Esther Agbájé

Esther Agbájé jẹ́ ọmọ ọdún márùnlélọ́gbọ̀n òṣèlú ọmọ orílẹ̀ èdè Nàìjíríà àti Amẹ́ríkà tí wọ́n ṣẹ̀ṣẹ̀ dìbò yàn sí ilé-ìgbìmọ̀ aṣojú-ṣòfin orílẹ̀ èdè Amẹ́ríkà láti ṣojú Ìpínlẹ̀ Minnesota. Bàbá rẹ̀ jẹ́ Àlùfáà ìjọ Episcopal ọmọ orílẹ̀ èdè Nàìjíríà tí ó fi Amẹ́ríkà ṣe ìbùgbé. Ìyá rẹ̀ jẹ́ afowóṣàánú tí ó kọ́ ìbùgbé fún àwọn ọmọ aláìlóbìí. Esther ni yóò ṣojú agbègbè District 59B ní Ìpínlẹ̀ Minnesota nílé Ìgbìmọ̀ Aṣojú-ṣòfin lórílẹ̀ èdè Amẹ́ríkà.

Ìgbà èwe àti ìkẹ́kọ̀ọ́ rẹ̀

Agbègbè kan ní St. Paul nílùú Brainerd lágbègbè Faribault lórílẹ̀ èdè Amẹ́ríkà ni àwọn òbí rẹ̀ tí wọ́n jẹ́ ọmọ Nàìjíríà bíi sio. Ó kàwé gboyè nínú ìmọ̀ òfin ní Harvard Law School kí ó tó padà sí ọ̀dọ̀ àwọn òbí rẹ̀ ní Ìpínlẹ̀ Minnesota lọ́dún 2017. Bẹ́ẹ̀ náà kàwé gboyè nínú ìmọ̀ òṣèlú, (Political Science) ní The George Washington University ní Amẹ́ríkà. Ó kàwé gboyè dìgírì kejì ní University of Pennsylvania kí ó tó dára pọ̀ mọ́ òṣèlú.

Iṣẹ́ rẹ̀

Lọ́dún 2019, Esther gba àmìn-ẹ̀yẹ gẹ́gẹ́ bí agbẹjọ́rò tó dára jù lọ ní Ìpínlẹ̀ Minnesota fún akíkanjú àti akitiyan rẹ̀ nínú iṣẹ́ agbẹjọ́rò, pàápàá jù lọ nípa jíjà fún ẹ̀tọ́ àwọn ayálégbé. Kí ó tó di àsìkò yìí, ó ti ṣiṣẹ́ ní ilé iṣẹ́ ìjọba àpapọ̀ tí Amẹ́ríkà, U.S. Department of State.