Jump to content

Gbomo Gbomo Express

Àfikún àjápọ̀
Lát'ọwọ́ Wikipedia, ìwé ìmọ̀ ọ̀fẹ́
Gbomo Gbomo Express
Fáìlì:Gbomo Gbomo Express poster.jpg
Theatrical release poster
AdaríWalter "Waltbanger" Taylaur
Olùgbékalẹ̀Jeffrey Taylaur
Kevin Taylaur
Walter Taylaur
Òǹkọ̀wéWalter Taylaur
Àwọn òṣèré
OrinTEC
Ikechukwu
Ìyàwòrán sinimáDavid Wyte
Ilé-iṣẹ́ fíìmùWaltbanger 101 Productions
OlùpínFilmOne Distribution
Déètì àgbéjáde
  • 2 Oṣù Kẹ̀wá 2015 (2015-10-02)
Àkókò98 minutes
Orílẹ̀-èdèNigeria
ÈdèEnglish

Gbomo Gbomo Express jẹ́ eré apanilẹ́rìn-ín àbadì tí wọ́n ṣe àgbéjáde ní ọdún un 2015 ní orílẹ̀èdè Nàìjíríà, by Walter Taylaur ni ó kọ ọ́, òun ló sì ṣe olùdaríi rẹ̀ bákannáà. Àwọn òṣèrẹ́ tó kópa nínú eré yìí ni Ramsey Nouah, Osas Ighodaro, Blossom Chukwujekwu, Kiki Omeili, Alexx Ekubo, Gideon Okeke, Gbenro Ajibade, Ikechukwu Onunaku àti Shaffy Bello.[1][2] Eré náà jẹ́ àgbéjáde tuntun tuntun (spin-off) láti inú Married to the Game, tó jẹ́ eré tẹlifíṣọ̀n tí wọ́n ń ṣe ní Ìlàrè Ìlàrè, tí Walter Taylaur tún darí fún EbonyLife TV.[3]

Eré náà dá lóri bí wọ́n ṣe jí olórí ilé-iṣẹ́ orin kan tí orúkọ rẹ̀ ń jẹ́ , Austin MBA Ramsey Noah, àti obìnrin ọlọ́rọ̀ tí ó pàdé ní ilé ìjó, tí orúkọ rẹ̀ ń jẹ́ Cassandra Osas Ighodaro. Ọ̀rọ̀ náà ti fẹ́ ma lọ́jú pọ̀ mọ́ àwọn ajinigbé yìí lọ́wọ́, torí wọn ò ní ìrírí, Francis Gideon Okeke ni olórí àwọn gbọ́mọgbọ́mo náà. Francis gbọ́dọ̀ ríi dájú wí pé òun ṣàmójútó tó péye fún ọ̀rẹ́ bìnrin rẹ̀, Blessing Kiki Omeili , àti obìnrin mìíràn tí orúkọ rẹ̀ ń jẹ́ Filo Gbenro Ajibade tó ń yàn lálè, nígbà tí wọ́n ń gbìmọ̀ láti jẹ́ kí enìkejì Austin, Rotimi (Blossom Chukwujekwu), san owó ìdásílẹ̀.

Àhunpọ̀ Ìtàn

[àtúnṣe | àtúnṣe àmìọ̀rọ̀]

Austin Mba ni Alákóso Àgbà (CEO) fún ilé-iṣẹ́ Rolling Records, ilé-iṣẹ́ orin kan tí ó wà ní ìpẹ̀kun àti bu ọwọ́ lu ìwé àdéhùn ìfowósowọ́pọ̀ pàtàkì kan, tí alábàápín àti agbẹjọ́rò ilé-iṣẹ́ rẹ̀, Rotimi Lawal, ṣètò. Àwọn ọdọ mẹ́ta kan tí wọ́n ò tíì ní ìrírí nínú iṣẹ́ ìjàkadì owó tí Francis,jẹ́ olórí àwọn ọ̀dọ́ náà, ni wọn rí ímeèlì kan tó sọ̀rọ̀ nípa àdéhùn ìfowósowọ́pọ̀ Rolling Records, èyí tí owó ẹ̀ tó ₦50 mílíọ̀nù; lẹ́yìn náà, wọ́n pinnu láti jí ọ̀kan lára àwọn onílé-iṣẹ́ náà gbé kí wọ́n lè gba owó ìdásílẹ̀ ₦50 mílíọ̀nù ní ọwọ́ wọn .


