Káràkátà

The San Juan de Dios Market in Guadalajara, Jalisco

Káràkátà ni a lè pè ni ṣíṣe pàṣíp̀rọ̀ ọjà tàbí ohun èlò kan láti ọ̀dọ̀ oníǹkan sí ọ̀dọ̀ ẹlòmíràn láti gba owó. Àwọn onímọ̀ nípa okòwò ṣe àpèjùwe ìgbésẹ̀ yìí gẹ́gẹ́ bíi ọjà títà.

Àwọn ọlọ́jà a máa ná ọjà láàrín ara wọn léte àti fi ǹkan dípò ǹkan mìíràn dó'kòwò bí owó láàrín ara wọn. Bí ó tilẹ̀ jẹ́ wípé àwọn onímọ̀ fìdíi rẹ̀ múlẹ̀ wípé dídókòwò láàrín ara ẹni láì lo owó ni wọ́n ń pè ní pàṣípàrọ̀, èyí sì ti wà láàárín àwọn ènìyàn orílẹ̀-èdè àgbáyé láti ìpilẹ̀ṣẹ̀ ṣáájú kí wọ́n tó ṣàwárí ohun àfidípò ti a ń pè ní owó. ) lílo owó láyé òde òni ti mú kí káràkátà ó rọrùn jákè-jádò àgbáyé lónìí. Oríṣiríṣi owó ni ó ti wà láyé lóde òní bíi: Owó bébà, owó orí-afẹ́fẹ́ ní ọ̀pọ̀ ènìyàn ń lò láyé òde òní láti fi dókòwò. Bákan náà ni a ní láti mọ̀ wìpé ìyàtọ̀ wà làárín kí á ra ǹkan àti kí á ta ǹkan.

Pèlú ìwòye ìgbàlódé, káràkátà ma ń ṣẹlẹ̀ látàrí wípé gbogbo ènìyàn tàbí iléesṣé kọ̀ọ̀kan kò lè ní ohun gbogbo tí wọ́n fẹ́ tán lẹ́ẹ̀kan náà. Bí ẹnìkan bá pèsè ike, ẹnìkan yóò pèsè omi tí yóò wà nínú rẹ̀, bákan náà bí iléeṣẹ́ kan bá pèsè ọṣẹ ifọyin, ẹlòmíràn yóò sì pèsè igi tí a ó tẹ ọṣẹ ìfọyín náà sí lórí ́láti fi fọ ẹnu, iṣẹ́ ṣe-fúnmi-nṣe fún ọ ni káràkátà ní gbogbo ayé. Bákan náà ni káràkátà ma ń wáyé láàárín orílẹ̀-èdè kan sí òmíràn látàrí wípé ohun tí orílẹ̀-èdè kan nílò ó wà lọ́dọ̀ òmíràn, pàá pàá jùlọ àwọn ohun àlùmọ́nì tí wọ́n fi ma pèsè oríṣiríṣi ohun èlò. Káràkátà tún dá lórí bí orílẹ̀-èdè kan bá ṣe tóbi sí ni yóò fi dálé bí wọ́n yóò ṣe máa pèsè ohun èlò lọ́pọ̀ yanturu láti fi bọ́ àwọn ènìyàn orílẹ̀-èdè wọn. Onírúurú ohun èlò ni àwọn ènìyàn tàbí orílẹ̀-èdè lè pèsè tí yóò ma já sí títà tí yóò si di owó fún wọn lẹ́yìn títà. Ohun èlò yí lè jẹ́mọ́: oúnjẹ, aṣọ, ọkọ̀ ọ̀kadà àti bẹ́ẹ̀ bẹ́ẹ̀ lọ.