Jane Pierce
Jane Pierce | |
|---|---|
 | |
| Obìnrin Àkọ́kọ́ Orílè-èdè Amẹ́ríkà | |
| In office 4 March 1853 – 4 March 1857 | |
| Ààrẹ | Franklin Pierce |
| Asíwájú | Abigail Fillmore |
| Arọ́pò | Harriet Lane |
| Àwọn àlàyé onítòhún | |
| Ọjọ́ìbí | Jane Means Appleton Oṣù Kẹta 12, 1806 New Hampshire, Améríkà |
| Aláìsí | December 2, 1863 (ọmọ ọdún 57) |
| (Àwọn) olólùfẹ́ | Franklin Pierce |
| Àwọn ọmọ | 3 |
Jane Means Pierce (tí a bí ní Appleton ; Oṣù Kẹta Ọjọ́ Kejìlá, Ọdún 1806 – Oṣù Kejìlá Ọjọ́ Kejì, Ọdún 1863) ni Ìyáàfin Àkọ́kọ́ ti Orílẹ̀-èdè Amẹ́ríkà láti ọdún 1853 sí 1857, ó fẹ́ Franklin Pierce, ààrẹ kẹrinlá ti Orílẹ̀-èdè Amẹ́ríkà. Wọ́n bí í ní New Hampshire, ó fẹ́ Pierce, ọmọ ilé ìgbìmọ̀ aṣòfin nígbà náà, ní ọdún 1834 láìka àníyàn ìdílé rẹ̀ sí. Ó kọ̀ láti gbé ní Washington, D.C., ní ọdún 1842, ó yí ọkọ rẹ̀ lérò padà láti fẹ̀yìntì kúrò nínú ìṣèlú.
Ìgbésí ayé rẹ̀ àti ìgbéyàwó rẹ̀
[àtúnṣe | àtúnṣe àmìọ̀rọ̀]Wọ́n bí Jane Means Appleton ní New Hampshire láti inú ìdílé àwọn ọmọ mẹ́fà.[1]
Inú ìdílé tó ní àjọṣe tó dáa ni Jane ti wá, ó sì kàwé dáadáa.
Ó pàdé Franklin Pierce nígbà tí ó ń kọ́ ẹ̀kọ́ òfin, wọ́n sì ń fẹ́ ara wọn fún ọdún méje títí tí ìdílé rẹ̀ fi kọ̀ láti fẹ́ ẹ nítorí pé wọ́n wá láti oríṣiríṣi àwùjọ.[2][3][4]
Franklin àti Jane ṣé ìgbéyàwó ní ayẹyẹ kékeré kan ní ọjọ́ kọkàndínlógún oṣù kọkànlá ọdún 1834, nígbà tí Franklin jẹ́ ọmọ ẹgbẹ́ Congress . Wọ́n fi Washington sílẹ̀ lẹ́yìn ìgbéyàwó wọn, wọ́n sì bí ọmọkùnrin mẹ́ta, gbogbo wọn sì kú nígbà tí wọ́n wà ní ọmọ ọwọ́.[5]
Franklin ń tọ́jú ìdílé rẹ̀ nípasẹ̀ iṣẹ́ òfin rẹ̀, ṣùgbọ́n ó jà fún ìgbà díẹ̀ gẹ́gẹ́ bí ọmọ ogun. Nígbà kan, Ààrẹ James Polk yàn án gẹ́gẹ́ bí United States Attorney General ṣùgbọ́n ó kọ̀ fún ìfẹ́ Jane ìyàwó rẹ̀.[6]
Gẹ́gẹ́ bí Ìyáàfin Àkọ́kọ́
[àtúnṣe | àtúnṣe àmìọ̀rọ̀]Ní ọdún 1852, ọkọ Pierce gba ipò ààrẹ ti ẹgbẹ́ òṣèlú Democratic Party. Wọ́n sọ pé ó banújẹ́ nígbà tí ó gbọ́ ìròyìn náà. Ó purọ́ nípa ìfẹ́ ọkàn rẹ̀ láti di ààrẹ, ó sì sẹ́ bí ó ṣé fẹ́ ipò náà tó.[7]
Ó fi dá a lójú nípa àwọn àǹfààní tí òun yóò jẹ tí òun bá di ààrẹ, ṣùgbọ́n ó ṣì gbàdúrà pé kí òun borí nínú ìdìbò náà. Àdúrà rẹ̀ ò gbà, nítorí pé wọ́n yan án ní ọjọ́ kejì oṣù kọkànlá ọdún 1852.
