Olawale olofooro

Ọláwálé Ọlọ́fọ́ọ̀rọ̀ tí orúkọ àbísọ rẹ ń jẹ́ Ọláwálé Ibrahim Ashimi tí a bí ní ọjọ́ kẹ́sàn án ọdún 1986 tí ayé mọ̀ sí Brymo jẹ́ olórin ìgbàlódé ní Nàìjíríà, òṣèré àti òǹkọ̀wé. A bí i, a sì tọ́ ọ ni Okokomaiko, ó sì bẹ̀rẹ̀ àgbéjáde orin rẹ̀ ni ọdún 1999 nígbà tí ó wà ní ilé -ẹ̀kọ́ girama. Àkójọpọ̀ orin Brymo àkọ́kọ́, Brymstone (2007) , tí "shawty" ṣe onígbọ̀wọ́ fún tí wọn sì kà kún àgbéjáde tí kò kájú òṣùwọ̀n. Ní ọdún 2010, ó buwọ́ lu ìwé àdéhùn pẹlú ilé-iṣẹ́ orin Chocolate City ṣùgbọ́n wọ́n fi ẹ̀sùn àìtẹ̀lẹ́ àdéhùn kàn án lẹ́yìn bíi ọdún mẹ́ta. Àgbéjáde àkójọpọ̀ orin Brymo Kejì tí àkọ́lẹ́ rẹ ń jẹ́ "Son of a kapenta" jáde ní ọdún 2012 tí àwọn àgbéjáde bíi "Ara", "Good Morning" àti "Go Hard" ti jẹ yọ.