Alvin Law
| Alvin Law | |
|---|---|
| Ọjọ́ìbí | 1960 Yorkton, Saskatchewan |
| Iṣẹ́ | Motivational Speaker, radio broadcaster, Musician |
Alvin Law (tí a bí ní ọdún 1960, ní ìlú Yorkton, Saskatchewan) jẹ́ asọ̀rọ̀ ìwúrí àti olóòtú ètò orí rédíò.[1]
Wọ́n bí Law láìlápá nítorí oògùn thalidomide tí ìyá rẹ̀ lò nígbà tí ó wà nínú oyún. Àwọn òbí rẹ̀ gbé fún àwọn tó máa ń gba ọmọ ọlọ́mọ tọ́, èyí ló sì mú kí Hilda àti Jack Law gba ọmọ náà tọ́.
Law kọ́ bí wọ́n ti ń ṣiṣẹ́ ọ̀jọ́ ẹni nípa lílo ẹsẹ̀ nìkan, lára àwọn iṣẹ́ tó máa ń fi ẹsẹ̀ ṣe ni oúnjẹ jíjẹ, aṣọ wíwọ̀, àti ìtọ́jú ara ẹni, wíwa ọkọ̀ aṣọ rírán, eré-ìdárayá ṣíṣe, lílu dùrù àti àwọn ohun èlò orin mìíràn. Ilé-ìwé tí àwọn ọmọ yòókú tí nǹkan kan ò ṣe ni ó lọ, bó tilẹ̀ jẹ́ wí pé àwọn ilé-ìwé fún ọmọ tí ò lápá wà ní ìlú náà, àmọ́ àwọn òbí tó gbà á tọ́ fẹ́ láti fi sí ilé-ìwé tí gbogbo ènìyàn ń lọ.
Lẹ́yìn tó kẹ́kọ̀ó jáde ní ilé-ẹ̀kọ́ gíga, ó bẹ̀rẹ̀ iṣẹ́ olóòtú lórí rédíò. Ó ṣe èyí títí tí ó fi bẹ̀rẹ̀ ètò ṣíṣe lórí ẹ̀rọ-amóhùnmáwòrán, àmọ́ àwọn tó ń rí sí ètò yìí ò mọ bí àwọn ará-ìlú ṣe máa gba ètò tí ẹni tí ò lápá ṣe.
Law bẹ̀rẹ̀ sí ní sọ̀rọ̀ ìwúrí ní ọdún 1981. Ní ọdún 1988, ó sọ èyí di iṣẹ́ tó yàn láàyò gan-an, ó sì ṣe ìdásílẹ̀ AJL Communications Ltd. Ó gba àmì-ẹ̀yẹ méjì, òun sì ni òǹkọ̀wé Alvin's Laws of Life: 5 Steps To Successfully Overcome Anything. Ó sì tún kópa nínú eré-ṣíṣe, ọ̀kan lára àwọn fíìmù tó kópa nínú rẹ̀ ni X-Files, níbi tí ó ti ṣe ẹ̀á-ìtàn oníwàásù.[2]
Ní ọdún 1986, Law díje dupò ìjọba kan lábẹ́ àsíá Party Conservative Party Saskatchewan nígbà ìdìbò ọdún 1986, àmọ́ John Solomon tí wọ́n jọ díje dupò yìí ni ó wọlé.
Law ṣiṣẹ́ lábẹ́ ìgbìmọ̀ ti Canadian Association of Professional Speakers. Fún ọ̀pọ̀lọpọ̀ ọdún Law jẹ́ sọ̀rọ̀sọ̀rọ̀ lórí ètò Telemiracle tó máa ń wá́yé ní ọdọọdún.
Ní ọdún 2018, Law jẹ́ ọ̀kan lára àwọn tí ó wà ní Canadian Disability Hall of Fame.[3]
Àwọn ìtọ́kasí
[àtúnṣe | àtúnṣe àmìọ̀rọ̀]Àwọn ìwé tó kọ
[àtúnṣe | àtúnṣe àmìọ̀rọ̀]- Alvin Law. Alvin's Laws of Life: 5 Steps To Successfully Overcome Anything. ISBN 0-9739450-0-1.
- Lynne Swanson. "Alvin Law: Every Reason to Celebrate Life Archived 2007-03-23 at the Wayback Machine.". Abilities, No. 59, pp. 14–15, Summer 2004
- Alvin, His Best Foot Forward. Television documentary, 1978.
- Broken Promises (later renamed Extraordinary People). Television documentary.
- ↑ Empty citation (help)
- ↑ "Calgary's Alvin Law featured in documentary on ongoing Thalidomide tragedy".
- ↑ "Canadian Disability Hall of Fame". Canadian Foundation for Physically Disabled Persons. Retrieved 30 October 2018.