̀rọ̀]A bí Fàtáì Akinadé Akínbádé ní Oṣú Kẹrin ọdún 1955 ní Ọ̀gbagbàá, ìlú kan ní Agbègbè Ọlá-Olúwa. Ó jẹ́ ọmọ-ọba Òwu, nítorínà ó jẹ́ Omoba nílẹ̀ Yorùbá. Bàbá Fàtáì jẹ́ onílù, wọ́n sì kọ́ ọ láti máa ṣe iṣẹ́ náà. Ó lọ iléèwé alákọ̌bẹ̀rẹ̀ St. James Anglican, Ọ̀gbagbàá ní ọdún 1964 si 1969, lẹ́hìnńà ni Ilé-ẹ̀kọ́ girama ìgbàlódé ti Catholic ní ìlú Iwo ni ọdún 1970 sí 1973. Láti ọdún 1973 si 1974 ó ṣiṣẹ́ bí oníṣòwò ọjà oògùn ní ìlú èkó, ṣáájú kí ó tó padà sí ilé ẹ̀kọ́ Catholic Technical College ní Ilé-Ifẹ̀ láti ọdún 1975 si 1978. Ó kẹ́kọ̀ọ́ gboyè nínú ìmọ̀ ìkọ́lé.
Iṣẹ́ Àkọ́ṣe
[àtúnṣe | àtúnṣe àmìọ̀rọ̀]Akínbádé ni a yàn sínú ìgbìmọ̀ ti Delta Steel Company ní Aladja, Delta State, ó ṣiṣeẹ gẹ́gẹ́ bí Alága àti alákòóso fún ètò ìṣúná àtí ọ̀rọ̀ gbogbo. Akinbade dara pọ̀ mọ́ ìjọba ìpínlẹ̀ Ọ̀sun, ó sì ṣiṣẹ́ fún ọdún mẹ́rìndínlógún lábẹ́ ìjọba ológun mẹ́ta àti lẹ́hìnńà lábẹ́ ìjọba alágbádá tí gómìnà Ọlágùnsóyè Oyinlolá jẹ́ olùdarí. Ní ọdún 2003, Ọlágúnsóyè Oyinlolá yàn án gẹ́gẹ́ bíi akọ̀wé ìjọba. Ní ọdún 2004, Fàtáì Akinbadé ni a yàn bí olùdarì ẹgbẹ́ náà ní ẹkùn ìjọba ìpínlẹ̀ ìwó tí ó ń ṣojú ìjọba àpapọ̀.
Ìdíje fún ipò gómìnà
[àtúnṣe | àtúnṣe àmìọ̀rọ̀]Akínbádé kéde èróńgbà rẹ̀ láti díje nínú ìdìbò abẹ́lé fún ipò gómìnà lábẹ́ àsìá ti ẹgbẹ́ ti PDP ní oṣù kejì ọdún 2010. Níkẹyìn, àwọn mẹ́rìnlá mìíràn kéde èróńgbà wọn láti díje fún ipò náà. Ninu ìfọ̀rọ̀wánilẹ́nuwò kan tí ó wáyé ní Oṣù Kẹta ọdún 2010, ó kọ àríyànjiyàn pé Ifẹ̀ / Ìjẹ̀ṣà lókàn láti jẹ gómìnà ní ìpínlẹ̀ Ọṣun.. Ní Oṣù Kẹfà ọdún 2010, àwọn lọ́balọ́ba àti àwọn ìjòyè ní agbègbè Ifẹ̀ fun ní àtìlẹyìn gbangba, páàpáà jùlọ Ọọ̀ni ti Ilé-Ifẹ̀, Oba Okunade Sijuwade. Àmọ́, àwọn aṣáájú ẹgbẹ́ òṣèlú kò fara mọ́ èròńgbà Akinbade láti di gómìnà. Wọ́n pàṣẹ fún gbogbo àwọn alága ìgbìmọ̀ ẹgbẹ́ láti ṣe àtìlẹyìn fún Aṣòfin Iyiola Omisore, tí a ti fagilé idibo rẹ̀ gẹ́gẹ́ bí aṣòfin tí ó ń ṣojú ẹkùn ìlà oòrùn ìpínlẹ̀ Ọsun ilé aṣòfin àgbà Àbújá ni Oṣú Kẹwàá ọdún 2009. Ètò ìdìbò tí ó yẹ kí ó wáye ní osù kẹrin ọdún 2011 kò wáyé mọ́. Ní Oṣù kọkànlá ọdún 2010, Ilé-ẹjọ́ kòtẹ́milọ́rùn ti ìjọba àpapọ̀ tí ó ń jókòó ní ìlú ìbàdàn kéde wípé ìdìbò tí ó wáyé ní Oṣù Kẹrin ọdun 2007 eléyìí tí ó gbé Olágúnsóyè Oyinlolá wọlé kò lẹ́sẹ̀ ńlẹ̀, ilé ẹjọ́ náà kéde wípé kí ọ̀gbẹ́ni Rauf Arẹ́gbẹ́ṣọlála ti Action Congress of Nigeria gba ipò lọ́wọ́ rẹ̀ wípé òun ni ó jáwé olúborí. Arẹ́gbẹ́ṣọla ni yó ṣe gómìnà fún ọdún mẹ́rin gbáko.
Àwọn àlàyé
[àtúnṣe | àtúnṣe àmìọ̀rọ̀].mw-parser-output .reflist{margin-bottom:0.5em;list-style-type:decimal}@media screen{.mw-parser-output .reflist{font-size:90%}}.mw-parser-output .reflist .references{font-size:100%;margin-bottom:0;list-style-type:inherit}.mw-parser-output .reflist-columns-2{column-width:30em}.mw-parser-output .reflist-columns-3{column-width:25em}.mw-parser-output .reflist-columns{margin-top:0.3em}.mw-parser-output .reflist-columns ol{margin-top:0}.mw-parser-output .reflist-columns li{page-break-inside:avoid;break-inside:avoid-column}.mw-parser-output .reflist-upper-alpha{list-style-type:upper-alpha}.mw-parser-output .reflist-upper-roman{list-style-type:upper-roman}.mw-parser-output .reflist-lower-alpha{list-style-type:lower-alpha}.mw-parser-output .reflist-lower-greek{list-style-type:lower-greek}.mw-parser-output .reflist-lower-roman{list-style-type:lower-roman}