Austin, ń dunú nítorí àdéhùn tó wà lọ́nà nípa ti owó, ó lọ sí ilé ìtura alẹ́ (club) láti ṣe ayẹyẹ, ibè ni ó ti pàdé gbajúgbajà kan, Cassandra, ìná àwọn méjèèjì sì wọ̀. Ní alẹ́ ọjọ́ náà ni àwọn Francis gbé ìgbésẹ̀, wọ́n jí Austin, pẹ̀lú Cassandra tó wà nínú ọkọ̀ gbé nígbà tí ó fẹ́ lọ ra kondomu. Ní òwúrọ̀ ọjọ́ kejì, lẹ́yìn tí ojú rẹ̀ ti là. Austin ríi wí pé inú ilé àkọ́kùn ni òún wà. Ó sọ fún ẹgbẹ́ náà pé ọ̀rẹ́bìnrin òun ni Cassandra nítorí kí wọ́n má baà pa á. Ẹgbẹ́ náà pe Rotimi, alábàáṣiṣẹ́ Austin, ẹni tó ń gbìyànjú láti ṣàlàyé pé owó náà kò tíì dé ọwọ́ ilé iṣẹ́ náà, àti pé ìbuwọlu Austin ni wọ́n nílò kí adehun náà tó lè wá sí ìmúṣẹ, kí owó yìí lè tẹ̀ wọ́n lọ́wọ́. Gbogbo àlàyé tí Rotimi ń ṣe yìí, ẹ̀yìn etí àwọn ẹni yìí ló ń bọ́ sí. Rotimi bẹ̀rẹ̀ sí í fura sí Nino, olórin pàtàkì kan ní ilé-iṣẹ́ náà, tó fẹ́ràn owó gidi gan-an, pé ó lè ní ọwọ́ nínú ìjínigbẹ̀ náà. Rotimi halẹ̀ mọ́ Nino pé òun á fi ọlọ́pàá mu, àmọ́ Nino ń jẹ́ kó máa yé Rotimi wípé òún ma sọ fún àwọn ọlọ́pàá wí pé àwọn jọ lẹ̀dí-àpò-pọ̀ jí Austin gbé ní.

Cassandra bẹ̀bẹ̀ pé kí wọ́n jẹ́ kí òún lọ sí ilé ìgbọ̀nsẹ̀, Filo sì tẹ̀lé e lọ; nígbà tí kò sí olùṣọ́ kankan, Austin gba ara rẹ̀ sílẹ̀, ó lọ sí ilé ìgbọ̀nsẹ̀, níbi tí ó ti gbá fFilo tó fẹ́ fi ipá bá Cassandra pẹ̀lú ìbọn. Austin àti Cassandra sì ń gbìyànjú àti sá lọ, ṣùgbọ́n ọwọ́ tẹ Cassandra lẹ́ẹ̀kansi nígbà tó gbìyànjú láti mú bàtà rẹ̀ tó rà ní owó iyebíye lẹ́yìn tí bàtà náà yọ bọ́ sílẹ̀. Nítorí èyí, Austin fi ara rẹ̀ lé ẹgbẹ́ náà lọ́wọ́, wọ́n sì nà án gidigidi. Pẹ̀lú ìyànjú àti gba Austin là kúrò lọ́wọ́ ìyà, Cassandra bẹ̀bẹ̀, ó rọ ẹgbẹ́ náà pé kí wọ́n pe ìyàwó bàbá òun, Alexis Osita-Park, kí wọ́n lè béèrè owó ìdásílẹ̀ lọ́wọ́ rẹ̀. Alexis Osita-Park jẹ́ obìnrin ọlọ́rọ̀, tí àwọn ohun ìní ẹ̀ tó 2.8 bilíọ̀nù dọ́là, èyí tó jogún lọ́wọ́ bàbá Cassandra tó ti kú. Àwọn ajínigbé náà pe Osita-Park, wọ́n sì béèrè owó tó tó àádọ́ta mílíọ̀nù fun ìdásílẹ̀ àwọn tí wọ́n wà ní akóló wọn. Osita-Park ṣe ìdú-nàá-dú-ràá, ó sọ pé òún máa san ọgbọ̀n mílíọ̀nù, ṣùgbọ́n àwọn ajínigbé náà kọ̀. Cassandra, lórí fóònù, bẹ fún ìyàwó bàbá rẹ̀ pé kó jọ̀wọ́ kó san owó náà fún wọn. Láàárín ìjíròrò náà ni àwọn ajínigbé yẹn tí mọ̀ pé ọgbọ̀n mílíọ̀nù tí Osita-Park fẹ́ san kìí ṣe Náírà, Dọ́là ni. Lójijì, ẹgbẹ́ náà fara mọ́ ìpèsè náà, wọ́n sì pinnu láti ṣètò ìpàdé nípa bí wọ́n ṣe máa gba owó náà.

