Jump to content

Margaret Keane

Lát'ọwọ́ Wikipedia, ìwé ìmọ̀ ọ̀fẹ́
Margaret Keane
Fáìlì:Margaret Keane.jpg
Ọjọ́ìbíPeggy Doris Hawkins
(1927-09-15)Oṣù Kẹ̀sán 15, 1927
Nashville, Tennessee, U.S.
AláìsíJune 26, 2022(2022-06-26) (ọmọ ọdún 94)
Napa, California, U.S.
Orúkọ míràn
  • Peggy Ulbrich
  • MDH Keane
  • Margaret McGuire
Iṣẹ́Ayaworan
Olólùfẹ́
  • Frank Richard Ulbrich
    (m. 1948; div. 1955)
  • Walter Keane
    (m. 1955; div. 1965)
  • Daniel Francis McGuire
    (m. 1970; died 1983)
Àwọn ọmọ1
Websitekeane-eyes.com

Margaret DH Keane (ti a bi Peggy Doris Hawkins ; ní ọjọ́ ìkẹẹ̀dógún oṣù ìkẹẹ̀sán, ọdún 1927 – tí ó sì kú ní ojó ìkẹrìndínlọ́gbọ̀n oṣù `ikẹfà, 2022) jẹ́ ayàwòrán ará Amẹ́ríkà kan tí a mọ̀ fún àwọn àwòrán pẹ̀lú àkòrí; "àwọn ojú ńlá". Ó ya àwọn obìnrin, ọmọdé, tàbí ẹranko pẹ̀lú òróró tí a fi ń ya àwòrán tàbí àwọn ọ̀dà tí a pò papọ̀. Iṣẹ́ náà ṣàṣeyọrí nípasẹ̀ títẹ̀ jáde sóri àwọn ìwé, abẹ́ àti àwo-ìmomi. Ní àkọ́kọ́, ńse ni àwọn ènìyàn rò wípé ọkọ rè, Walter Keane ni ó ń ya àwọn àwòrán yẹn. Láìpẹ́ lẹ́hìn tí wọ́n kọ arawọn sílẹ̀ ní àwọn ọdún 1960, Margaret sọ wípé òun ni ó ya àwọn àwòrán yẹn èyí tí a fi ìdí rẹ̀ múlẹ̀ lẹ́hìn tí adájọ́ ilé-ẹjọ́ kan ní Hàwáì sọ fún àwọn méjèèjì wípé kí wọ́n ya àwòrán ní iwájú gbogbo àwọn tí ó wà níbè, èyí tí Walter kọ̀ láti kópa.

Lẹ́yìn eré tí Tim Burton se ní 2014, tí a pè ní Big Eyes àwọn ènìyàn tún bèrè si ní rántí iṣẹ́ Margaret Keane. Ó ṣètò ibi ìwosẹ́ kan ní San Francisco èyí tí ó fi “ìkójọpọ̀ tí ó tóbi jùlọ ti àwòrán Margaret Keane ní gbogbo àgbáyé.” yangàn Nítorí ó pẹ́ gan-an láti ìgbà tí ó bẹ̀rẹ̀ si ní ya àwòrán kí àwọn ènìyàn tó mọ̀ nípa isẹ́ rẹ̀, nígbà míràn wọ́n máa ń pèé ní “Wayne Newton ti àwòrán.” [1]

Ìbẹ̀rẹ̀ Ayé Rẹ̀

[àtúnṣe | àtúnṣe àmìọ̀rọ̀]

