Glenda Hatchett

Glenda Hatchett
Àwọn àlàyé onítòhún
Ọjọ́ìbí	31 Oṣù Kàrún 1951 (1951-05-31) Atlanta, Georgia
Residence	Atlanta, Georgia
Education	Mount Holyoke College (BA) Emory University (JD)
Occupation	Judge and Attorney
Website	glendahatchett.com thehatchettfirm.com

Glenda A. Hatchett (ẹni tí a bí ní ọjọ́ kọkànlélọ́gbọ̀n oṣù karùn-ún, ọdún 1951), tí a mọ̀ sí Judge Hatchett ní ẹnu iṣẹ́ rẹ̀, jẹ́ ẹni tí ó jẹ́ agbẹjọ́rò, àti adájọ́ ará ilẹ̀ Amẹ́ríkà tí ó jẹ́ òṣèré tẹlifíṣọ̀n, Judge Hatchett àti The Verdict pẹ̀lú Judge Hatchett lọ́wọ́lọ́wọ́, àti alábàáṣiṣẹpọ̀ olùdásílẹ̀ ní ilé iṣẹ́ òfin orílẹ̀-èdè náà, The Hatchett Firm.

Ìgbésí ayé àti ìbẹ̀rẹ̀ ẹ̀kọ́

Wọ́n bí Hatchett ní Atlanta, Georgia. Ó gba oyè kìn-ín-ní nínú ìmọ̀ sáyẹ̀nsì (Bachelor) nípa ìmọ̀ òṣèlú láti Mount Holyoke College ní ọdún 1973. Wọ́n tún ti dá a mọ̀ gẹ́gẹ́ bí akẹ́kọ̀ọ́ tó gbajúmọ̀, tí wọ́n sì fún un ní oyè ìdánilọ́lá ní ọdún 2000 láti ọwọ́ kọ́lẹ́ẹ̀jì náà. Lẹ́yìn náà, ó lọ sí Ilé Ẹ̀kọ́ Ìmò Òfin ti Yunifásítì Emory, ó sì gba oyè dọ́kítà ní ọdún 1977.

Iṣẹ́ ọwọ́

Lẹ́yìn tí Hatchett parí ẹ̀kọ́ òfin, tí ó tún parí iṣẹ́ akọ̀wé ìjọba àpapọ̀ tí ó wù ú ní Ilé Ẹjọ́ Àgbègbè Amẹ́ríkà ní Àríwá Àgbègbè Georgia, lẹ́yìn náà ó sì tún gba ipò kan ní Delta Air Lines . Ní Delta, Hatchett di obìnrin aláwọ̀ dúdú tó ga jùlọ ní ilé iṣẹ́ ọkọ̀ òfurufú náà kárí ayé, ó sì ń ṣiṣẹ́ gẹ́gẹ́ bí agbẹjọ́rò àgbà àti olùdarí ìbáṣepọ̀ gbogbogbò. Gẹ́gẹ́ bí agbẹjọ́rò àgbà, Hatchett ń gbé ẹjọ́ kalẹ̀ ní àwọn ilé ẹjọ́ àpapọ̀ jákèjádò orílẹ̀-èdè náà, àti gẹ́gẹ́ bí Olùdarí Ìbátan Gbogbogbò, ó ń ṣe àbójútó ìṣàkóso ìṣòro kárí ayé, àti ìbáṣepọ̀ ìròyìn fún gbogbo Yúróòpù, Aṣia, àti Amẹ́ríkà. Ní ponrangadan, ìwé ìròyìn Ebony Magazine dá àwọn àfikún àti àgbékalẹ̀ rẹ̀ tó tayọ mọ̀, èyí tí ó sọ Hatchett di ọ̀kan lára "Àwọn Obìnrin Adúláwọ̀ Ọgọ́rùn-ún Dúdú (100) Tó Dára Jùlọ ní Ilé Iṣẹ́ Amẹ́ríkà" ní oṣù kìíní ọdún 1990. Nítorí ìfaradà rẹ̀ sí iṣẹ́ rere àti iṣẹ́ ìsìn láàárín àwùjọ, Glenda gba ẹ̀bùn Emory Medal, ẹ̀bùn tó ga jùlọ tí yunifásítì fún àwọn akẹ́kọ̀ọ́ Yunifásítì òun kan.

