Keisha Omilana
Oloori Keisha Omilana ti Ipetu-Ijesha ( neé Keisha Bolden ; ti a bí ní Oṣù Kẹta, ọjọ́ kẹjọ, ọdun 1986), tí a mọ̀ sí Ọmọba Keisha Omilana, jẹ́ amọ̀ṣẹ́ àti oníṣòwò ará Amẹ́ríkà. Òun ni ó ni ìwé ìròyìn SAXS.
Ó jé ọmọ ilẹ̀ Áfíríkà-Amẹ́ríkà àkọ́kọ́ tí wọ́n gbé kalẹ̀ nínú ìpolówó mẹ́ta lẹ́sẹẹsẹ fún Pantene, lẹ́yìn náà ló di ojú tí ó gbajúmọ̀ nínú ìpolówó káàkiri ayé fún ilé-iṣẹ́ náà. Omilana tún ti ṣe àwòkọ́ṣe nínú ìpolówó fún ilé-iṣẹ́ òṣó ti ilẹ̀ Faransé L'Oréal, ilé-iṣẹ́ aṣọ ilẹ̀ Gẹ̀ẹ́sì Boden, àti American CoverGirl, Maybelline, àti Revlon .
Gẹ́gẹ́ bí ìyàwó Omoba Adekunle Adebayo Omilana ti Ipetu-Ijesha, ó jẹ́ Olórí (tàbí aya ọmọ-aládé) ti ile Yorùbá Arigbabuowo ní Nàìjíríà . Òun àti ìdílé rẹ̀ ni wọ́n gbájú mọ́ Gan nínú àwo fọ́nrán àkókò kejì ti eré tẹlifíṣọ̀n ilẹ̀ Gẹ̀ẹ́sì Stacey Dooley Sleeps Over ní ọdún 2021.
Ìgbésí ayé àti ẹ̀kọ́ ìbẹ̀rẹ̀
[àtúnṣe | àtúnṣe àmìọ̀rọ̀]A bí Omilana, ó sì dàgbà ní Inglewood, California . Ó kẹ́kọ̀ọ́ nípa àṣà aṣọ ní ilé ìwé kan ní Chicago .
Iṣẹ́ ọwọ́
[àtúnṣe | àtúnṣe àmìọ̀rọ̀]Omilana kó lọ sí ìlú New York láti ṣiṣẹ́ gẹ́gẹ́ bí àwòṣe. Ó ṣiṣẹ́ pẹ̀lú L'Oreal, Maybelline, Boden, Revlon, CoverGirl, àti Pantene . Wọ́n ṣe ìpolówó mẹ́ta fún Pantene, ó sì di obìnrin ọmọ Áfíríkà-Amẹ́ríkà àkọ́kọ́ tó ṣe bẹ́ẹ̀. Omilana tún ṣe ìpolówó kárí ayé fún ilé-iṣẹ́ náà. Ó ti rìn irin Ìṣàfihàn ní ọ̀sẹ̀ àṣà New York .
Ní ọdún 2010, Maggie Norris wọ aṣọ fún òun àti Sarah Bradford gẹ́gẹ́ bí ara ìfihàn ìgbékalẹ̀ rẹ̀ An Evening of New York Couture, pẹ̀lú ìfọwọ́sowọ́pọ̀ pẹ̀lú Verdura àti Aman & Carson Interiors.
Lẹ́yìn tí ó kó lọ sí ìlú London, ó tẹ̀síwájú láti máa ṣe àwòṣe, wọ́n sì fi hàn án pẹ̀lú ọmọbìnrin rẹ̀ nínú ìwé ìròyìn Mocha Magazine .
Ní ọdún 2017, Omilana ṣe ìfilọ́lẹ̀ A Crown of Curls, iṣẹ́ ìtọ́jú irun tí a ṣe fún àwọn ìdílé tí wọ́n ní àwọn ọmọ ìdàpọ̀ ẹ̀yà.
Ní ọdún 2021, Omilana àti ìdílé rẹ̀ ni a ṣe àfihàn ní àkókò kejì ti eré tẹlifíṣọ̀n Stacey Dooley tí ó jẹ́ Stacey Dooley Sleeps Over, gẹ́gẹ́ bí àfiyèsí fún ìṣẹ̀lẹ̀ kejì ti àsìkò náà. Ní ọdún 2023, ó dá ìwé ìròyìn SAXS Magazine sílẹ̀, ìwé ìròyìn orí ayélujára kan tí ó dá lórí àwọn ọba, àṣà àti eré ìnàjú tàbí afé.
Ìgbésí ayé ara ẹni
[àtúnṣe | àtúnṣe àmìọ̀rọ̀]Ní ọdún 2004, nígbà tí ó ń gbé ní ìlú New York, ó pàdé Omoba Adekunle Adebayo Omilana, ọ̀kan lára àwọn ọmọ oyè tí wọ́n ní anfani sì ipò àwọn ọmọ Yorùbá ní orílẹ̀-èdè Nigeria, níta The W. Wọ́n ṣe ìgbéyàwó ní ọjọ́ kejìdínlọ́gbọ̀n oṣù kìíní, ọdún 2006. [1] Kò mọ̀ pé ọkọ rẹ̀ jẹ́ ọmọ ọba títí di ìgbà tí wọ́n fi fẹ́ ara wọn. Wọ́n ní ọmọ méjì, Omoba Adediran King Omilana àti Omoba Adediora Isabella Nicole Omilana, wọ́n sì ti gbé ní ìlú New York, Cyprus, Dubai, àti London . [1] [2] Wọ́n ń gbé ní Valencia, Spain lọ́wọ́lọ́wọ́. Ọmọ ọkọ rẹ̀, láti ibi ìgbéyàwó ọkọ rẹ̀ tẹ́lẹ̀, ni Niko Omilana, tí ó jẹ́ YouTuber.
Ní ọdún 2023, Omilana ṣiṣẹ́ lórí ìgbìmọ̀ kan tí Business Insider ṣètò láti sọ̀rọ̀ nípa onírúurú ẹ̀yà, ìṣojú ẹ̀yà, ìjọba ọba ilẹ̀ Áfíríkà, àti ipa ìjọba ọba ní òde òní. Ó tún sọ̀rọ̀ nípa Duchess ti Sussex tí ó fi iṣẹ́ ọba sílẹ̀ . Ó fi ipò tirẹ̀ wé ti Prince Harry, Duke ti Sussex àti Meghan, Duchess ti Sussex .
Ní oṣù kẹjọ ọdún 2024, Omilana àti ọkọ rẹ̀ lọ sí ayẹyẹ ìgbéyàwó Ọmọ-ọbabìnrin Martha Louise ti Norway àti Durek Verrett ní Norway.