Jump to content

Latefa Ahrar

Lát'ọwọ́ Wikipedia, ìwé ìmọ̀ ọ̀fẹ́
Latefa Ahrar
Ọjọ́ìbí12 Oṣù Kọkànlá 1971 (1971-11-12) (ọmọ ọdún 52)
Meknes
Orílẹ̀-èdèMoroccan
Iṣẹ́Actress
Ìgbà iṣẹ́2006-present

Latefa Ahrar (tí a bí ní 12 Oṣù Kọkànlá Ọdún 1971) jẹ́ òṣèrébìnrin ọmọ orílẹ̀-èdè Mòrókò.

Isẹmi rẹ[àtúnṣe | àtúnṣe àmìọ̀rọ̀]

A bí Ahrar ní ìlú Meknes. Ó bẹ̀rẹ̀ iṣẹ́ eré tẹlifíṣọ̀nù rẹ̀ pẹ̀lú kíkópa nínu eré Bent Lafchouch látọwọ́ Abdelatif Ayachi ní ọdún 1990.[1] Lẹ́hìn náà, ó lọ ilé-ẹ̀kọ́ Institut supérieur d ›art dramatique et d’animation culturelle (ISADAC) níbití ó ti gboyè ní ọdún 1995.[2] Láti ìgbà náà, ó ti ṣe àwọn eré ìpele àti sinimá àgbéléwò, ó sì ti gba ọ̀pọ̀lọpọ̀ àwọn àmì-ẹ̀yẹ fún àwọn iṣẹ́ takuntakun rẹ̀. Ahrar ṣàlàyé pé òun fẹ́ràn láti máa kó àwọn ipa tí ó nì ìpèníjà, bẹ́ẹ̀ lòún sì gbádùn láti máa ṣiṣẹ́ pọ̀ pẹ̀lú oríṣiríṣi àwọn olùdarí eré láti mú ìdàgbàsókè bá iṣẹ́ òṣèré rè.[3]

Láti ọdún 2005 sí 2008, Ahrar kópa nínu eré La dernière nuit tí ààjọ Institut du monde arabe gbé kalẹ̀ ní ìlú Paris. Ní ọdún 2008, ó kópa nínu fíìmù méjì kan tí àkọ́lé wọn ń ṣe Une famille empruntée àti Les victimes. Nínu fíìmù àkọ́kọ́, ó kó ipa apanilẹ́ẹ̀rín kan gẹ́gẹ́ bi ọ̀rẹ́bìnrin Mouna Fettou, ṣùgbọ́n gẹ̀gẹ̀ bi ìyàwóolé tí ó ní àwọn ọmọ mẹ́ta nínu fíìmù ẹ̀kejì.[4]

Ní ọdún 2009, ó kópa nínu eré Eduardo De Filippo kan tí àkọ́lé rẹ̀ jẹ́ Douleur sous clé, èyítí wọ́n túmò sí èdè Mòrókò, pẹ̀lú àjọṣepọ̀ Hicham Ibrahimi àti Henri Thomas. Atúmọ̀ èdè náà jẹ́ Abdellatif Firdaous tí olùdarí sì jẹ́ Karim Troussi.[5]

Eré rẹ̀ kan tí àkọ́lé rẹ̀ n ṣe “Kafar Naoum” fa àríyànjiyàn nítorí wíwọ ṣòkòtò pénpé rẹ̀ nínu eré náà, èyítí ó mú kí àwọn ẹnìkan dérùbàá pẹ̀lú ìjìyà ikú. Á tún mọ Ahrar gẹ́gẹ́ bi ọ̀jọ̀gbọ́n nínu ìmọ̀ eré ìtàgé.[6]

Àṣàyàn àwọn eré rẹ̀[àtúnṣe | àtúnṣe àmìọ̀rọ̀]

  • 2006 : Les dix commandements : Tribes Woman #3
  • 2008 : Les Hirondelles... Les Cris de jeunes filles des hirondelles
  • 2008 : Une famille empruntée
  • 2008 : Les victimes
  • 2011 : Taza : Meryem
  • 2014 : Black Screen (short film)
  • 2014 : Safae Lkbira: La Grande Safae (short film)
  • 2015 : Aida
  • 2015 : Starve Your Dog : Rita
  • 2017 : Headbang Lullaby : Rita

Àwọn ìtọ́kasí[àtúnṣe | àtúnṣe àmìọ̀rọ̀]

  1. "Latefa Ahrrare : «J’ai choisi d’être comédienne»". Sefrou.org (in French). 9 July 2008. Archived from the original on 3 August 2008. Retrieved 10 October 2020. 
  2. "Latefa Ahrrare". Spectacles by Cityvox. Retrieved 10 October 2020. [Ìjápọ̀ tí kò ṣiṣẹ́ mọ́]
  3. "Latefa Ahrrare : «J’ai choisi d’être comédienne»". Sefrou.org (in French). 9 July 2008. Archived from the original on 3 August 2008. Retrieved 10 October 2020. 
  4. "Latefa Ahrrare : «J’ai choisi d’être comédienne»". Sefrou.org (in French). 9 July 2008. Archived from the original on 3 August 2008. Retrieved 10 October 2020. 
  5. "Latefa Ahrrare dans Douleur sous clé". Aujourd'hui le Maroc. Retrieved 10 October 2020. [Ìjápọ̀ tí kò ṣiṣẹ́ mọ́]
  6. Benbachir, Simo (22 May 2019). "Latifa Ahrar: The Spoiled". Morocco Jewish Times. https://www.moroccojewishtimes.com/en/2019/05/22/the-spoiled-woman-latifa-ahrar/. Retrieved 10 October 2020. 

Àwọn ìtakùn Ìjásóde[àtúnṣe | àtúnṣe àmìọ̀rọ̀]