Margaret Doris Hawkins ni àkọ́bí nínu ọmọ méjì tí David Hawkins ati Jessie (McBurnett) Hawkins bí ní ní ọjọ́ ìkẹẹ̀dógún oṣù ìkẹẹ̀sán, ọdún 1927, ní Nashville, Tennessee . [2] Nígbà tí ó jẹ́ ọmọ méjì, inú-etí rẹ̀ kàn bàjẹ́ pátápátá ní àkókò tí wọ́n ń se iṣẹ́ abẹ mastoid kan. Kò lè gbọ́ran dáadáa, nítorí náà ó kọ́ bí ó se lè máa wo ojú ẹni tí ó ń bá a sọ̀rọ̀ láti lóye oun tí wọ́n ń sọ. [3] Oun ati àbúrò rẹ̀ David lọ sí àwọn awọn ile-iwe ìjọba. [2] Keane bẹ̀rẹ̀ si ní ya àwòrán nígbà tí ó wà ní ọmọdé. Nígbà tí ó wà ní ọmọ ọdún méwaàá, o lọ sí Ile-ẹkọ Watkins ni Nashville láti kọ́ iṣẹ́ si. [4] [5] Nígbà tí ó wà ní ọmọ ọdún méwaàá náà ni Keane ya àwòrán àkọ́kọ́ rẹ̀ tí ó fi òróró yà, àwòrán àwọn ọmọbìrin kékeré méjì, ọ̀kan sun ẹkún ati ọkanìkejì ń rín èrín, ó sì fún iya-nla rẹ ní àwòrán náà. [6]

Nígbà tí ó wà ní ọmọ ọdún méjìdílógún, ó lọ sí Ilé-ìwé ìyàwòrán Traphagen ni Ilu New York fun ọdun kan. [4] O bẹ̀rẹ̀ iṣẹ́ kíkun àwọn aṣọ àti àwọn ibùsùn ọmọdé ní àwọn ọdún 1950 títí ó fi bẹ̀rẹ̀ iṣẹ yíya àwọn àwọn àwòrán. [4] Láti ìbẹ̀rẹ̀ ni Margaret ti ń dan lílò kitsch láti ya àwòrán. Ó ṣiṣẹ́ pẹ̀lú ọ̀dà ákírílíkì ati ti elépo, àwọn obìnrin, ọmọdé, àti ẹranko ilé(àwọn ológbò, ajá, ẹṣin àti béè béè lo) sì ní ìfẹ́ sí láti yà. [7]

Isẹ́ pẹ̀lú Walter Keane

[àtúnṣe | àtúnṣe àmìọ̀rọ̀]

Ní àwọn ọdún kan ní àwọn ọdún àárín1950s, Margaret, tí ó ti ṣe ìgbéyàwó tí ó sì ti bí ọmọ kan, pàdé Walter Keane . Ní ìgbà tí ó lókìkí gan-an, Walter sọ pé ó ríi pe òun nìkán jókòó sí ibi kan tí àwọn èèyàn mò dáadáa tí wọ́n ti ń ta oúnjẹ ní North Beach àti pé ó ní ìfẹ́ sí àwọn ojú ńlá rẹ̀. [8] Ní àkókò náà Walter ní ìyawo ó sì ń ṣiṣẹ́ títa ilé àti ilẹ̀, ó sì ń ya àwòrán lẹ́ẹ̀kọ̀ọ̀kan. [4] nígbà tí ó yá, ó sọ fún àwọn onirohin wípé ó ti fi “iṣẹ́ títa ilé àti ilẹ̀ òun tí ó ti ń ṣàṣeyọrí” silẹ ni ọdun 1947. [9] Margaret rí i pé ó “dùn ní ọmọkùnrin, ó síngbonlẹ̀, ojú rè sì fanimọ́ra.” [4] Àwọn méjèèjì ṣe ìgbeyàwó ní ọdún 1955 ní ìlú Honolulu . [10]

Margaret sọ wípé ó bẹ̀rẹ̀ si ní ta àwọn àwòrán “ojú ńlá” tí wọ́n mọ òun fún lẹsẹkẹsẹ ṣugbọn, òun kò mò wípé ńse ni ó ń pe iṣẹ́ náà ní tirẹ̀ ni. [4] Ibi tí ó sábà máa ń lo ta àwọn àwòrán yẹn ni ilé ijó jazz kan tí wọn ń pè ní hungry i, ní ìlú San Francisco. [11] Nígbàtí ó mò nípa ẹ̀tàn rẹ̀, ó dákẹ́. Lẹ́hìnáà ṣàlàyé ìwà rẹ̀: “Èrù rẹ̀ bà mí nítorí wípé ó [halẹ̀ mó] mi wípé òun máa pa mí tí mo bá sọ ohunkóhun.” [4] Margaret so n´ojú àwọn ènìyàn wípé Walter ni eni tí ó ya àwòrán wọ̀nyen, nígbà tí ó yá ó sọ wípé kò rọrùn fún òun láti ṣe béè. Ó tan ara rrè wípé “ó kéré tán, àwọn èèyàn ń ríi.” [4]

