Julie Coker

Julie Coker jẹ́ akọ̀ròyìn àti akàròyìn ti orílẹ̀-èdè Nàìjíríà nígbà kan rí. Ó jẹ́ akàròyìn tó gbajúmọ̀ ní orílẹ̀-èdè Nàìjíríà.

Ìgbésí ayé àti ètò-ẹ̀kọ́ rẹ̀

Bàbá Coker jẹ́ ọmọ Yorùbá láti ìlú Abẹ́òkúta nígbà tí ìyá rẹ̀ wá láti ẹ̀yà itsekiri ní agbègbè Warri. Ìlú Èkó ní ó dàgbà sí tí ó sì ti bẹ̀rẹ̀ ètò-ẹ̀kọ́ rẹ̀. Ó lọ sí St Mary's Convent primary school, èyí tí àwọn ajíhìnrere Catholic gbé kalẹ̀. Ní ilé-ìwé, ó nífẹ̀ẹ́ sí ẹgbẹ́ akọrin. Ilé-ìwé Holy Child College ni ó lọ lẹ́yìn náà. Ó kojú ọ̀pọ̀lọpọ̀ ìṣòro àmọ́ ó ní àǹfààní láti rí ètò-ẹ̀kọ́ ọ̀fẹ́ gbà ní Holy Child College. Lẹ́yìn ẹ̀kọ́ rẹ̀, ó bẹ̀rẹ̀ sí ní ṣiṣẹ́ olùkọ́ ní Warri. Ibẹ̀ ni ó ti rí tí ó sì kópa nínú ìdíje Miss Western Nigeria Competition ní ọdún 1958 tí ó sì yege nínú ìdíje náà. Ní ọdún kan náà, ó tún yege nínú ìdíje Miss Nigeria.

Iṣẹ́ rẹ̀

Ní ọdún 1959, ó dara pọ̀ mọ́ WNTV, ó ń ṣiṣẹ́ agbàlejò àmọ́ ìgbà tí Anike Agbaje-Williams lóyún tó sì fẹ́ gba ìsinmi ni wọ́n yan Coker láti rọ́pò Anike. Coker wá di ọkàn lára àwọn akàròyìn tó gbajúmọ̀ ní orílẹ̀-èdè Nàìjíríà. Lẹ́yìn tí WNTV jẹ́ tẹlifíṣọ́ọ̀nù àkọ́kọ́ ní orílẹ̀-èdè Nàìjíríà, Coker jẹ́ obìnrin akàròyìn kejì níbẹ̀.

Yàtọ̀ sí iṣẹ́ akàròyìn, Coker jẹ́ akọrin àti òṣèré. Ó kópa nínú fíìmù àgbéléwò Dinner with the Devil.