Owo Blow
| Owo Blow | |
|---|---|
| Fáìlì:Owo Blow Poster.png | |
| Adarí | Tade Ogidan |
| Àwọn òṣèré |
|
| Ilé-iṣẹ́ fíìmù | Cinecraft Independent Films and Associates |
| Déètì àgbéjáde |
|
| Àkókò | Ìṣẹ́jú 80 |
| Orílẹ̀-èdè | Nàìjíríà |
| Èdè | Èdè Yorùbá |
Owo Blow jẹ́ fíìmù oníṣe tàbí eré-oníṣe ti orílẹ̀-èdè Nàìjíríà tí wọ́n ṣe ní èdè Yorùbá ní ọdún 1996. Tade Ogidan ni ó darí rẹ̀. Wọ́n ṣe fíìmù yìí ní apá mẹ́ta, àwọn ni: The Genesis (Ìbẹ̀rẹ̀), The Revolt (Ìṣọ̀tẹ̀), àti The Final Struggle (Ìjàkádì Ìkẹyìn).[1][2] Fíìmù yìí ni ó jẹ́ ìṣàfihàn àkọ́kọ́ fún àwọn gbajúmọ̀ òṣèré bíi Femi Adebayo, Rachael Oniga, àti Bimbo Akintola.[2][3]
Ìpìlẹ̀
[àtúnṣe | àtúnṣe àmìọ̀rọ̀]Ẹ̀kọ́ pàtàkì tí fíìmù yìí gbé yọ ni ṣíṣe inúrere àti ríran ọmọnìyàn lọ́wọ́.[1] Ó tún jíròrò lórí àwọn ìṣòro bíi ìwà ìbàjẹ́, àìríṣẹ́ṣe, ìjìyà tí kò tọ́, àti ìwà ìkà àwọn òṣìṣẹ́ agbófinró. Àwọn nǹkan wọ̀nyí jẹ́ ìṣòro ńlá ní orílẹ̀-èdè Nàìjíríà títí di òní. Fíìmù èdè Yorùbá ni, ṣùgbọ́n wọ́n fi ìtumọ̀ èdè Gẹ̀ẹ́sì (subtitle) sí abẹ́ rẹ̀.[2]
Àkòónú Ìtàn
[àtúnṣe | àtúnṣe àmìọ̀rọ̀]Wọ́n sọ ọkùnrin kan sẹ́wọ̀n lórí ẹ̀sùn èké nígbà tí ó fẹ́ ran àwọn eléte-ń-tẹ̀bọ́ (traders) lọ́wọ́ kúrò lọ́wọ́ àwọn agbófinró tí wọ́n ń fìyà jẹ wọ́n. Èyí dá wàhálà ńlá sílẹ̀ fún ìdílé ọkùnrin yìí; wọ́n lé ọmọ rẹ̀ ọkùnrin, Wolé, kúrò ní ilé-ìwé. Wolé wá bẹ̀rẹ̀ sí í tọ́jú ìdílé rẹ̀. Ó gbìyànjú oríṣiríṣi iṣẹ́ kí ó tó bẹ̀rẹ̀ sí í jalè gẹ́gẹ́ bí afọwọ́bọ̀-àpò (pickpocket). Wọ́n mú un, àwọn èrò sì lu òun kù kú. Kò pẹ́ tí ó fi bẹ̀rẹ̀ ìgbésí ayé òpópónà, nígbà tí ẹ̀gbọ́n rẹ̀ obìnrin, Mọ́pẹ́, bẹ̀rẹ̀ iṣẹ́ aṣẹ́wó. Mọ́pẹ́ lóyún ó sì kú nígbà tí ó ń rọbí. Wolé wá di gbajúgbajà adigunjalè ṣùgbọ́n ó jẹ́jẹ̀ẹ́ pé òun kò ní ta ẹ̀jẹ̀ ọmọnìyàn sílẹ̀ rí. Nígbẹ̀yìngbẹ́yín, ó yípadà, ó parí ẹ̀kọ́ rẹ̀, ó sì di ènìyàn gidi láwùjọ. Ṣùgbọ́n àwọn ọmọ ẹgbẹ́ rẹ̀ tẹ́lẹ̀ tẹ̀síwájú nínú ìwà ọ̀daràn wọn. Wolé ṣì ń jẹ̀yà ẹ̀rí-ọkàn fún àwọn ẹ̀ṣẹ̀ rẹ̀ ti àtijọ́.[4]
Àwọn Òṣèré
[àtúnṣe | àtúnṣe àmìọ̀rọ̀]- Femi Adebayo gẹ́gẹ́ bí Wolé Owólabí