Ní ọdún 1957, Walter bẹ̀rẹ̀ si ní fi àwọn àwòrán "ojú ńlá" náà hàn bíi tirẹ̀. Ni osù kejì odún náà, a fi iṣẹ́ náà hàn lóri ògiri Bank of America ni ìlú Sausalito . [12] Ó mú àwọn àwòrán mẹ́sàán lọ sí ìlú New Orleans, èyí tí ó sọ wípé òun ti tà tẹ́lẹ̀ ni Mardi Gras . Nígbà ooru yẹn, Walter ṣètò fún ìṣefihàn ní Washington Square Park ní ìlú New York. Ó fi ohun tí òun le ṣe nígbà tí ó ṣètò fún ìṣefihàn ní Oṣù Kẹjọ ní Hòtẹ́ẹ́lì Sheraton ni Chicago àti òmíràn ní ibi-ìṣefihàn kékeré kan ní Ilà-oòrùn fún oṣù kan náà. [13] Walter bẹrẹ si ni gbéraga, ó sì ro Margaret pin. ìgbà yẹn ni ó bẹ̀rẹ̀ si ní polongo "Àwòrán-an Keanes." [4]

Àwòrán ńlá kan tí wọ́n se fun Ayẹyẹ Àgbáyé 1964–65 ní ìlú New York ni àwọn ọmọ kékèèké olójú ńlá tí wọ́n pò tí wọ́n sì to ara wọn jo sí orí i pẹ̀tẹ́ẹ̀sì kan. Aláríwísí àwòrán láti The New York Times, tí orúkọ rè ń jé John Canaday, ṣe àpèjúwèé Keane gẹ́gẹ́ bíi olùyàwòrán tí a mò "fún lílọ̀ jáde àwọn àwòrán awọn ọmọ kékèèké olójú ńlá tí ó yà lónà tí ó máa mú kí àwọn ènìyàn ká àánú fún wọn tí ó sì ti di ìtumọ̀ iṣẹ́ burúkú lójú àwọn Aláríwísí àwòrán. níwọ̀n tí iṣẹ́ náà ní àwòrán ọgọ́gùn-ún ìlọ́po ọgọ́gùn-ún ni ó fi burú ju àwọn iṣẹ́ Keane ti tẹ́lẹ̀ lọ." [14] Inú Robert Moses kò dùn sí ọ̀rọ̀ yí, èyí ni ó mú kí ó fagilé fífi àwòrán náà hàn ni ayẹyẹ náà.

Olórin kan tí orúkọ rẹ̀ ń jé Andy Warhol yin iṣẹ́ Keane, ó sọ fún ìwé ìròyìn tí wọ́n pè ní Life ni odún 1965 wípé, "Mo rò wípé oun tí Keane se dára gan-an àìjẹ́bẹ̀ ọ̀pọ̀lọpọ̀ àwọn ènìyàn kò ní nífẹ̀é rẹ̀." [15]

Iṣẹ lẹhin Walter Keane

[àtúnṣe | àtúnṣe àmìọ̀rọ̀]

