Lateefat Òkúnnù

 

Lateefat Modúpẹ́ Òkúnnù (a bi nì ọjọ́ kẹta oṣù kejìlá ọdún 1939) jẹ́ òṣìṣẹ́ ìjọba àti olùdarí tó ti fẹ́yìntì ní Nàìjíríà tó jẹ́ igbákejì Gómìnà ìpínlẹ̀ Èkó láti ọdún 1990 sí 1992. Ó jẹ́ olùdarí ààrẹ àpéjọ àpapọ̀ àwọn ará orílẹ̀-èdè Republican ní ọdún 1993.

Òkúnnù jẹ́ ara àwọn ọmọ ẹgbẹ́ olùdásílẹ̀ ti ẹgbẹ́ àwọn obìnrin Mùsùlùmí ní Nàìjíríà (FOMWAN).

Ìgbésí Ayé rẹ̀

Lateefat Modúpẹ́ Òkúnnù ni a bí ní ìlú èkó tí ó sì lọ sí ilé ẹ̀kọ́ alákọ̌bẹ̀rẹ̀ Òkepópó, Erékúsù ìlú Èkó , òtùn lọ Ilé-ìwé girama àwọn ọmọbìrin Methodist àti Ilé-ìwe Queens ní Yaba. Ó kẹ́kọ̀ọ́ gboyè nínú ìmọ̀ àyíká àti agbègbè ótún gba oyè díplómà nínú ìmọ̀ ẹ̀kọ́ láti Ilé Ẹ̀kọ́ gíga ti ìlù Èkó ní ọdún 1968. Láti 1967 sí 1970, Òkúnnù ṣiṣẹ́ pẹ̀lú Yunifásítì ìlú gẹ́gẹ́ bí olùrànlọ́wọ́ olùkọ́. Lẹ́yìn náà, ó dara pọ̀ mọ́ Iṣẹ́ Ìjọba Ìbílẹ̀ ti ìlú Èkò gẹ́gẹ́ bí òṣìṣẹ́ ilé ẹ̀kọ́. Ó wà pẹ̀lú ìjọba ìpínlẹ̀ èkó títí di ọdún 1980, lẹ́hìn èyí ó lọ ṣiṣẹ́ pẹ̀lú ìjọba àpapọ̀ bi akọ̀wé àgbà fùn ilé iṣẹ́ àpapọ̀ tí ó ń rísí ètò ọ̀gbìn. Ní ọdún 1986, ó di akọ̀wé àgbà pátápátá fún ìjọba àpapọ̀. Òkúnnù wà lára àwọn obìnrin tó wà nípò gíga tó dá ẹgbẹ́ àwọn Obìnrin Mùsùlùmí ní Nàìjíríà sílẹ̀. O jẹ igbákejì Olùdarí (Amirah) ti ẹgbẹ́ náà àti olùdarí ẹgbẹ́ náà ní Ìpínlẹ̀ Èkó. Ó kó ipa pàtàkì lórí ètò ẹ̀kọ́ fún ẹgbẹ́ FOMWAN ní ìpínlẹ̀ èkó àti pé ó ṣe ìwúrí fún lílo àwọn àyíká mọ́ṣáláṣí bíi ilé ẹ̀kọ́ jẹ́léósinmi àti ìṣẹ̀dálẹ̀ àwọn ìgbìmọ̀ tó ń rísí ètò ẹ̀kọ́ láàrín àwọn mọ́ṣáláṣí. Ní ọdún 1989, ó di ààrẹ FOMWAN. Ní ọdún 1987, nígbà tó ń sìn gẹ́gẹ́ bí òṣìṣẹ́ ìjọba, Okunnu wà lára ìgbìmọ̀ mẹ́sàn-án tí a gbé kalẹ̀ láti ṣàyẹ̀wò àwọn àbá tí àjọ tó ń rísí ọ̀rọ̀ óṣélù ti ọdún 1986 ṣe. Nì ọdún 1990, ó di igbákejì gómìnà ti ìpìnlẹ̀ Èko, papọ̀ pẹlu Pamela Sadauki tí òun náà jẹ́ igbákejì gómìnà ní ìpínlẹ̀ Kàdúná, tí àwọn méjèèjì sì jẹ́ obìnrin àkọ́kọ́ tí ó jẹ́ igbákejì gómìnà ní orílẹ̀ èdè Nàìjíríà.