Ní ọdún 1990, Hatchett pinnu, láti fi Delta Air Lines sílẹ̀ nítorí kí ó lè gba ìyànsípò gẹ́gẹ́ bí Adájọ́ Àgbà ti Fulton County, Georgia Juvenile Court. Nígbà tí Glenda Hatchett gba ipò náà, ó di Adájọ́ Àgbà-Amẹ́ríkà Àkọ́kọ́ ní Georgia ní ilé ẹjọ́ ìpínlẹ̀ kan àti olórí ẹ̀ka ilé ẹjọ́ àwọn ọ̀dọ́ tó tóbi jùlọ ní orílẹ̀-èdè náà.

Ní ọdún 2000, Hatchett fi Fulton County sílẹ̀ ó sì bẹ̀rẹ̀ sí í ṣe alága lórí ètò tẹlifíṣọ̀n orílẹ̀-èdè náà, Judge Hatchett, ẹni tí ó máa ń gba fọ́nrán àwọn ìṣẹ̀lẹ̀ kale déédéé fún àkókò mẹ́jọ (Sony Pictures Television), ó sì ń ṣiṣẹ́ ní ọdún kẹfà rẹ̀ ti ìṣọ̀kan orílẹ̀-èdè náà lọ́wọ́lọ́wọ́. "The Best of Judge Hatchett" ń gbé jáde lórí ẹ̀rọ WeTV lọ́wọ́lọ́wọ́. Wọ́n yan Judge Hatchett Show fún ẹ̀bùn Emmy 2 daytime fún ètò Legal/Courtroom tó tayọ ní ọdún 2008 àti 2009. Ní ọdún 2004, Hatchett kọ ìwé tó ta jùlọ ní orílẹ̀-èdè náà, "Say What You Mean, Mean What You Say" (HarperCollins), ó sì ṣe àgbéjáde "Dare to Take Charge: How to Live Your Life on Purpose" ní ọdún 2010 (CenterStreet), èyí tí ó di ẹni tí ó ta jùlọ ní orílẹ̀-èdè #1. Ó ti ṣiṣẹ́ tẹ́lẹ̀ ní Ìgbìmọ̀ Àwọn Olùdarí Gap, Inc. the Hospital Corporation of America (HCA), àti The Service Master Company. Lọ́wọ́lọ́wọ́, Hatchett ti jẹ́ ọmọ ẹgbẹ́ ìgbìmọ̀ ti Atlanta Falcons Football Organisation láti ọdún 2004, ó sì ń ṣiṣẹ́ gẹ́gẹ́ bí ọmọ ẹgbẹ́ ìgbìmọ̀ àwọn olùdámọ̀ràn fún Play Pumps International. Ó tún ń ṣiṣẹ́ gẹ́gẹ́ bí ọmọ ẹgbẹ́ ìgbìmọ̀ àwọn ọmọ ẹgbẹ́ Boys and Girls Clubs of America National Board of Governors.

