Orin wéré

Orin wéré jẹ́ orin ẹ̀yà Yorùbá tí àwọ́n ajísààrì ma ń kọ láti fi jí àwọn Mùsùlùmí kí wọ́n lè jẹun àjíjẹ (sààrì) lásìkò àwẹ̀. Ajíwéré tàbí Oníwéré ni ó ma ń kọ orin wéré.

Wéré ni orin tí àwọn ajíewéré ma ń kọ lápapọ̀, pàá pàá jùlọ láàrín àwọn ọ̀dọ́ langba tí wọ́n ma ń tó mẹ́wá tàbí jù bẹ́ẹ̀ lọ. Wọ́n ma ń kórajọ-pọ̀ láti ṣe akọsílẹ̀ orin, wọn yóò jọ ṣe ìgbaradì orin àti ijó tí ó bá orin náà mu. Àwọn ajíwéré ni wọ́n ma ń bẹ̀rẹ̀ eré wọn lẹ́yìn tí wọ́n bá ti kírun Ìṣáì tán lágo mẹ́jọ alẹ́. Lẹ́yìn èyí ni wọn yóò ma yíde kiri tí wọn yóò ma kọrin tí wọn yóò sì ma jo pẹ̀lú títí ago mẹ́rin ìdájí yóò fi lù. Tí ó bá di ọjọ́ mẹ́wàá tí ó gbẹ̀yìn àwẹ̀, gbogbo àwọn ajíwéré pátá lágbègbè wọn yóò kórajọ sí àárín ìlú láti díje kí wọ́n lè mọ ikọ̀ tí yóò pegedé láti run ẹ̀bùn ọdún àti amì-ẹ̀yẹ lọ sílé.

Orin wéré àti àwọn orin àríyá Yorùbá mìíràn bíi Sákárà,àpàlà, wákààti ṣẹ̀kẹ̀rẹ̀ di ìlú-mòọ́ká ní Ìbẹ̀rẹ̀ ọdún 1970. Ẹni tí ó kọ́kọ́ bẹ̀rẹ̀ eré orin wéré tí ó sì sọ ọ́ di àpèwáwò fún àwọn olórin tókù ni Alhaji Dauda Epo-Akara tí ó jẹ́ ọmọ bíbí ilẹ̀ Ìbàdàn . Òun ni ó kọ́kọ́ ṣe àwo orin tí ó gbóná feli-feli jáde ní ọdún 1970, lẹ́yìn yí ni Ganiyu Irefin náà bẹ̀rẹ̀ sí ń kọ orin wéré. Sikiru Ayinde Barrister tí ó ń gbé ní ìlú Èkó ni ó jẹ́ ẹnìkta wọn. Pẹ̀lú bí Síkírù Ayinde Barrister ṣe gbajúmọ̀ tó, Dáúdà Epo-Àkarà ló fi ló so òun àti agbórinjáde ọmọ ilẹ̀ Ìbàdàn kan tí wọ́n ń pè ní LPs tí ó wà ní agbègbè Ògùnpa ní ìlú Ìbàdàn. Alhaji Síkírù Ayinde Barrister ni ó yí orin wéré tìrẹ padà tí ó pèé ní Orin Fújì, èyí tí ó yọ látara orin wéré. Àwọn akọrin Wéré bẹ̀rẹ̀ ìtànkálẹ̀ orin wọn láti òde ìnáwó bí òde òkú, òde ìkómọ, òde ìyàwó àti bbl.