Reel Love (fíìmù ọdún 2025)
| Reel Love | |
|---|---|
| Adarí | Kayode Kasum |
| Olùgbékalẹ̀ | Lara Ojelabi |
| Òǹkọ̀wé | Ife Olujuyigbe |
| Àwọn òṣèré |
|
| Ilé-iṣẹ́ fíìmù | Film Trybe Nextrought FilmOne Studios |
| Olùpín | FilmOne Distribution |
| Déètì àgbéjáde |
|
| Orílẹ̀-èdè | Nigeria |
Reel Love jẹ́ fíìmù ilẹ̀ Nàìjíríà tó jáde ní ọdún 2025, èyí tí Timini Egbuson gbé jáde, tí Kayode Kasum sì jẹ́ olùdarí rẹ̀. Fíìmù náà jẹ́ ajẹmọ́fẹ̀ẹ́, èyí tí wọ́n gbé jáde sí orí sinimá ní ọjọ́ kẹrìnlá oṣù kejì ọdún 2025 láti fi ṣàjọyọ̀ ayẹyẹ àwọn olólùfẹ́.[1] Lára àwọn òṣèré tó kópa ni Timini Egbuson, Funke Akindele, Bimbo Ademoye, Shaffy Bello, Efa Iwara, Dakore Akande, Lilian Afegbai, Muyiwa Ademola, àti bẹ́ẹ̀ bẹ́ẹ̀ lọ.[2] Fíìmù náà jẹ́ alákọ̀ọ́kọ́ rẹ̀ tí Timini Egbuson máa ṣe,[2] fíìmù náà sì dá lórí ìfẹ́, àti ipa ẹ̀rọ-ayélujára lórí ọ̀rọ̀ ìfẹ́.[1][3]
Ìtàn ní ṣókí
[àtúnṣe | àtúnṣe àmìọ̀rọ̀]Reel Love sọ̀rọ̀ nípa ìtàn Tomide, tó jẹ́ gbajúgbajà ènìyàn, tó máa ń sọ̀rọ̀ nípa ọ̀rọ̀ ìfẹ́ lórí àwọn ìtàkùn ẹ̀rọ-ayélujára. Tomide yìí ní ìtàkurọ̀sọ̀ pẹ̀lú arábìnrin kan tí orúkọ rẹ̀ ń ẹ́ Rachel, èyí tí fọ́nrán rẹ̀ bọ́ sí gbàgede. Fọ́nrán yìí máa ní ipa burukú lórí iṣẹ́ àwọn méjèèjì, èyí ló mú kí àfẹ́sọ́nà Tomide, ìyẹn Imani, fún Tomide ní ìmọ̀ràn láti ṣebí ẹni pé òun àti Rachel ń fẹ́ ara wọn. Wọ́n ṣe èyí, Rachel àti Tomide sì gbà láti ṣebí ẹni pé wọ́n ń fẹ́ ara wọn, èyí sì mú kí iṣẹ́ àwọn méjèèjì gbòrò si, tí ọ̀pọ̀ ènìyàn sì fẹ́ wọn si lórí ẹ̀rọ-ayélujára.
Ọ̀rọ̀ bẹ́yìn yọ nígbà tí Rachel bẹ̀rẹ̀ sí ní yófẹ̀ẹ́ Tomide, nídà kejì bákan náà, Tomide ti ń nífẹ̀ẹ́ Rachel. Àmọ́ àfẹ́sọ́nà Tomide, ìyẹn Imani ti ń fura pé àwọn méjèèjì ti ń fẹ́ràn ara wọn. Lọ́nà láti mú òpin wá sì àjọṣepọ̀ yìí, Imani mú àṣírí Tomide wá sí gbangba, èyí tó tún fa wàhálà rẹpẹtẹ.[4][5]
Àwọn akópa
[àtúnṣe | àtúnṣe àmìọ̀rọ̀]- Timini Egbuson bíi Tomide Jobi
- TJ Omusuku bíi Rachel Monday
- Atlanta Johnson bíi Imani
- Bimbo Ademoye bíi Chizaram
- Funke Akindele bíi ìyá Tomide
- Muyiwa Ademola bíi bàbá Rachel
- Dakore Egbuson bíi àtọ́nisọ́nà Rachel
Àwọn ìtọ́kasí
[àtúnṣe | àtúnṣe àmìọ̀rọ̀]- 1 2 Rapheal (2025-02-16). "Reel Love: Timini Egbuson, Bimbo Ademoye". The Sun Nigeria (in Èdè Gẹ̀ẹ́sì). Retrieved 2025-02-16.
- 1 2 Akhimien, Nosakhale (2025-02-11). "Ebuka, Funke Akindele, Veekee James, grace Timini's 'Reel Love' premiere". Premium Times Nigeria (in Èdè Gẹ̀ẹ́sì). Retrieved 2025-02-16.
- ↑ Nigeria, Guardian (2025-01-08). "'Reel Love' to set 2025 Valentine's Day in motion, premieres on February 9". The Guardian Nigeria News - Nigeria and World News (in Èdè Gẹ̀ẹ́sì). Retrieved 2025-02-16.
- ↑ Dan-Awoh, Deborah (2025-02-15). "Timini Egbuson's Reel Love grosses N40.5 million on Valentine's day opening". Nairametrics (in Èdè Gẹ̀ẹ́sì). Retrieved 2025-02-16.
- ↑ Akhimien, Nosakhale (2025-02-16). "MOVIE REVIEW: Timini's 'Reel Love' spotlights dark side of influencer culture". Premium Times Nigeria (in Èdè Gẹ̀ẹ́sì). Retrieved 2025-02-16.