Tsotsi
| Tsotsi | |
|---|---|
| Adarí | Gavin Hood |
| Olùgbékalẹ̀ | Peter Fudakowski |
| Ìyàwòrán sinimá | Lance Gewer |
| Orílẹ̀-èdè | South Africa United Kingdom |
Tsotsi jẹ́ sinimá tí ó dá le lórí ìwà ọ̀daràn, èyí tí wọ́n gbé jáde ní ọdún 2005. Gavin Hood ni ó kọ̀, tí ó sì darí rẹ̀. Peter Fudakowski jẹ́ olùgbéjáde rẹ̀. Eré yìí jẹ́ àmúyẹ nínú ìwé ìtàn aròsọ tí Athol Fugard kọ, àkọ́lé iwe náà ń jẹ́ Tsotsi. Àjọṣepọ̀ orílẹ̀ èdè South Africa àti United kingdom ni ó gbé ere yìí jáde.[1]
Ìtàn náà wáyé ní agbègbè tí wọ́n ń pè ní Alexandra ní ìlú Johannesburg, lórílẹ̀-èdès South Africa. Presley Chweneyagae ni ó se bí David/Tsotsi (tí ìtumọ̀ orúkọ rẹ̀ jẹ́ "ọ̀daràn"). Ó jẹ́ ọ̀dọ́mọkùnrin jàǹdùkú kan tí ó jí ọkọ̀ ayọ́kẹ́lẹ́ kan gbé, ṣùgbọ́n omo kekere kan be ni ẹ̀yìn ọkọ̀ náà. Àwọn òṣèré míràn bíi Kenneth Nkosi, Jerry Mofokeng, àti Rapulana Seiphemo náà kópa pàtàkì nínú rẹ̀.
Àwọn orin inú eré náà jẹ́ orin Kwaito látẹnu akọrin South Africa tí ń jẹ́ Zola àti ẹgbẹ́ akọrin Mafikizolo. Mark Kilian àti Paul Hepker ni wọ́n ṣètò ohùn orin náà pẹ̀lú ohùn Vusi Mahlasela, akọrin ìfẹ̀hónúhàn àti akéwì lórílẹ̀-èdè náà.
Eré yìí gba ìyìn púpọ̀, pàtàkì jùlọ fún bí wọ́n ṣe kọ ìtàn rẹ̀, bí wọ́n ṣe darí rẹ̀, àti bí àwọn òṣèré ṣe gbé ipa wọn jáde (pàápàá jùlọ Chweneyagae àti Pheto). Wọ́n tún yìn ere na fún bí wọ́n ṣe ya fídíò rẹ̀. Eré yìí ni ó gba Academy Award for Best International Feature Film ní ọdún 2006 fún "Eré Tí Ó Dárajùlọ", wọ́n sì tún yàn án fún Golden Globe for Best Foreign Language Film. Ere na ni eré àkọ́kọ́ láti orílẹ̀-èdè South Áfíríkà, àti eré Áfíríkà àkọ́kọ́ tí kì í ṣe èdè Faransé (French) tí ó gba Golden Globe for Best Foreign Language Film[2] Ní ọdún 2009, wọ́n tún eré náà ṣe ní èdè Tamil (ní orílẹ̀-èdè India) tí wọ́n pè ní Yogi.[3]
Atòpọ̀ Ìtàn
[àtúnṣe | àtúnṣe àmìọ̀rọ̀]Nígbà tí Iya David ń kú lọ lori àìsàn, David sá kúrò lọ́dọ̀ bàbá rẹ̀, ó sì lọ ń gbé pẹ̀lú àwọn ọmọ aláìnilé. Lẹ́yìn ọdún mélòó kan, David, ẹni tí ń jẹ́ Tsotsi, ti di olórí ẹgbẹ́ jàǹdùkú pẹ̀lú àwọn ọ̀rẹ́ rẹ̀: Butcher, Aap, àti Boston.
Lẹ́yìn tí Butcher iyen ore David pàyàn, Tsotsi àti Boston bẹ̀rẹ̀ sí í jà, to de mu Boston fara pa gidi. Lẹ́yìn náà, Tsotsi yìnbọn fun Pumla, ọ̀dọ́mọbinrin tí ó fe jí ọkọ̀ rẹ̀ gbé, la i mo pe omo kekere oṣù mẹ́ta be ni ẹ̀yìn oko na. Tsotsi kó gbogbo nǹkan iyebíye inú ọkọ̀ náà, ó sì gbé ọmọ náà lọ sí ilé rẹ̀. Pumla o kú (sugbon kò lè rìn mọ́), ó sì ran àwọn ọlọ́pàá lọ́wọ́ láti ya àwòrán ojú Tsotsi kí wọ́n lè tẹ̀ ẹ́ sínú ìwé ìròyìn.
Nígbà tí Tsotsi rí i pé kò lè tọ́jú ọmọ náà fúnra re, ó rí Miriam tí ó gbé ọmọ rẹ̀ pon sí ẹ̀yìn tí ó sì ń pọn omi. Ó tẹ̀lé Miriam lọ sí ilé rẹ̀, ó sì fi ìbọn halẹ̀ fún Miriam pé ó gbọ́dọ̀ fún ọmọ tí ó jí gbé ní ọmú. Fela, olórí ẹgbẹ́ ọ̀daràn kan, gbìyànjú láti gba Aap, Boston, àti Butcher síṣẹ́. Nígbà tí Tsotsi gbé ọmọ náà lo ba Miriam nígbà kejì, Miriam bẹ̀ rẹ̀ pé kí ó fi ọmọ náà sílẹ̀ lọ́dọ̀ òun kí òun lè máa tọ́jú rẹ̀ fún un, Tsotsi sì gbà bẹ́ẹ̀.
Wo èyí náà
[àtúnṣe | àtúnṣe àmìọ̀rọ̀]- List of South African films
- Cinema of South Africa
ìtọ́kasí
[àtúnṣe | àtúnṣe àmìọ̀rọ̀]Àwọn ìtọ́kasí miran
[àtúnṣe | àtúnṣe àmìọ̀rọ̀]- Official website
- Tsotsi at IMDb