Warapa (Epilepsy)

temporal lobe epilepsy comorbidity

Wárápá (Epilepsy) jẹ́ àrùn ọpọlọ tí ò ṣeé kó ràn yàn. Àrùn yìí ma ń mú gìrìgìrì bá ẹni tó bá ni l’ójijì. Gìrìgìrì yìí lè mú ẹ̀yà ara kan tàbí gbogbo ara, nígbà míràn ó lè mú èyàn dákú fún ìgbà díẹ̀.

Gìrìgìrì ma ń ṣẹlẹ̀ nígbàtí àwọn agbára tàbí iná-mọ̀nàmọ́ná díẹ̀ tí ó yẹ kí ó wà nínú àwọn sẹ́ẹ̀lì (cell) ọpọlọ bá ti pọ̀ jù. Oríṣiríṣi ẹ̀yà ọpọlọ ni gìrìgìrì yìí ti lẹ̀ ṣẹ̀ wá. Fún àwọn kan, gìrìgìrì ma ń mú wọn tètè ronú ǹkan míràn tí wọ́n bá ń ṣe ǹkan l’ọ́wọ́, fún àwọn ẹlòmíràn ó ma ń mú wọn gbé'ra ṣán'lẹ̀. Bí gìrìgìrì ṣe tún ma ń wá fún àwọn èèyàn yàtọ̀, ó lè wá bíi ẹ̀kan l'ọ́dún fún àwọn kan, ó dẹ̀ lè ma wá l’ọ́pọ̀lọpọ̀ ìgbà l'ójojúmọ́ fún àwọn ẹlòmíràn.

Pé gìrìgìrì ṣẹlẹ̀ lẹ́ẹ̀kan ò túmọ̀ sí pé èèyàn ní Wárápá (pàápàá, ìdá mẹ́wàá àwọn èèyàn l'ágbàáyé ni gìrìgìrì ma mú lẹ́ẹ̀kan ní ìgbésí ayé wọn.) A lè sọ pé èèyàn ní Wárápá tó bá ti ń ní gìrìgìrì bíi ẹ̀mejì sí ọ̀pọ̀lọpọ̀ ìgbà. Wárápá jẹ́ ọ̀kan nínú àwọn àrùn tí àwọn èèyàn ti mọ̀ fún ọjọ́ pípẹ́. Fún ọ̀pọ̀lọpọ̀ ọdún sẹ́hìn ni ẹ̀rù, àìmọ̀ àti ìtìjú ti wà l'óri ọ̀rọ̀ Wárápá. Ìtìjú yìí ṣíǹ ṣẹlẹ̀ ní ọ̀pọ̀lọpọ̀ orílẹ̀-èdè l'ágbàáyé, ó dẹ̀ ń mú ayé le fún àwọn tó ní àrùn Wárápá àti àwọn mọ̀lẹ́bí wọn.