- Prince Leke Ajao gẹ́gẹ́ bí Alága Mọ́tò (Garage Chairman)
- Bimbo Akintola gẹ́gẹ́ bí Mọ́pẹ́ Owólabí
- Adewale Elesho
- Kunle Ajediti gẹ́gẹ́ bí Bùrọ̀dá Fẹ́mi
- Lanre Hassan gẹ́gẹ́ bí Ìyá Jídé
- Sam Loco Efe gẹ́gẹ́ bí Bàbá Onílé
- Binta Ayo Mogaji gẹ́gẹ́ bí Ìyá Òjòjò
- Kayode Odumosu gẹ́gẹ́ bí Ọ̀gbẹ́ni Owólabí
- Rachael Oniga gẹ́gẹ́ bí Ìyáàfin Owólabí
- Adebayo Salami gẹ́gẹ́ bí Ọ̀gá Ìbílẹ̀ (Council Boss)
- Tope Kilanko gẹ́gẹ́ bí Kẹ́hìndé Owólabí
Ìgbéjáde
[àtúnṣe | àtúnṣe àmìọ̀rọ̀]Wọ́n ka Owo Blow mọ́ ọ̀kan lára àwọn fíìmù ilẹ̀ Nàìjíríà tí ó náwó jùlọ ní ọdún 1997. Iye tí wọ́n ná lé e lórí wà láàrin mílíọ̀nù méjì sí méje Náírà (₦2-7million). Wọ́n gbé e jáde lásìkò Kérésìmesì lọ́dún 1996, owó tí wọ́n sì ń san láti wò ó ní sinimá nígbà náà ni ₦150.[5]
Ìtẹ́wọ́gbà
[àtúnṣe | àtúnṣe àmìọ̀rọ̀]Olùṣàyẹ̀wò kan láti inu ìwé-ìròyìn Premium Times gbóríyìn fún fíìmù náà nítorí àwọn òṣèré, dídarí, àti bí ó ṣe wọ àkòónú rẹ̀ ṣókí. Ó sọ pé: "Kò sí apá kan nínú fíìmù náà tí kò wúlò fún ìtàn rẹ̀. Lẹ́yìn ọdún mẹ́ẹ̀ẹ́dọ́gbọ̀n (25 years), Owo Blow ṣì wà mánigbàgbé gẹ́gẹ́ bí fíìmù títun nígbà gbogbo."[2]
Àwọn Ìtọ́kasì
[àtúnṣe | àtúnṣe àmìọ̀rọ̀]- 1 2 Adesokan, Akinwumi (2011-10-21) (in en). Postcolonial Artists and Global Aesthetics. Indiana University Press. pp. 190 & 220. ISBN 978-0-253-00550-2. https://books.google.com/books?id=QpaTNfpZxtIC&dq=%22Owo+Blow%22&pg=PA220.
- 1 2 3 4 Ghaniyah, Olowoyo (2020-08-22). "Revisiting Nollywood classic, 'Owo Blow', 25 years after". Premium Times (in Èdè Gẹ̀ẹ́sì). Retrieved 2021-09-02.
- ↑ "Bimbo Akintola gushes over first role in 'Owo Blow'". Pulse Nigeria (in Èdè Gẹ̀ẹ́sì). 2019-02-07. Retrieved 2021-09-02.
- ↑ Olonilua, Ademola (2021-06-03). "#ThrowbackThursday: Five Nigerian classic movies that would leave you nostalgic". Punch Newspapers (in Èdè Gẹ̀ẹ́sì). Retrieved 2021-09-02.
- ↑ Haynes, Jonathan (2000) (in en). Nigerian Video Films. Ohio University Press. pp. 43. ISBN 978-0-89680-211-7. https://books.google.com/books?id=OOgm9GtCzW4C&dq=%22Owo+Blow%22&pg=PA43.