Ní ọdún 2014, ó padà sí ìlú abínibí rẹ̀ ní Atlanta, Georgia, ó sì ṣe ìfilọ́lẹ̀ The Hatchett Firm, PC, ilé-iṣẹ́ òfin orílẹ̀-èdè kan tí ó ń dojúkọ àwọn ẹjọ́ ìpalára ara ẹni, mòndàrú nípa ìṣègùn, àti ẹjọ́ Class Action. ] Yàtọ̀ sí iṣẹ́ òfin, Hatchett jẹ́ olùsọ̀rọ̀ ìṣírí àti olùsọ̀rọ̀ ní àwọn ìpàdé àti àwọn ìṣẹ̀lẹ̀ káàkiri orílẹ̀-èdè Amẹ́ríkà. Ní ọdún 2013, òun ni olùsọ̀rọ̀ pàtàkì ní ìpàdé Pennsylvania Conference for Women 10th Anniversary, níbi tí Hillary Clinton ti sọ ọ̀rọ̀ ìparí. Òun nìkan ni olùsọ̀rọ̀ nínú ìtàn ọdún mẹ́wàá ti ìpàdé náà tí wọ́n pè láti sọ̀rọ̀ ju ẹ̀ẹ̀kan lọ. Ní ọdún 2015, ó ṣe ìdánilẹ́kọ̀ọ́ Holmes-Hunter ní Yunifásítì ti Georgia, ó fi ọlá fún Charlayne Hunter-Gault àti Hamilton Holmes tí ó ti kú, tí ó di akẹ́kọ̀ọ́ ọmọ ilẹ̀ Amẹ́ríkà àkọ́kọ́ tí ó forúkọ sílẹ̀ ní UGA ní ọdún 1961.

Hatchett ti ṣe ifarahàn ní ọ̀pọ̀lọpọ̀ ilé iṣẹ́ ìròyìn gẹ́gẹ́ bí olùṣàlàyé àlejò àti olùṣàlàyé òfin lórí àwọn ọ̀ràn orílẹ̀-èdè. Ó ti farahàn ní òpò ìgbà lórí CNN gẹ́gẹ́ bí olùṣàlàyé àlejò, àti gẹ́gẹ́ bí àlejò lórí The View, Jimmy Kimmel Live!, The Mo'Nique Show, àti The Young and the Restless .

Ní oṣù kẹrin ọdún 2015, Hatchett kéde pé òun fọwọ́ sí láti padà sí abala ère orí tẹlifíṣọ̀n pẹ̀lú ètò tuntun kan tó dá lórí Eré ejò orí tẹlifíṣọ̀n tí wọ́n pè ní The Verdict pẹ̀lú Judge Hatchett tí wọ́n máa gbé jáde ní ìparí ọdún 2016 lábẹ́ Entertainment Studios.

Ní ọjọ́ kọkànlá oṣù keje, ọdún 2016, ilé iṣẹ́ amòfin rẹ̀ kéde pé àwọn yóò máa ṣojú fún ìdílé Philando Castile nínú gbogbo ọ̀ràn tó bá ní ṣe pelu òfin ìlú.

Ìgbésí ayé ara ẹni

Nínú ìṣẹ̀lẹ̀ kan nínú abala fíìmù Adájọ́ Hatchett, wọ́n ṣe àyẹ̀wò DNA Hatchett, wọ́n sì fihàn pé ó tán mo àwọn ìran àwọn ará Yorùbá àti Hausa ní Nàìjíríà. Ó ń gbé ní Atlanta, Georgia pẹ̀lú àwọn ọmọkùnrin rẹ̀ méjì lọ́wọ́lọ́wọ́.

Àwọn ìwé Tó ko

• • Say What You Mean and Mean What You Say! 7 Simple Strategies to Help Our Children Along the Path to Purpose and Possibility (Harper Collins, 2003) (2004 paperback published with subtitle Saving Your Child from a Troubled World.)
  • Dare to Take Charge: How to Live Your Life on Purpose (Center Street, 2010)

Àwọn ìtọ́kasí Ìta

• Oju opo wẹẹbu osise Archived 2025-07-06 at the Wayback Machine.
• Oju opo wẹẹbu Hatchett, oju opo wẹẹbu PC
• Àtúnyẹ̀wò ìwé oprah.com Archived 2008-02-24 at the Wayback Machine.
• NPR
• Glenda Hatchett