Orin Sákárà

Orin Sákárà ni irúfẹ́ orin kan tí ó gbajúmọ̀ láàrín ẹgbẹ̀lẹ́gbẹ̀ orin ní ní àárín àwọn elédè Yorùbá ní a pa gúúsù ìwọ̀ Oòrùn orílẹ̀-èdè Nàìjíríà. Wọ́n sábà ma ń fi orin Sákárà ki ènìyàn ni pẹ́lú lílo àwọn ohun èlò orin ìbílẹ̀ Yorùbá bí ìlù Sákárà, gòjé, ṣẹ̀kẹ̀rẹ̀ àti bẹ́ẹ̀ bẹ́ẹ̀ lọ gbé ohùn dídùn jáde níkùn akọrin tí ó bá ń léwájú orin náà. Ìwọ́hùn orin Sákárà fẹ́ fara jọ orin àwọn Lárúbáwá àti àwọn èdè míràn láti aríwá Áfíríkà, àmọ́ ohun tí ó fi yàtọ̀ sí wọn ni àwọn ohun èlò orin ti ẹ̀yà Yorùbá. Orin náà ni ó sábà ma ń kún fún ọgbọ́n, òye àti ìmọ̀ tí ó sì ma ń tuni lára. Púpọ̀ àwọn ònkọrin Sákárà ni wọ́n ti lo orin náà gẹ́gẹ́ bí iṣẹ́ àselà tí wọ́n sì ti di olókìkí káàkiri àgbáyé. Lára wọn ni Abibu Olùwá tí ó bẹ̀rẹ̀ orin Sákárà ní ọdún láàrín ọdún 1930 ní ìlú Èkó. Lẹ́yìn tí Abibu Olùwá kú ní ọdún 1964, ẹni tí ó rópò rẹ̀ nínú ẹgbẹ́ akọrin wọn ni Salami Alabi Balogun tí wọ́n ń pe ní Salami Lefty tàbí Lefty Salami) tí ó jẹ́ onílù nínú ẹgbẹ́ náà ni ó ṣe àwo orin tí ó tó márùndínlógójì jáde lẹ́yìn ikú ọ̀gá rẹ̀. Àwọn tó kú nínú ọmọ ẹgbẹ́ akọrin wọn tí àwọn tún lààmì-laaka pẹ̀lú orin Sákárà ni: Baba Mukaila, àti Yusuf Olatunji. Yusuf Ọlátúnjí tí wọ́n ń pe ní Bàbá lẸ́gbá gbìyànjú gidi láti ri wípé iná orin Sákárà jo láálá, òun náà gbé àwọn àwo orin Sákárà oríṣiríṣi jáde lábẹ́ ilé-iṣẹ́ agbórinjáde Phillip Nigeria. Òun náà kú ní ọdún 1978. Wọ́n fi òpópónà kan kan sórí orúkọ rẹ̀ ní ìlú Abẹ́òkúta.

Púpọ̀ nínú àwọn ẹ̀ka orin Yorùbá tó kù bíi orin jùjú,fújì àti orin hip hop ni orin Sákárà kò ipa tó lọ́ọ̀rìn nínú kíkọ wọn . orin fújì is a mixture of Muslim traditional orin wéré with elements drawn from Sakara and Apala music.