Ní ọdún 1970, Margaret Keane kéde lórí ìa´gbóhùnáfẹ́fẹ́ pé òun ni olùyàwòrán àwọn àwòrán ti àwọn ènìyàn rò télè wípé ti ọkọ tí ó kòílẹ̀ Walter Keane ni. Lẹ́hìn tí Margaret Keane ti fi òtítọ́ hàn, Bill Flang, onirohin lati San Francisco Examiner sètò fún Margaret àti Walter láti ya àwòrán ní iwájú àwọn ènìyàn ni Union Square tí ó wà ní San Francisco, awọn oníròyìn ati Margaret lọ. Walter kò lati lọ. [5] [16] Ní ọdún 1986, Margaret fi ẹ̀sùn kan Walter ati ìwé ìròyìn, USA Today ni ile-ẹjọ ijọba apapọ nítorí wọ́n kọ ìròyìn kan ti o sọ pe Walter ni olùyàwòrán àwọn àwòrán yẹn. Ní ilé-ẹjọ́ lọ́jọ́ náà, adájọ́ pàṣẹ fún Margaret ati Walter wípé kí wọ́n ya àwòrán ojú-ńlá ní yàrá ilé-ẹjọ́, láti pinnu ẹni tí ó ń sọ òtítọ́. Walter kọ̀, ó tọ́ka sí èjìká rè kan tí ó ń ro ó, àmọ́ Margaret parí àwòrán yíyà rẹ̀ ní ìṣẹ́jú mẹ́ta dín ní àádọ́ta. Lẹ́hìn ìwádìí ọ̀sẹ̀ mẹ́ta kan, àwọn onídájọ́ pàsẹ pé kí wọ́n fún ni dọ́là mílíọ́nù mẹ́rin fún wàhálà tí ó dojú kọ. Lẹ́hìn ìdájọ́ náà, Margaret Keane sọ pé "Mo lérò gaan pé ìdájọ́ òdodo ti jàre. Akitiyan mi ò já sí asán, kódà tí mi ò bá rí ǹkan-kan nínú dọ́là mílíọ́nù mẹ́rin yẹn.” [15] Ilé-ẹjọ́ àpètúnpè ti ìjọba ti ìdájọ́ yẹn lẹ́yìn ní ọdún 1990, ṣùgbọ́n kò gbà kí wọ́n fún Margaret ní dọ́là mílíọ́nù mẹ́rin yẹn. Keane sọ pé kò bìkítà nípa owó náà, àti pé ó kàn fẹ́ fi ìdí rẹ̀ múlẹ̀ pé iṣé òun ni àwọn àwòrán náà. [17]

Àwọn àwòrán tí Margaret Keane ṣẹ̀dá nígbà tí ó ń gbé ní òjìjí ọkọ rè ṣe àfihàn àwọn ọmọdé tí ó ní ìbànújẹ́ ní àwọn ibi tí ó sòkùnkùn. Lẹ́hìn tí ó kọ Walter, ó lọ gbé ní Hawaii ó sì di Ẹlẹ́rìí Jèhófà, lẹ́hìn àwọn ọdún tí ó tẹ̀lé Awòràwọ̀, òpẹ, ìtúpalẹ̀ ọwọ́, ati Àṣàrò èmíl, [1] iṣẹ́ rẹ̀ bẹ̀rẹ̀ siní láyọ̀, àti ìdùnnú. "Àwọn ojú tí mo yà lórí àwọn ọmọ tí mò ń yà èrò ọkàn mi hàn. Àwọn ojú jẹ́ fèrèsé síi ọkàn, "Keane salaye. Ọ̀pọ̀lọpọ̀ àwọn àwòrán ti ń polongo àwọn iṣẹ́ ọnà rẹ̀ bí ẹni tí ó ní “omijé ayọ̀” tàbí “omijé ìdùnnú.” Ó ṣàpèjúwe àwọn ọmọ tí ó yà pé: “Ìwọ̀nyí ni àwòrán àwọn ọmọdé nínú Párádísè. Ohun tí mo rò pé ayé yóò rí nígbà tí ìfẹ́ Ọlọ́run bá ṣẹ.” [1]

Àwọn òṣèré ti Hollywood Joan Crawford, Natalie Wood, ati Jerry Lewis fi àṣẹ fún Keane láti ya àwọn àwòrán wọn. [5] [18] Ní àwọn ọdún 1990, Tim Burton, olùkójọ àwòrán ti iṣẹ́ Keane kan tí yóò ṣe ìtọ́sọ́nà fíìmù ìtàn-ayé nípa ìgbésí ayé Margaret Keane, ní ọdún 2014 Big Eyes fi àṣẹ fún-un láti ya àwòrán ti òrẹ́bìnrin rẹ̀ nígbà náà Lisa Marie . Iṣé Keane ni a rà tí a ṣì gbé fún Owo-ori Awọn ọmọde ti United Nations ní ọdún 1961 nípasẹ̀ Ilé-iṣẹ́ Prescolite. [19] Àwọn àwòrán ojú ńlá tí Keane yà ti ní ipa lórí bí wọ́n ṣe ń ṣe àwọn oun isere tí a pè ní, 'Little Miss No Name' àti ti 'Susie Sad Eyes', àti eré ọmọdé tí a pè ní The Powerpuff Girls .

