Ojo Mole

 

Ọjọ́ Mole jẹ́ ọjọ́ ìsinmi tí kò ní ìtẹ́wọ́gbà tí a ń ṣe ayẹyẹ rẹ̀ lọ́dọọdún lǎárín àwọn onímọ̀ ìjìnlẹ, àwọn ọmọ ilé-ẹ̀kọ́ tí wọ́n ń kọ́ nípa ìmọ̀ ohun èlò ìṣẹ̀dá, àti àwọn olólùfẹ́ ohun èlò ìṣẹ̀dá ní gbogbo ọjọ́ kẹtàlélógún Oṣú Kẹwǎ laarin ago mẹ́fà kọjá ìṣẹ́jú méjì ní àárọ̀ sí aago mẹ́fà kọjá ìṣẹ́jú méjì ìrọ̀lẹ́, a máa ń ṣe òǹkà ọjọ́ yìí yálà nípa Oṣù Ọjọ́ Ọdún (MDY) tabi Ọdún Oṣù Ọjọ́ (YMD) nípa ìlànà kika ọjọ. A ti ya àkóko àti ọjọ́ lati ìfìdímúlẹ̀ gbajúgbajà ọkùrin onímọ̀ nípa ohun èlò ìṣẹ̀dá tí orúkọ rẹ̀ ń jẹ́ Avogadro, èyítí ó jẹ́ 6.02 × 1023, tí ó ṣe àfihán àwọn númérì tí ó wà nínú pátíkùlù (àwọn átọ̀mù tàbí àwọn molikula) nínú môlù kan (mol) ti ǹkan, ọ̀kan nínú àwọn ìpìlẹ̀ méje tí a fi ń wọn nǹkan.

Ayẹyẹ àjọyọ̀ ọjọ́ yǐ bẹ̀rẹ̀ láti ọ̀dọ̀ olùdánilẹ́kọ̀ọ̀ Margaret Christoph. Ó ṣe àpilẹ̀kọ ìrírí rẹ̀ nínú The Science Teacher ní ọdún 1980s. Nípa ìrusókè àpilẹ̀kọ yǐ, Maurice Oehler, ẹnití ó ń kọ́ ẹ̀kọ́ nìpa oun èlò ìṣẹ̀dá ní ilé ẹ̀kọ́ girama Prairie du Chien, Wisconsin, ṣe ìṣẹ̀dálẹ̀ ọjọ́ yǐ (National Mole Day Foundation (NMDF)) ní ọjọ́ kẹẹ̌dógun oṣù karùn-ún ọdún 1991.

Ọ̀pọ̀lọpọ̀ ilé ẹ̀kọ́ girama ní àwọn orílẹ̀ èdè bí United States, South Africa, Australia, àti Canada ni wọ́n máa ń ṣe àjọyọ̀ ọjọ́ Molu gẹ́gẹ́ bí ọ̀nà láti jẹ́ kí àwọn akẹ́kọ̀ọ́ wọn túnbọ̀ ní ìfẹ́ sí ẹ̀kọ́ nìpa ohun èlò ìṣẹ̀dá, pẹ̀lú oríṣǐríṣǐ àti àwọn àkànṣe ayẹyẹ tí ó ní n ṣe pẹ̀lú ẹ̀kọ́ nípa oun èlò ìṣẹ̀dá tàbí àwọn Molu.

Àwọn àjọ tí a mọ̀ sí American Chemical Society màa n ṣe onígbọ̀wọ́ fún National Chemistry Week, tí ó máa ń wáyé ni ọjọ́ àìkú sí ọjọ́ àbámẹ́ta nínù èyí tí ọjọ́ kẹtàlélógún oṣù kẹwǎ ọdún bá bọ́sí.Eléyǐ jẹ́ kí ọjọ́ Molu jẹ́ ọjọ́ pàtàkì laáárín ọ̀sẹ̀ tì a ń ṣe àjọyọ̀ lórí ohun èlò ìṣẹ̀dá.Àdàkọ:Cn