Oríṣi Ṣọ́ọ́ṣì Àti Àwọn Ọ̀nà Wọn.
Kíló mú ilé ìjọsìn dúró? Kíni àwọn àmì àsọ̀yè, àwọn àbùdá tí ó yà á sọ́tọ̀? Èyí ni ohun tí a ó wò nínú ọ̀rọ̀ yìí àti ìṣọwọ́lò èdè wọn.
Ọ̀nà Ilé Ìjọsìn Ti Pẹ́ńtíkọ́sì[àtúnṣe | àtúnṣe àmìọ̀rọ̀]
Àkọ́kọ́ tí a ma yẹ̀ wò ni ìjọ tí a ń pè ní Gẹ̀ẹ́sì ní "Pentecostal". Ó jẹ́ ọ̀nà kan ní ẹ̀sìn Kìrìtẹ́nì tí ó tẹnumọ́ iṣẹ́ ti Ẹ̀mí Mímọ́ àti ìrírí tààrà ti wíwà Ọlọ́run nípasẹ̀ onígbàgbọ́. Àwọn ìjọ Pẹ́ńtíkọ́sì gbàgbọ́ pé ìgbàgbọ́ gbọ́dọ̀ jẹ́ ìrírí tí ó lágbára àti pé kìí ṣe nǹkan tí a ríi nípasẹ̀ àṣà tàbí ìrònú lásán. Àwọn ọmọ ẹgbẹ́ rẹ̀ gbàgbọ́ pé agbára Ọlọ́run tí ń gbé láàrín wọn ní ń darí wọn. Níhìn-ín, ìrírí tààràtà ti Ọlọ́run ni a fi hàn nípasẹ̀ àwọn ẹ̀bùn ẹ̀mí bíi sísọ̀rọ̀ ní ahọ́n èdè, àsọtẹ́lẹ̀ àti ìwòsàn. Púpọ̀ nínú àwọn Pẹ́ńtíkọ́sì àti àwọn alámọ́dájú ro sísọ àwọn èdè mìíràn láti jẹ́ ti Ọlọ́run tàbí “ èdè àwọn áńgẹ́lì ” yàtọ̀ sí àwọn èdè ènìyàn. [1]
Ọ̀nà Wọn:
1. Púpọ̀ jùlọ àwọn Pẹ́ńtíkọ́sì ni kò kín mu ọtí tàbí tábà.
2. Àwọn obìnrin tí wọ́n jẹ́ Pẹ́ńtíkọ́sì ní àpọ́sítélì náà máa ń wọ aṣọ gígùn, wọn kì í gé irun wọn, bẹ́ẹ̀ ni wọn kì í kun àtíkè.
3. Wọ́n sì gbàgbó nípa kí a má ṣe ìgbéyàwó ṣáájú àlòpọ̀.
Ìlò Èdè Àwọn Ìjọsìn Pẹ́ńtíkọ́sì
1. Ní orúkọ Jésù – báyìí ni wọ́n máa ń gbàdúrà.
2. Èmí Mímọ́.
3. Pásítọ̀.
4. Àdarí ìjọ.
5. Ó ma ṣé to bá gbàágbọ́.
6. Ẹ dìde dúró.
7. Nínú Èmí Mímọ́.
8. Èmí èṣù.
9. Ìdá mẹ́wàá.
10. Ọmọ Ọlọ́run.
11. Kí gbogbo ènìyàn forí balẹ̀, kí gbogbo ojú wà ní dídì.
Ọ̀nà Ilé Ìjọsìn Ti Kérúbù àti Séráfù[àtúnṣe | àtúnṣe àmìọ̀rọ̀]
Kérúbù àti Séráfù nígbàgbọ́ nínú lílo omi àti òróró. Wọ́n gbà pé omi ní irú agbára ìwòsàn, nítorí agbára ìbatisí àti ẹ̀mí Ọlọ́run tí ń gbé inú rẹ̀. Wọ́n tún gbàgbọ́ nínú lílo òróró ìyàsọ́tọ̀, nítorí pé Bíbélì ti Jákọ́bù kárùn-ún, ẹ̀ṣẹ̀ kẹ́rìnlá sí ẹ̀ṣẹ̀ kárùn-ún-dín-lógún (5:14-15) ti ran ìgbàgbọ́ yìí lọ́wọ́. [2]
Ìlò Èdè Àwọn Ìjọsìn Kérúbù àti Séráfù.
1. Ẹ kí alelúyà méje.
2. Ozánà.
3. Iyè.
4. Ògo.
5. Orí òkè: àwọn ló máa ń sábà lọ sí orí òkè.
Ọ̀nà Ilé Ìjọsìn Ti Kátólíìkì[àtúnṣe | àtúnṣe àmìọ̀rọ̀]
Ẹ̀sìn Kátólíìkì jẹ́ ẹ̀sìn kan ṣoṣo, ó túmọ̀ sí pé àwọn Kátólíìkì gbà pé ẹ̀dá kan ṣoṣo ló wà tó ga jù lọ, tí wọ́n ń pè ní Ọlọ́run. Ọlọ́run Kátólíìkì ni àwọn ẹ̀yà mẹ́ta, tí a mọ̀ sí Mẹ́talọ́kan. Ẹni tí ó ga jùlọ ni Ẹlẹ́dàá, tí a ń pè ní Ọlọrun tabi Ọlọrun Baba, tí ń gbé ní ọ̀run, tí ó sì ń ṣọ́ ohun gbogbo tí ó wà lórí ilẹ̀ ayé, tí ó sì ń darí rẹ̀. A mọ̀ ọ́n gẹ́gẹ́ bí Olúwa ọ̀run àti ayé, tí a sì ń tọ́ka sí gẹ́gẹ́ bí Olódùmarè, ayérayé, àìdiwọ̀n, àìlóye, àti àìlópin ní òye, ìfẹ́, àti pípé. [3]
Àwọn òfin ti ilé ìjọsìn Kátólíìkì.
1. Wọ́n gbọ́dọ̀ lọ sí "Mass" ní gbogbo àwọn ọjọ́ ìsimi àti àwọn Ọjọ́ Mímọ́.
2. Wọ́n gbọ́dọ̀ gbàwẹ̀, kí ó sì yàgò fun àwọn ọjọ́ tí a yàn.
3. Jẹ́wọ́ ẹ̀ṣẹ̀ léèkan lọ́dún.
4. Gba "Communion" Mímọ́ ní Ọjọ́ àjíǹdé Kírísítì.
5. Kíyèsi àwọn òfin ti ìjọ nípa ìgbéyàwó.
Ìlò Èdè Àwọn Ìjọsìn Kátólíìkì.
1. Ní orúkọ baba, ọmọ àti ẹ̀mí mímọ́.
2. Mo kí ọ Màríà!
2. Olúwa yóó wà pẹ̀lú yín.
3. Ẹ káwọ́ sókè.
4. Ìyìn rere ti Olúwa.
5. Àláfíà fún un yín.
6. Màríà Mímọ́ gbàdúrà fún wa.
7. Ìyá mímọ́ Olúwa.
Àwọn Ìtọ́ka Sí[àtúnṣe | àtúnṣe àmìọ̀rọ̀]
- ↑ "Religions - Christianity: Pentecostalism". BBC. 2006-03-13. Retrieved 2023-03-04.
- ↑ "Cherubim and Seraphim (Nigerian church)". Wikipedia. 2010-09-27. Retrieved 2023-03-04.
- ↑ "What Do Catholics Believe?". Walpole Catholic. Archived from the original on 2023-03-04. Retrieved 2023-03-04.