Àwọn Òṣèré Akópa

[àtúnṣe | àtúnṣe àmìọ̀rọ̀]
Ramsey Nouah on set of the film
Ikechukwu during filming
  • Ramsey Nouah kópa gẹ́gẹ́ bíi Austin Mba
  • Blossom Chukwujekwu kópa gẹ́gẹ́ bíi Rotimi Lawal
  • Osas Ighodaro kópa gẹ́gẹ́ bíi Cassandra
  • Gideon Okeke kópa gẹ́gẹ́ bíi Francis
  • Kiki Omeili kópa gẹ́gẹ́ bíi Blessing
  • Gbenro Ajibade kópa gẹ́gẹ́ bíi Filo
  • Ikechukwu Onunaku kópa gẹ́gẹ́ bíi Nino
  • Alexx Ekubo kópa gẹ́gẹ́ bíi Hubby
  • Shaffy Bello–Akinrimisi kópa gẹ́gẹ́ bíi Alexis Osita- Park
  • Kenneth Okolie kópa gẹ́gẹ́ bíi Ọkùnrin Òjòwú
  • Omoye Uzamere kópa gẹ́gẹ́ bíi Nkem
  • Niqua Johnson as Waitress / Miss Wannabe
  • Shakar EL kópa gẹ́gẹ́ bíi Mobility
  • Benny Thomas kópa gẹ́gẹ́ bíi Ghadaffi
  • Gladys Tivkaa kópa gẹ́gẹ́ bíi Aláṣẹ́wó
  • Abayomi Lawore kópa gẹ́gẹ́ bíi Eskay

Àgbéjáde Eré

[àtúnṣe | àtúnṣe àmìọ̀rọ̀]
Behind the scenes of Gbomo Gbomo Express

Gbomo Gbomo Express jẹ́ ìtẹ̀síwájú-ìtàn (spin-off) "Married to the Game" tí Walter Taylau tún darí fún EbonyLife TV. "Married to the Game", bẹ̀rẹ̀ níbi tí Gbomo Gbomo Express parí sí. Èrò ìjínigbé 'kidnap' wá sí ọkàn olùdarí, Taylaur, látàrí ìtàn gidi kan nípa bí wọ́n ṣe jí tọkọtaya kan gbé nígbà tí wọ́n ń bọ̀ láti ilé ìgbafẹ́ alẹ́ (night club). Sound Sultan àti Lilian Esoro ni wọ́n pinnu láti kópa nínú eré náà tẹ́lẹ̀, ṣùgbọ́n wọ́n yọ wọ́n kúrò nítorí àìfẹnukò lórí àkókò kan. [4] EréeGbomo Gbomo Express jẹ́ eré àkọ́kọ́ tí Osas Ighodaro àti Gbenro Ajibadema kọ́kọ́ jọ ṣe papọ̀, láti ìgbà tí wọ́n ti ṣe ìgbéyàwó.[5]

