Tinubu Square

 

Ẹnu ọ̀nà àbáwọlé

Ìyáàfin Tinubu ṣáájú ọdún 1887

Tinubu Square, èyí tí a mọ̀ sí Ọ̀wọ́n òmìnira nígbà kan, ó jẹ́ ààyè kan tí ó tẹ́jú, èyí tí ó kalẹ̀ sí òpópónà ná Broad, ní erékùsù ìlú Èkó, ní orílẹ̀-èdè Nàìjíríà, èyí tí wọ́n fi sọ orúkọ Ìyáàfin Ẹfúmróyè Tinubu, ẹni tí ó jẹ́ ọmọ Yorùbá, oníṣòwò ẹrú, oníṣòwò, àti apàṣẹ wàá . Ìta Tinubu ni orúkọ tí wọ́n ń pe agbègbè yìí tẹ́lẹ̀ ṣáájú kí àwọn adarí Orílẹ̀-èdè Nàìjíríà kinni tó sọ ọ́ ní orúkọ "Ọ̀wọ́n òmìnira" lẹ́yìn tí orílẹ̀-èdè Nàìjíríà gba òmìnira, lẹ́yìn náà ni wọ́n sọ ó ní Ọ̀wọ́n Tinubu.

Ìtàn

Tinubu Square ní ọdún 1962 pẹ̀lú orísun omi tí ó jẹ́ ìgbàlódé

Gẹ́gẹ́ bí ọ̀rọ̀ akọ̀tàn kan, ó ní ààyè yìí jẹ́ ibi tí ilé-ìdájọ́ àkọ́kọ́ èyí tí a fi ilé-ẹjọ́ gíga rọ́pò ní ọdún 1918, èyí tí ó ní ètò ayalẹ́nu kan. Ààyè yìí jẹ́ ààyè kan tí àwọn onírúurú àṣà ti máa ń pàdé, bẹ́ẹ̀ ni ó jẹ́ ààyè kan tí àwọn ọmọ ìbílẹ̀ ìlú Èkó, àwọn ti ilẹ̀ Brazil jáde àti àwọn ìjọba Gẹ̀ẹ́sì ti máa ń pàdé.

Ètò

Agbègbè yìí jẹ́ èyí tí wọ́n fi irin ṣe odi rẹ̀ pẹ̀lú àwọn orísun omi sísàn meji, àwọn òdòdó àti àwọn igi òtùtú nínú rẹ̀. Nínú èyí tí ère títóbi ti Ìyáàfin Tinubu wà . Ìwọ̀n ọ̀wọ́n yìí jẹ́ èyí tí ó jẹ́ ẹgbẹ̀rún méjì síkúẹ̀ mità (2,000 square meters). Ọdún 2017 ni ìjọba ìpínlẹ̀ Èkó tún agbègbè yìí ṣe gbẹ̀yìn.

Àyíká

Ọ̀wọ́n Tinubu jẹ́ èyí tí ó wà ní agbègbè àti àyíká tí ó dùn ún wò tí ó dùn ún rí, pẹ̀lú ìgbìyànjú tí àwọn ikọ̀ "Ẹ jẹ́ kí á jẹ́ kí Ìpínlẹ̀ Èkó ó mọ́" láti lè jẹ́ kí agbègbè yìí ó jẹ́ ibi tí ènìyàn lè ṣe àbẹ̀wò sí fún afẹ́ àti láti jẹ́ kí ó jẹ́ ààrin gbùngbùn ìfanimọ́ra.