Ní 2018, Keane gba ẹ̀bùn àṣeyọrí ìgbésí ayé ní LA Art Show . [20]

Bí ó Se ń Ṣiṣẹ́

[àtúnṣe | àtúnṣe àmìọ̀rọ̀]

A lè dá àwọn Âwòrán Keane mọ̀ nítorí àwọn ojú-ńlá tí àwọn ọmọ tí ó yà nínú àwòrán rẹ̀ ní. Keane sọ pé àti kékeré ni ó ti ní ìfẹ́ sí awọn oju ó sì máa ń yà wọ́n sínú `wọn ìwé ilé-ìwé rẹ̀. Ó bẹ̀rẹ̀ si ní ya àwọn "ojú Keane" nígbàtí ó bẹ̀rẹ̀ yíya àwọn ọmọdé sínú àwòrán rè. "Àwọn ọmọdé ní ojú ńlá. Nígbàtí mo bá ń ya àwòrán àwọn ojú ni mo máa ń kíyèsí jù lọ. Àti pé wọ́n kàn tóbi síi," Keane sọ. Keane tẹjú mọ́ àwọn ojú, nítorí wọ́n ń fi oun tí ó wà nínú ọkàn hàn. [6] [21] Keane tọ́ ka sí iṣẹ́ Amedeo Modigliani pé ó ní ipa ńlá lórí ọ̀nà tí ó ń ya àwọn obìnrin láti odún 1959. àwọn ayàwòrán míràn tí ó ní ipa lórí àwọn awọ, ìwọ̀n, àti àkópọ̀ ọ̀dà tí ó ń lò ni Vincent van Gogh, Gustav Klimt, ati Pablo Picasso . Láì ka àwọn àwòrán tí ó se, ko se àṣeyọrí púpọ̀; dípò béè, àwọn ènìyàn “mọ̀ọ fún àwọn àwòrán awọn ọmọ kékèèké oníbànújé ọkàn olójú ńlá tí àwọn ènìyàn kò fi béè mọ̀ ní àwọn ọdún 1950 àti 1960, léhìnáà àwọn àkójọpọ̀ àṣà kitschy ní àwọn ọdún kan lẹ́hìn náà.” [22]

Ìgbésí Ayé rẹ̀

[àtúnṣe | àtúnṣe àmìọ̀rọ̀]

Ọkọ àkọ́kọ́ Keane ni Frank Richard Ulbrich, ó bí ọmọbìrin kan fún un. [2] Ní ọdún 1955, ó fẹ́ Walter Keane . [2] Ó fi Walter sílẹ̀ ní ọdún 1964, ó sì kọ̀ ọ́ sílẹ̀ léyìn ọdún kan, kó tókó lọ sí Hawaii láti San Francisco. [2]

Ní Hawaii, Keane di Ẹlẹ́rìí Jèhófà olùfọkànsìn, ó sì dúró ṣinṣin jálẹ̀ ìgbésí ayé rẹ̀. Ó sọ pé ìgbàgbọ́ òun àti Bíbélì kíkà ló fun ní ìgboyà láti sọ òtítọ́ nípa iṣẹ́ yíya àwòrán rẹ̀.

Nígbà tí óṣì wà ní Hawaii, Keane pàdé oǹkọ̀wé eré ìdárayá kan ní Honolulu tí orúkọ rè ń jé Dan McGuire wọ́n sì ṣe ìgbéyàwó ní ọdún 1970. Ó tọ́ka sí McGuire pé òun ni ó ràn-án lọ́wọ́ láti má tijú tàbí bẹ̀rù lẹ́hìn tí ó kọ Walter sílẹ̀. [16] [23] Keane gbé ní Hawaii fún ó kéré tán ọdun márù-ún dín làádóta si kí ó tó padà sí California ní 1991. Ó gbé ní Napa County, California, pẹ̀lú ọmọbìrin rẹ̀ Jane àti ọkọ rẹ̀ Don Swigert. [21] [24]

