Iresi (Osun)

Itan Ilu Iresi

Iresi je ilu ti o wa ni ijoba ibile Boluwaduro ni Ipinle Osun, Naijiria. Iresi wa ni apa guusu ìwọ oòrùn orile-ede Naijiria. Ilu Iresi je ilu kan ti o ni itan ti o dangajiya ati asa ti o se fi yangan ni awujo. Oluresi ni oruko oye fun Oba ilu Iresi. Ilu Iresi ni a mon si Iresi-Ife tabi Iwaye ni igba kan ri, Ilu Iresi wa lara awon ilu ti o wa ni abe ijoba Ife ti o je okan pataki lara awon ijoba atijo ni ile Yoruba ni orile-ede Naijiria.

Ifadumila Olatimirin lati agbo-ile Latale ni Ile-Ife ni oludasile ilu Iresi. Ifadumila Olatimirin je ore Ebekun lati agbo-ile Abewela ni Ile-Ife. Ifadumila Olatimirin je baba agba fun Adebuba ti o je oba akoko fun ilu Iresi. Ile Ifadumila Olatimirin ti o je ile akoko ni ilu Iresi wa ni ibi ti a mon si agbo-ile Saloro ni ode oni. Titi di ojo oni, agbala Ifadumila Olatimirin ni won ma un sin Oba ilu Iresi ti o ba waja si. Awon iran diran Ifadumila Olatimirin ni a mon si ALANAS. Awon olugbe ilu Iresi to 10,491.

Asa ati Ini

Asa ati Ini ilu Iresi ni won ma un se ajoyo re nipase ajodun, etutu ati ise ibile ti o bu ola fun awon emi baba nla won ati awon orisa. Awon ajodun bi odun Olojo ati odun Egun je odun ti o se pataki ni ilu Iresi. Awon odun yi un mun ki awon alejo wa lati gbogbo agbaye lati wa se ajoyo awon odun nan. Oro aje ilu Iresi da lori ise ogbin. Awon ogbin bi cocoa, obi ati epo pupa ni won un gbin pelu isu, ege ati agbado. Awon eyan jakanjakan ti o ti ko ipa ribi ribi ninu itan ati idagbasoke ilu iresi ti jade lati ilu Iresi. Lati ori Oba titi de awon omowe, olorin ati awon onisowo ti ko ipa ribi ribi lori ilu Iresi ati awon olugbe re.