Nígbà tí wọ́n yan Franklin gẹ́gẹ́ bí ààrẹ, ọkọ̀ ojú irin kan pẹ̀lú ìdílé rẹ̀ nínú ọkọ̀ náà yípadà, ó sì pa ọmọkùnrin wọn kékeré Benjamin níwájú àwọn òbí rẹ̀. Pierce ní ìbànújẹ́ ọkàn tó ga lẹ́yìn tó rí ikú ọmọ rẹ̀ tó kẹ́yìn, ó gbàgbọ́ pé Ọlọ́run gba àwọn ọmọ wọn gẹ́gẹ́ bí ìyà fún ìfẹ́ ọkàn rẹ̀ nínú ìṣèlú. Kò lọ síbi ìfìdíkalẹ̀ ààrẹ rẹ̀, ṣùgbọ́n dípò bẹ́ẹ̀ ó lo ọ̀sẹ̀ méjì ní Baltimore.
Nígbà tí ó dé sí Ilé Ààfin, kò gbàlejò àwọn ayẹyẹ gbogbogbò tàbí kó ṣe àkóso iṣẹ́ Ilé Ààfin àti àwọn iṣẹ́ ìbílẹ̀ Ààfin, ó fi àwọn iṣẹ́ wọ̀nyí sílẹ̀ fún àbúrò ìyá rẹ̀ àti ọ̀rẹ́ rẹ̀ tímọ́tímọ́ Abby Kent-Means. Ó yẹra fún ìbáṣepọ̀ pẹ̀lú àwọn ènìyàn, ó sì ń kẹ́kọ̀ọ́ Bíbélì déédéé.
Gẹ́gẹ́ bí Ìyáàfin Ààrẹ, Pierce tẹnumọ́ pé kí àwọn ènìyàn máa ṣe ìsìn ní Ilé Ààrẹ, ó pàṣẹ fún àwọn òṣìṣẹ́ láti máa lọ sí ṣọ́ọ̀ṣì àti láti máa ṣe ìsìn ní Ilé Ààrẹ.[8]
Ikú rẹ̀
[àtúnṣe | àtúnṣe àmìọ̀rọ̀]Jane àti ọkọ rẹ̀ gbé ní Washington fún oṣù kan lẹ́yìn tí ààrẹ ọkọ rẹ̀ parí kí wọ́n tó kó lọ sí New England. Wọ́n tún lọ sí òkèèrè, wọ́n sì padà sílé.[7]
Ikọ́ ẹ̀gbẹ Pierce burú sí i ní àwọn ọdún lẹ́yìn ìgbékalẹ̀ Franklin, ó sì kú ní ọjọ́ kejì oṣù Kejìlá, ọdún 1863, nígbà tí ó jẹ́ ọmọ ọdún mẹ́tàdínlọ́gọ́ta.[1]
Àwọn ìtọ́kasí
[àtúnṣe | àtúnṣe àmìọ̀rọ̀]- 1 2 Schneider, Dorothy; Schneider, Carl J. (2010). "Jane Means Appleton Pierce" (in en). First Ladies: A Biographical Dictionary (3rd ed.). Facts on File. pp. 88–94. ISBN 978-1-4381-0815-5. https://books.google.com/books?id=ETppzHR-X7oC.
- ↑ Hendricks, Nancy (2015). America's First Ladies: A Historical Encyclopedia and Primary Document Collection of the Remarkable Women of the White House. ABC-CLIO. ISBN 978-1-61069-883-2.
- ↑ Wallner, Peter A.. Franklin Pierce: New Hampshire's Favorite Son. Plaidswede. ISBN 9780975521632.
- ↑ Gara, Larry (1991). The Presidency of Franklin Pierce. University Press of Kansas. pp. 31–32.
- ↑ Watson, Robert P. (2001). "Jane Means Appleton Pierce" (in en). First Ladies of the United States: A Biographical Dictionary. Lynne Rienner Publishers. pp. 95–100. doi:10.1515/9781626373532. ISBN 978-1-62637-353-2. https://archive.org/details/firstladiesofuni0000wats/.
- ↑ "Biography of Jane Pierce". whitehouse.gov. January 2, 2004 – via National Archives.
- 1 2 Caroli, Betty Boyd (2010) (in en). First Ladies: From Martha Washington to Michelle Obama. Oxford University Press, USA. pp. 54–55. ISBN 978-0-19-539285-2. https://books.google.com/books?id=8IH5G7b3E24C.
- ↑ Arnold, Amanda (2017-07-12). "The First Ladies Who Brought the Occult to the White House". Vice (in Èdè Gẹ̀ẹ́sì). Retrieved 2022-09-26.