Ní ọdún 2017, nígbà ti´ ó wà ní ọdún àádórun rè, Keane bẹ̀rẹ̀ ìtọ́jú ìtójú fún eni tí ó máa kú nígbà tí ó sì ń gbé ní ilé rẹ̀. Ìtọ́jú tí ó rí gbà gbà á láyè “láti ya àwòrán díè síi kó sì sinmi”. [25] Ó kú nítorí ikuna ọkan ní ilé rẹ̀ ní Napa, California, ní ọjọ́ kérin dín ní ọgbọ̀n oṣù Kẹfà, Ọdún 2022, ní ọdún kérin dín ní àádórun rè. [2]

Àwọn Eré Nípa Rẹ̀

[àtúnṣe | àtúnṣe àmìọ̀rọ̀]
  • Àwọn eré ọmọdé 1998 Àwọn ọmọbìrin Powerpuff, tí Animator Craig McCracken ṣèdá, jé nípa àwọn ọmọbìrin olójú ńlá jé nípasẹ̀ àwòrán tí Keane ṣe. Eré náà sọ̀rọ̀ nípa olùkọ́ tí a npè ní "Ms. Keane". [26]
  • Ní ọdún 1999, awo-orin Matthew Sweet tí ó pè ní In Reverse ṣe àfihàn ọ̀kan nínu àwọn àwòrán tí Keane yà pẹ̀lú òróró lóri pálí rẹ.
  • Àwòrán rẹ̀ tí ọmọdé kan gbé àwọn ajá ti àwọn olóyìnbó ń pè ní poodles sọ́wọ́ ni a rí ní eré 2004 tí ó jé ọ̀kan nínú àwọn eré Ọba Oba-bìrin tí àkòrí rẹ̀ jé "Foe: Pa"
  • Eré ìgbésí ayé 2014, Big Eyes, sọ̀rọ̀ nípa Margaret Keane àti ọkọ tó kọ̀ sílẹ̀, Walter. Amy Adams ló ṣe Margaret tí Christoph Waltz ṣe Walter. Tim Burton ni olùdarí eré náà. Margaret Keane farahàn nínu eré náà, bi ìyá àgbàlagbà tí ó jókòó sórí àga ní ibi tí àwọn ènìyàn ti ń ṣeré ní ìta, ní ibi tí Adams 'ati Waltz wà ní ìta Àfin Àwọn Àwòrán . Margaret Keane kọ̀ ọ̀pọ̀lọpọ̀ àwọn ẹ̀tọ́ fíìmù náà láti ọ̀dọ̀ àwọn elòmíì. Sùgbọ́n lẹ́yìn àwọn ìpàdé pèlú àwọn ẹni tí ó kọ eré náà, Scott Alexander àti Larry Karaszewski, ó gbà fún àwọn ẹ̀tọ́ fíìmù ó sì fọwọ́ sí ṣíṣe eré ti Alexander àti Karaszewski kọ. eré náà gba ọdún mọ́kànlá lati ìbẹ̀rẹ̀ dé ìparí. [27]

