Iboju Awọn oṣere Guild Awards
| Àwọn Àmì-ẹ̀yẹ Òṣèré (The Actor Awards) tí SAG-AFTRA ń gbé kalẹ̀ | |
|---|---|
 Àwọn Àmì-ẹ̀yẹ Screen Actors Guild Ìkọkànlélọ́gbọ̀n | |
| Fáìlì:Screen Actors Guild Award trophy.png | |
| "The Actor", ife-ẹ̀yẹ fún àmì-ẹ̀yẹ náà | |
| Látọwọ́ |
|
| Orílẹ̀-èdè | Orílẹ̀-èdè Amẹ́ríkà |
| Bíbún láàkọ́kọ́ | 1995 |
| Ibiìtakùn oníbiṣẹ́ | actorawards.org |
Àwọn Àmì-ẹ̀yẹ Òṣèré (The Actor Awards) tí SAG-AFTRA ń gbé kalẹ̀, tí a tún mọ̀ sí Àwọn Àmì-ẹ̀yẹ Òṣèré (The Actor Awards), àti èyí tí a mọ̀ tẹ́lẹ̀ sí Àwọn Àmì-ẹ̀yẹ Screen Actors Guild tàbí Àwọn Àmì-ẹ̀yẹ SAG láàárín ọdún 1995 sí 2025, jẹ́ àwọn àmì-ẹ̀yẹ tí Screen Actors Guild-American Federation of Television and Radio Artists (SAG-AFTRA) máa ń fúnni. Wọ́n dá àmì-ẹ̀yẹ náà sílẹ̀ ní ọdún 1995 láti gbóríyìn fún àwọn iṣẹ́ akọyọyọ nínú sinimá àti tẹlifíṣọ̀n. Àwọn àmì-ẹ̀yẹ SAG ti jẹ́ ọ̀kan lára àwọn ayẹyẹ àmì-ẹ̀yẹ pàtàkì nínú ilé-iṣẹ́ sinimá Hollywood láti ìgbà náà, pẹ̀lú Golden Globe Awards àti Oscars. Àwọn àmì-ẹ̀yẹ SAG máa ń dojúkọ iṣẹ́ ẹnìkọ̀ọ̀kan àti iṣẹ́ àpapọ̀ àwọn òṣèré nínú eré oníṣe tẹlifíṣọ̀n àti eré apanilẹ́rìn-ín, àti àwọn òṣèré sinimá.
Àwọn ìyàn fún àwọn àmì-ẹ̀yẹ náà máa ń wá láti ọ̀dọ̀ ìgbìmọ̀ méjì, ọ̀kan fún sinimá àti ọ̀kan fún tẹlifíṣọ̀n, tí kọ̀ọ̀kan wọn ní àwọn ọmọ ẹgbẹ́ ẹgbàá lé ọgọ́rùn-ún (2,100), tí wọ́n ṣà kárí ní tuntun lọ́dọọdún, pẹ̀lú gbogbo àwọn ọmọ ẹgbẹ́ (165,000 ní ọdún 2012) tí wọ́n ní ẹ̀tọ́ láti dìbò fún àwọn olùgbàlé. Wọ́n kà á sí ohun tí ó ń tọ́ka sí àṣeyọrí níbi Àmì-ẹ̀yẹ Academy nínú àwọn ẹ̀ka iṣẹ́-òṣèré. Wọ́n ṣe àfihàn àmì-ẹ̀yẹ náà lórí tẹlifíṣọ̀n TNT láti ọdún 1998 sí 2022, wọ́n sì ṣe àfihàn rẹ̀ lẹ́ẹ̀kan náà lórí TBS láti ọdún 2007 sí 2022. Ní ọdún 2023, Netflix ṣe àfihàn àmì-ẹ̀yẹ náà lórí ìkànnì YouTube Netflix. Netflix bẹ̀rẹ̀ sí ní ṣe àfihàn àwọn àmì-ẹ̀yẹ náà ní tààrà bẹ̀rẹ̀ láti ọdún 2024 gẹ́gẹ́ bíi apá kan àdéhùn ọlọ́dún púpọ̀ tuntun.[1]
