Justina Lee Brown

 

Justina Ogunlolu (tí a bí ní ọjọ́ kẹtàlélógún oṣù keje ọdún 1984), tí a mọ̀ sí Justina Lee Brown ní ẹnu iṣẹ́ rẹ̀, jẹ́ olórin Afro ti Nàìjíríà, olórin fúnk, soul, blues, rock àti jazz.

Ó jẹ́ ẹni àkọ́kọ́ tó gba ipò kejì nínú ìdíje orin Nokia First Chance ní ọdún 2006. Brown gba ipò kejì nínú ìdíje Swiss Blues Challenge ní ọdún 2019, ó dé ìpele ìparí ti International Blues Challenge ní Memphis, Tennessee (US) ní ọdún 2020, ó sì gba ipò kejì fún orílè èdè Switzerland ní European Blues Challenge ní Malmö, Sweden, ní ọdún 2022. Wọ́n yàn án fún Swiss Blues Awards ti ọdún 2022, ó sì jẹ́ ẹni tó kọ́kọ́ ṣe eré fún Zucchero ní Sierre Blues Festival ní Sierre, Switzerland, ní ọdún kan náà. Ní ọdún 2024, ó gba àmì ẹ̀yẹ Swiss Blues Awards, léyi tí ó wọ inú iwe ìtàn gẹ́gẹ́ bí ọmọ Áfíríkà àkọ́kọ́ tó ṣe bẹ́ẹ̀.

Ìbẹ̀rẹ̀ Ìgbésí ayé rẹ̀

Wọ́n bí Justina Lee Brown ní ní ìgbọrọAjegunle ní ìlú Èkó, Nàìjíríà, fún baba kan tí ó jẹ́ ọmọ Yorùbá àti ìyá kan tí ó jẹ́ ọmọ ígbò . Ìyá rẹ̀ bí Justina nígbà tí ó wà ní ọmọ ọdún mẹ́tàdínlógún, Justina sì ń gbé pẹ̀lú ìyá rẹ̀ ní ìgboro Èkó níbi tí ìyá rẹ̀ ti ń ta àwọn omi inú òrá ní ọjà. Ìbẹ̀rẹ̀ ìgbésí ayé rẹ le, ó sì ṣàwárí orin nítorí pé ó dá wà tí kò rí nkan se. Ó lọ sí ilé-ẹ̀kọ́ alákọ̀ọ́bẹ̀rẹ̀ Unity ní Ajegunle. Nígbà tí ó ń dàgbà, Anita Baker, James Brown, Lucky Dube àti Miriam Makeba ní ipa lórí rẹ̀ gidigidi.

Iṣẹ́ ọwọ́

Brown gba ipò kejì ní ìdíje orin Nokia First Chance ní ọdún 2006. Lẹ́yìn náà, ó ṣe àwọn orin díẹ̀ jáde kí ó tó di orin àkọ́kọ́ rẹ̀ tó gbajúmọ̀, tí àkọlé rẹ̀ jẹ́ "Omo too Sexy", ní ọdún 2008, leyin ti o ṣe fídíò orin kan fún orin náà ní ìbẹ̀rẹ̀ ọdún 2009. Ó tẹ̀lé orin náà pẹ̀lú àwọn orin aládùn, títí bí "The Morning After", "Radio DJ" àti "So Tempting".   Ní ọdún 2005 nígbà tí ó ń lọ sí Switzerland, ó pàdé ọmọ ilẹ̀ Germany kan tí orúkọ rẹ̀ ń jẹ́ Dean Zucchero tí ó fẹ́ràn orin àti ìṣe rẹ̀, ó sì ràn án lọ́wọ́ láti dá ẹgbẹ́ orin àkọ́kọ́ rẹ̀ sílẹ̀ tí a pè ní 'The United Nations' lẹ́yìn tí ó kọrin pẹ̀lú wọn ní ilé ìtura kan. Kò pẹ́ lẹ́yìn tí ojú rẹ ṣí sí ìgbádùn tí nbẹ nìdí òkìkí orin ní Nàìjíríà, ó ṣí lọ sí Switzerland. Wọ́n fi ojú rẹ hàn orin Yúróòpù nígbà tí ó pé ọmọ ogún ọdún, níbi tí ó ti ṣe àgbéyẹ̀wò oríṣiríṣi orin bíi blues, soul, jazz àti afro funk .

Ní ọdún 2019, ọdún mẹ́wàá lẹ́yìn orin àkọ́kọ́ rẹ̀ ní Nàìjíríà, Brown padà pẹ̀lú àwo orin tuntun kan, tí àkọlé rẹ̀ jẹ́ Black and White Feeling, lẹ́yìn náà ó tẹ̀lé e pẹ̀lú Lost Child ní ọdún 2023. Gẹ́gẹ́ bí ó ti sọ, “àwo orin tuntun yìí jẹ́ àfihàn ẹni tí ó jẹ́, òtítọ́ rẹ̀, gẹ́gẹ́ bí Aláré tí ó ní òmìnira àti olùfọ̀rọ̀wérọ̀ tí kò sí lábẹ́ irú orin tàbí orúkọ kan ṣoṣo.”

Ó gba ife ẹ̀yẹ Swiss Blue Challenge ní ọdún 2019 pẹ̀lú olórin ará Switzerland Nic Niedermann , ó sì dé ìpele ìparí ti International Blues Challenge ní ọdún 2020. Òun àti ẹgbẹ́ rẹ̀ dúró fún Switzerland ní European Blues Challenge ti ọdún 2022, níbi tí ó ti gba ipò kejì. Wọ́n tún yàn án fún Swiss Blues Awards ti ọdún 2022, pẹ̀lú ẹgbẹ́ rẹ̀ sì ṣí ìṣẹ̀lẹ̀ ZUCCHERO ní Sierre Blues Festival. Ní ọdún 2023, ó di Ambassador of the Sierre Blues Festival.

Irin-ajo afé Tó ní ṣe pelu orin kíko

Brown ti kọrin ní orílẹ̀-èdè tó lé ní ọgbọ̀n níbi àwọn eré orin àti àwọn ayẹyẹ. Àwọn ìṣeré rẹ̀ tó dá músé-músé tí ó jẹ́ à-gbó món le lo, ló jẹ́ kí àwọn olùgbọ́ àti àwọn olùfetísí rẹ̀ nífẹ̀ẹ́ sí i. Ó kọrin ní Blues 'n' Jazz Festival ní Rapperswil, Switzerland ní ọdún 2023.

Lẹ́yìn tí wọ́n gbé àwo orin tuntun rẹ̀ jáde ní oṣù kẹsàn-án ọdún 2023, akọrin náà sọ pé wọ́n ti ṣètò pé òun yóò ṣeré ní àwọn eré orin tó ju ọgọ́ta lọ títí di òpin ọdún 2024.

Àwòrán orin

Àwọn àwo orin sítídíò

• Fọwọkan ti Búlúù (2013)
• Ọmọ mi (2015)
• Ṣé mi ò ṣe bẹ́ẹ̀ (2016)
• Ìmọ̀lára Dúdú àti Funfun (2019)
• Ọmọ tí ó sọnù (2023)

Àwọn EP

• Biliki (2024)

Àwọn àwo orin re

• "Omo 2 Sexy" (2008)
• "Alẹ́ òní" (2016)
• "Ọmọkùnrin Àṣírí" (2019)
• "Ìyẹ̀fun Tòmátì" (2019)
• "Biliki" (2023)

Àwọn ìtọ́kasí Ìta

Official website