Ìpínlẹ̀ Èkó ni wọ́n lò gẹ́gẹ́ bí ibùdó ìtàn eré náà .[6] Àwọn Àwòrán, tí wọ́n ti lérò pé ọjọ́ mẹ́rìnlá ni wọ́n ma fi yà á, gbà wọ́n ní ọjọ́ méjìdínlógún. Computer Village ní Ikeja ni wọ́n lò láti ya àwòrán ilé-ìgbafẹ́ alẹ́ àti ilée oúnjẹ ìgbàlódé, wọ́n tún lo àwọn ibùdó ìtàn bíi Victoria Island, Èkó àti bẹ́ẹ̀ bẹ́ẹ̀ lọ. Wọn ya abala ìjínigbé, tí ó jẹ́ láríjà eré ohùn nínú ilé àkọ́kùn kan ní Ebute Metta,ní ìpínlẹ̀ [[Èkó]. Wọ́n sọ ilé àkọ́kùn yìí di orí ìtàgé fún eré tí wọ́n fẹ́ ṣe. Ó yẹ kí wọ́n ṣàmúlò ojú ìrìn tó wà ní Ebute Metta fún àwọn ipa mìíràn tó ṣe kọ́kọ́ ṣùgbọ́n àwọn aláṣẹ ò fàyè gba wọ́n látàrí ewu tó wà níbẹ̀. [7]


Ètò àgbéjáde eré náà gbà wọ́n ní oṣù mẹ́ta gbáko. Eré náà ṣàmúlò orin àwọn akọrin bíi Yemi Alade, Ikechukwu, SDC, Shakar EL, Labzy Lawal, Ben Thomas, Thell'ma, Egar Boi, àti bẹ́ẹ̀ bẹ́ẹ̀ lọ.[8]

Ìṣàfihàn Eré

[àtúnṣe | àtúnṣe àmìọ̀rọ̀]

Wọn ṣe àfihàn ìpolongo fún Gbomo Gbomo Express ní ọgbọ̀njọ́, nínú oṣù kẹfà ní ọdún un 2015.[9][10] Wọ́n ṣe àgbéjáde àwọn àwòrán tí wọ́n yà lẹ́yìn ìtàgé sí orí ẹ̀rọ amáyélujára ní oṣù kéje sí oṣù kẹ́jọ ọdún un 2015.[11][12]Wọ́n ṣe àfihàn ìpolongo to jojú-ń-gbèsè ni ọjọ́ kejì oṣù kẹsàn-án ọdún un 2015.[13] Wọ́n ṣe àfihàn àkọ́kọ́ọ eré yìí ní ọjọ́ kẹtàdínlọ́gbọ̀n nínú oṣù kẹsàn-án, ọdún un 2015,[14] Wọ́n sì bẹ̀rẹ̀ sí ní ṣe àfihàn rẹ̀ káàkiri Cinima ni orílẹ̀ èdè Nàìjíríà láti ọjọ́ kejì, oṣù kẹwàá, ọdún un 2015.[15][16]