Wọ́n ṣe àfihàn Àmì-ẹ̀yẹ SAG àkọ́kọ́ ní tààrà ní **ọjọ́ kẹẹẹ́dọ́gbọ̀n** Oṣù Kejì, 1995, láti Stage **kejìlá** ti Universal Studios. Àmì-ẹ̀yẹ SAG èkejì wáyé ní tààrà láti Santa Monica Civic Auditorium, nígbà tí àwọn àmì-ẹ̀yẹ tí ó tẹ̀le e ti wáyé ní Shrine Auditorium.[2] Ní ọjọ́ kẹrin Oṣù Kejìlá, 2017, wọ́n kéde pé ayẹyẹ àmì-ẹ̀yẹ náà yóò ní atọ́kùn àkọ́kọ́ rẹ̀ nínú ìtàn ọdún mẹ́rinlélógún rẹ̀, pẹ̀lú òṣèrébìnrin Kristen Bell tí yóò darí ayẹyẹ náà.[3] Ní bíi ọdún 2023, Shakespeare in Love ni eré-oníṣe kan ṣoṣo tí ó gba ìyàn fún gbogbo ẹ̀ka iṣẹ́-òṣèré mẹ́rẹ̀ẹ̀rin àti àmì-ẹ̀yẹ àpapọ̀[4] tí Everything Everywhere All at Once sì jẹ́ eré-oníṣe kan ṣoṣo tí ó gba àmì-ẹ̀yẹ mẹ́rin, pẹ̀lú àmì-ẹ̀yẹ àpapọ̀.[5]
Ère tí wọ́n máa ń fúnni, èyí tí í ṣe àwòrán ọkùnrin tí ó wà ní ìhòòhò tí ó di ìbòjú eré-apanilẹ́rìn-ín àti ti eré-ayé-ìbanilẹ́jẹ́ mú, ni wọ́n ń pè ní "The Actor".[6] Ó ga tó inches mẹ́rìndínlógún, ó sì wúwo ju pounds méjìlá lọ, wọ́n fi idẹ líle ṣe é, ilé-iṣẹ́ American Fine Arts Foundry ní Burbank, California sì ló ń ṣe é.[7]
- ↑ Rice, Lynette (January 11, 2023). "SAG Awards Find A New Home On Netflix in 2024; This Year's Show Will Stream On YouTube". Deadline Hollywood. Retrieved January 11, 2023.
- ↑ "History of the SAG Awards". Archived from the original on September 6, 2008. Retrieved 2009-01-27. Unknown parameter
|url-status=ignored (help) - ↑ Pedersen, Erik (December 4, 2017). "SAG Awards Sets Kristen Bell As First-Ever Host For Actors' Trophy Show". Deadline. Archived from the original on December 4, 2017. Retrieved December 4, 2017. Unknown parameter
|url-status=ignored (help) - ↑ Higgins, Bill (1999-01-27). "'Shakespeare' doth nab 5 of SAG noms". Variety (in Èdè Gẹ̀ẹ́sì). Retrieved 2022-02-24.
- ↑ Coyle, Jake (2023-02-27). "'Everything Everywhere All at Once' dominates at SAG Awards". AP News (in Èdè Gẹ̀ẹ́sì). Retrieved 2023-02-27.
- ↑ "Screen Actors Guild Awards: Rules". Archived from the original on 2015-09-24. Retrieved 2010-01-24. Unknown parameter
|url-status=ignored (help) - ↑ Meier, Gretchen (January 26, 2011). "The brains behind the bronze". Glendale News Press (Glendale, California). http://www.glendalenewspress.com/news/tn-blr-bronze-20110126,0,3592763.story.