Wasif Dehlawi
Mawlāna, Mufti Hafizur Rahman Wasif Dehlavi | |
|---|---|
| 4th Rector of Madrasa Aminia | |
| In office September 1955 – 1979 | |
| Asíwájú | Ahmad Saeed Dehlavi |
| Àdàkọ:Infobox religious biography | |
Hafizur Rahman Wasif Dehlavi (10 February 1910 – 13 March 1987) jẹ́ onímọ̀ Mùsùlùmí ti orílẹ̀-èdè India, alárìíwísí àwọn ìwé lítíreṣọ̀ lóríṣiríṣi àti akéwì èdè Urdu, tó jẹ́ olórí Madrasa Aminia láti ọdún 1955 wọ 1979. Ó kópa nínú ètò ìgbòmìnira ti ìlú India, ó sì kọ oríṣìíríṣìí ìwé bíi Adabī bhūl bhulayyān̲, Urdū Masdar Nāmā àti Taz̲kirah-yi Sā'il. Ó ṣe àtòjọ àwọn ìwé òfin ẹ̀sìn ti bàbá rẹ̀, tí í ṣe Kifayatullah Dehlawi gẹ́gẹ́ bíi Kifāyat al-Mufti sí apá mẹ́sàn-án.
Ìtàn ìgbésíayé[àtúnṣe | àtúnṣe àmìọ̀rọ̀]
A bí Hafizur Rahman Wasif Dehlavi ní ọjọ́ kẹwàá, oṣù kejì, ọdún 1910 ní ìlú Shahjahanpur.[1] Òun ni ọmọkùnrin àkọ́bí Kifayatullah Dehlawi, tó jẹ́ Grand Mufti ti ìlú India.[1][2] Ó kẹ́kọ̀ọ́ ní Madrasa Aminia pẹ̀lú bàbá rẹ̀ Kifayatullah Dehlawi àti àwọn onímọ̀ mìíràn bíi Khuda Bakhsh àti Abdul Ghafoor Aarif Dehalvi.[3] Ó kẹ́kọ̀ọ́ nípa kíkọ èdè Lárúbáwá sílẹ̀ pẹ̀lú Hamid Hussain Faridabadi àti Munshi Abdul Ghani.[4]
Wasif jẹ́ onímọ̀ èdè, alárìíwísí àwọn ìwé lítíreṣọ̀, akéwì àti akọ̀wé òfin Islam.[5][6] Láti bíi ọmọdún márùn-úndínlógún, ní ó ti bẹ̀rẹ̀ sí ní kọ ewì ní Persian. Ọ̀kan lára àwọn ewì àkọ́kọ́ rẹ̀ ní èdè Urdu ni marsiya nípa Hakim Ajmal Khan, tí ó hàn ní Al-Jamiat ti ọjọ́ kejìlélógún, oṣù kìíní, ọdún 1928 .[7]
Wasif bẹ̀rẹ̀ iṣẹ́ rẹ̀ gẹ́gẹ́ bíi olùkọ́ èdè Lárúbáwá àti ìwé lítíreṣọ̀ ní Government of Delhi's education department.[8] Ní ọdún 1936, bàbá rẹ̀ fi sípò olùdarí Kutub Khana Rahimiya.[8] Wọ́n yàn án sípò igbá-kejì rector Madrasa Aminia ní ọdún 1953.[8] Ó di rector ní oṣù kẹsàn-án, ọdún 1955, ó sì dáwọ́ iṣẹ́ dúró ní ọdún 1979.[9] Ó di olóògbé ní ọjọ́ kẹtàlá, oṣù kẹta, ọdún 1987 ní ìlú Delhi.[2]
Àwọn ìwé lítíreṣọ̀ rẹ̀[àtúnṣe | àtúnṣe àmìọ̀rọ̀]
Wasif ṣe àtòjọ àwọn ìwé òfin ẹ̀sìn ti bàbá rẹ̀, tí í ṣe Kifayatullah Dehlawi gẹ́gẹ́ bíi Kifāyat al-Mufti sí apá mẹ́sàn-án.[10] Àwọn iṣẹ́ Wasif mìíràn ni:[10]
- Adabī bhūl bhulayyān̲: zabān-o-qawā'id aur Urdū imlā par tanqīd
- Jamī'at-i Ulamā par ek tārīk̲h̲ī tabṣirah (A book discussing the history of Jamiat Ulama-e-Hind and its establishment)
- Sih lisānī Masdar Nāmā (Dictionary of Urdu verbs with their Arabic and Persian equivalents)
- Taz̲kirah-yi Sā'il (Biography of Saail Dehalvi)
- Urdū Masdar Nāmā
- Zar-i gul (Poetic collection)
Bibliography[àtúnṣe | àtúnṣe àmìọ̀rọ̀]
- Amini, Noor Alam Khalil (February 2017). "Hadhrat Mawlāna Hafīzur Raḥmān Wāsif Dehalvi" (in Urdu). Pas-e-Marg-e-Zindah (5 ed.). Deoband: Idara Ilm-o-Adab. pp. 177–213.
- Dehlavi, Muḥammad Qāsim (2011). Mawlānā Ḥafīẓurraḥmān Wāsif Dehlavī. New Delhi: Urdu Academy. ISBN 81-7121-176-3.
- Shahjahanpuri, Abu Salman (2005) (in ur). Mufti-e-Azam Hind. Patna: Khuda Bakhsh Oriental Library.
- Adrawi, Asir (April 2016) (in ur). Karwān-e-Rafta: Tazkirah Mashāhīr-e-Hind (2nd ed.). Deoband: Darul Muallifeen.
Àwọn Ìtọ́kasí[àtúnṣe | àtúnṣe àmìọ̀rọ̀]
- ↑ 1.0 1.1 Shahjahanpuri 2005, pp. 105-106.
- ↑ 2.0 2.1 Adrawi 2016, p. 82.
- ↑ Dehlavi 2011, p. 19.
- ↑ Dehlavi 2011, p. 20.
- ↑ Amini 2017, p. 177.
- ↑ Dehlavi 2011, p. 22.
- ↑ Dehlavi 2011, p. 44.
- ↑ 8.0 8.1 8.2 Dehlavi 2011, p. 24.
- ↑ Dehlavi 2011, pp. 25-26.
- ↑ 10.0 10.1 Amini 2017, pp. 210-211.