Àwọn Ìtọ́kasí

[àtúnṣe | àtúnṣe àmìọ̀rọ̀]
  1. ↑ Umudje, Jessica. "View BTS Pictures and Watch Trailer For 'Gbomo Gbomo Express'". The Making Magazine. Archived from the original on 12 March 2018. Retrieved 13 November 2015. Unknown parameter |url-status= ignored (help)
  2. ↑ Ame, G. (20 October 2015). "Gbomo Gbomo Express – Nollywood Comedy Film Now Showing At The Cinemas". HF Magazine. Retrieved 13 November 2015.
  3. ↑ Salihu, Ejura (20 October 2015). "Exclusive Interview With the Producer of Gbomo Gbomo Express". Connect Nigeria. Archived from the original on 26 November 2015. Retrieved 13 November 2015. Unknown parameter |url-status= ignored (help)
  4. ↑ Salihu, Ejura (20 October 2015). "Exclusive Interview With the Producer of Gbomo Gbomo Express". Connect Nigeria. Archived from the original on 26 November 2015. Retrieved 13 November 2015. Unknown parameter |url-status= ignored (help)
  5. ↑ Grage, Ese (2 October 2015). "Mr. and Mrs. Ajibade Star in their First Movie Together - Gbomo Gbomo Express". Flair NG. Archived from the original on 25 November 2015. Retrieved 13 November 2015. Unknown parameter |url-status= ignored (help)
  6. ↑ Umudje, Jessica. "View BTS Pictures and Watch Trailer For 'Gbomo Gbomo Express'". The Making Magazine. Archived from the original on 12 March 2018. Retrieved 13 November 2015. Unknown parameter |url-status= ignored (help)
  7. ↑ Salihu, Ejura (20 October 2015). "Exclusive Interview With the Producer of Gbomo Gbomo Express". Connect Nigeria. Archived from the original on 26 November 2015. Retrieved 13 November 2015. Unknown parameter |url-status= ignored (help)
  8. ↑ Salihu, Ejura (20 October 2015). "Exclusive Interview With the Producer of Gbomo Gbomo Express". Connect Nigeria. Archived from the original on 26 November 2015. Retrieved 13 November 2015. Unknown parameter |url-status= ignored (help)
  9. ↑ "Gbomo Gbomo Express Official trailer and BHS Photos of Crime-Thriller Starring Ramsey Nouah & Others". Naija Gists. 10 July 2015. Retrieved 13 November 2015.
  10. ↑ Sanusi, Hassan (7 July 2015). "Ramsey Nouah, Gbenro Ajibade, Gideon Okeke, others – Watch teaser of 'Gbomo-Gbomo Express'". Nigerian Entertainment Today (The NET NG). https://thenet.ng/ramsey-nouah-gbenro-ajibade-gideon-okeke-others-watch-teaser-of-gbomo-gbomo-express/.
  11. ↑ Iwuala, Amarachukwu (26 August 2015). "Behind The Scenes of Gbomo-Gbomo Express". 360nobs.com. Archived from the original on 26 June 2016. Retrieved 13 November 2015. Unknown parameter |url-status= ignored (help)
  12. ↑ "Ramsey Nouah in a Nollywood Crime Flick 'Gbomo Gbomo Express' – Check out the Behind the Scenes of this film, and it also stars Blossom Chukwujekwu, Alexx Ekubo, Gbenro Ajibade and more!". Golden Icons. 17 July 2015. Retrieved 13 November 2015.
  13. ↑ Izuzu, Chidumga (3 September 2015). "Watch Ramsey Nouah, Gideon Okeke, Kiki Omeili in official trailer". Pulse NG. Archived from the original on 4 March 2016. Retrieved 13 November 2015.
  14. ↑ "Osas & Gbenro Ajibade, Gideon Okeke, Ikechukwu, Michelle Dede, Toni Tones At 'Gbomo-Gbomo Express' Screening". OnoBello.com. 28 September 2015. Archived from the original on 28 December 2019. Retrieved 13 November 2015. Unknown parameter |url-status= ignored (help)
  15. ↑ Alakam, Japhet (4 October 2015). "Crime caper, Gbomo Gbomo Express hits Cinemas". Vanguard (Lagos, Nigeria). http://www.vanguardngr.com/2015/10/crime-caper-gbomo-gbomo-express-hits-cinemas/. Retrieved 13 November 2015.
  16. ↑ "Gbomo Gbomo Express hits cinemas in October". News24. 4 September 2015. Archived from the original on 1 January 2016. Retrieved 13 November 2015. Unknown parameter |url-status= ignored (help)

Àwọn Ìjápọ̀ Òde

[àtúnṣe | àtúnṣe àmìọ̀rọ̀]
Jẹ́ kíkójáde láti "https://yo.wikipedia.org/w/index.php?title=Gbomo_Gbomo_Express&oldid=618083"