Àwọn Ìtọ́kasí

[àtúnṣe | àtúnṣe àmìọ̀rọ̀]
  1. 1 2 3 "For Waifs of Art, The Last Laugh". New York Times. February 27, 1992.Page Module:Citation/CS1/styles.css has no content.
  2. 1 2 3 4 5 6 .
  3. ↑ Big Eyes: The Film, the Art. London: Titan Books.
  4. 1 2 3 4 5 6 7 8 9 Gallo 2014.
  5. 1 2 3 Empty citation (help)
  6. 1 2 Empty citation (help)
  7. ↑ Big Eyes and All : the Unofficial Biography of Margaret Keane. n.p..
  8. ↑ Graham, Vera (January 11, 1964). "The Keane Story". [San Mateo, Cal.] Times: p. 3 [Weekend Section]. https://www.newspapers.com/clip/11391513/keane_story_p_2/. Retrieved May 31, 2017.
  9. ↑ Graham, Vera (January 11, 1964). "The Keane Story". [San Mateo, Cal.] Times: p. 2 [Weekend Section]. https://www.newspapers.com/clip/11383241/keane_story_p1/. Retrieved May 31, 2017.
  10. ↑ "Margaret Keane Gets Divorce". Free Lance–Star (Fredericksburg, Va.): p. 4. March 19, 1965. https://news.google.com/newspapers?id=bcpNAAAAIBAJ&pg=4520,6115805&dq=walter-keane+artist&hl=en. Retrieved May 31, 2017.
  11. ↑ UPI (October 15, 1970). "Wife Challenges Artist's Acclaim". [Ontario, Cal] Daily Report: p. 12. https://www.newspapers.com/clip/11383371/margaret_keane_sf_paint_out/. Retrieved May 31, 2017.
  12. ↑ "Sausalito Bank Dedicates Wall To The Cause Of Art". Daily Independent Journal (San Rafael, Cal.): p. 57. January 19, 1957. https://www.newspapers.com/clip/11382939/walter_keanes_first_show/. Retrieved June 1, 2017.
  13. ↑ "Walter Keane, Artist: Crosses the Continent for the Show in the Square". The Village Voice: p. 3. June 19, 1957. https://news.google.com/newspapers?id=UNpHAAAAIBAJ&pg=5130,5332436&dq=walter-keane+artist&hl=en. Retrieved June 1, 2017.
  14. ↑ "Art: World's Fair Pavilion Selects Theme Painting: Walter Keane Work in Education Hall Tomorrow Forever' Aims to Please". February 21, 1964. https://www.nytimes.com/1964/02/21/art-worlds-fair-pavilion-selects-theme-painting.html.
  15. 1 2 Spindler, Amy M (May 23, 1999). "Style; An Eye for an Eye". https://www.nytimes.com/1999/05/23/magazine/style-an-eye-for-an-eye.html.
  16. 1 2 "The lady behind those Keane-eyed kids". Life Magazine. November 20, 1970. https://books.google.com/books?id=2FMEAAAAMBAJ&pg=PA56-IA1. Retrieved December 9, 2010.
  17. ↑ "Keane left isles for California in 91". http://archives.starbulletin.com/97/08/11/news/whatever.html.
  18. ↑ "El infierno de la artista que iluminó a Tim Burton". http://elpais.com/elpais/2013/07/17/eps/1374077334_013717.html.
  19. ↑ Margaret and Walter Keane. https://books.google.com/books?id=xWZYAAAAMAAJ&q=%22United+Nations%22.
  20. ↑ Ohanesian, Liz (January 12, 2018). "At 90, Big Eyes Painter Margaret Keane Reflects on Her Outsize Influence on Lowbrow Art". Los Angeles Magazine. https://www.lamag.com/culturefiles/at-90-big-eyes-painter-margaret-keane-reflects-on-her-outsize-influence-on-lowbrow-art/.
  21. 1 2 "Artist Margaret Keane hasn't lost wide-eyed enthusiasm for work". December 14, 2014. http://www.sfgate.com/entertainment/article/Artist-Margaret-Keane-hasn-t-lost-wide-eyed-5955625.php.
  22. ↑ "The Mysterious Margaret Keane". December 26, 2014. https://www.proquest.com/docview/1640444946. Retrieved April 19, 2017.Page Module:Citation/CS1/styles.css has no content.
  23. ↑ Empty citation (help)
  24. ↑ Huffman, Jennifer (September 29, 2018). "Margaret Keane: the Napan behind the 'Big Eyes' paintings". https://napavalleyregister.com/news/local/margaret-keane-the-napan-behind-the-big-eyes-paintings/article_15a56ee3-583d-5857-9e8c-5e9425d72d57.html#tracking-source=home-top-story-2.
  25. ↑ "Hospice care: helping a Napa family cope with medical challenges". Napa Valley Register. September 29, 2018. https://napavalleyregister.com/news/local/hospice-care-helping-a-napa-family-cope-with-medical-challenges/article_8d6db6db-65f6-5a73-8ad2-6e3b97149e14.html.
  26. ↑ Empty citation (help)
  27. ↑ Empty citation (help)
  •  Awon nkan ti Margaret Keane so ninu Wikiquote
Jẹ́ kíkójáde láti "https://yo.wikipedia.org/w/index.php?title=Margaret_Keane&oldid=612022"