Regina Askia-Williams
.png)
| Regina Askia-Williams | |
|---|---|
| Ọjọ́ìbí | Imaobong Regina Askia Usoro |
| Ọmọ orílẹ̀-èdè | Nàìjíríà |
| Iṣẹ́ | òṣèré àti afẹwàṣiṣẹ́ |
Regina Askia-Williams (tí àbísọ rẹ̀ n ṣe Imaobong Regina Askia Usoro) jẹ́ ọmọ bíbí orílẹ̀-èdè Nàìjíríà tí ó n gbé ní Amẹ́ríkà. Ó jẹ́ òṣìṣẹ́ ìlera, ajìjàgbara fún ètò-ẹ̀kọ́, ònkọ̀tàn, àti sọ̀rọ̀sọ̀rọ̀ tí ó di ìlúmọ̀ọ́ká gẹ́gẹ́ bi òṣèré àti afẹwàṣiṣẹ́.[1][2][3]
Iṣẹ́ ìṣe rẹ̀
[àtúnṣe | àtúnṣe àmìọ̀rọ̀]Ní ọdún 1988, wọ́n dé Askia-Williams ládé Miss Unilag, gẹ́gẹ́ bi ọmọbìnrin tí ó rẹwà jùlọ ní ilẹ́-ẹ̀kọ́ gíga Yunifásítì ìlú Èkó. Ní ọdún 1988 kan náà, ó díje nínu ìdíje ẹwà MBGN tí ó sì ṣe ipò kejì. Ní ọdún 1990, Askia-Williams tún ṣojú orílẹ̀-èdè Nàìjíríà níbi ìdíje ẹwà Miss Charm International tí ó wáyé ní ìlúLeningrad, orílẹ̀-èdè Rọ́síà tó sì tún ṣe ipò kejì.[4] Òun ni ẹni àkọ́kọ́ tí yóó ṣojú orílẹ̀-èdè Nàìjíríà níbi ìdíje Miss International, èyí tí ó wáyé ní orílẹ̀-èdè Japan
Lẹ́hìn tí ó di gbajúmọ̀ ní Nàìjíríà gẹ́gẹ́ bi olùdíje ẹwà, Askia-Williams bẹ̀rẹ̀ sí ní ṣe iṣẹ́ afẹwàṣiṣẹ́. Gẹ́gẹ́ bi afẹwàṣiṣẹ́, ó ti ṣe ọ̀pọ̀lọpọ̀ àwọn ìpolówó ọjà lóri tẹlifíṣọ̀nù àti ìwé-ìròyìn fún àwọn ilé-iṣé àti ilé-ìtajà bíi Kessingsheen, Collectibles àti Visine. Ní ọdún 2007 òun àti ọmọ rẹ̀ Stephanie Hornecker dìjọ ṣe ìpolówó fún ilé-iṣẹ́ 2000-N-Six.[5] Ní ọdún 2005 ó ṣètò ìfihàn kan ní ìlú New York, léte láti la àwọn ènìyàn lọ́yẹ̀ nípa àwọn ìṣòro tí ó dojú kọ àwọn ohun-èlò amáyédẹrùn ní Nàìjíríà. Ní ọdún 2006 bákan náà, ó tún ṣe ìfihàn míràn ní agbègbè Lehman College, ìlú New York láti ṣàfihàn iṣé àwọn aṣàpẹẹrẹ ilẹ̀ Áfríkà àti ti ilé-iṣẹ́ tirẹ̀ náà tí ó pè ní Regine Fashions.[6]
Askia-Williams kópa nínu eré tẹlifíṣọ̀nù tí àkọ́lé rẹ̀ jẹ́ Fortunes ní ọdún 1993 gẹ́gẹ́ bi Tokunbo Johnson. Eré náà ṣokùn fa ọ̀pọ̀lọpọ̀ àwọn ipa tí ó padà kó nínu àwọn fíìmù Nollywood . Ó ti gba ọríṣiríṣi àwọn àmì-ẹ̀yẹ fún àwọn iṣẹ́ takuntakun rẹ̀ tó fi mọ́ àmì-ẹ̀yẹ ti Afro Hollywood London ní ọdún 2000, gẹ́gẹ́ bi òṣèrébìnrin tí ó dára jùlọ ní Nàìjíríà.
Àṣàyàn àwọn eré rẹ̀
[àtúnṣe | àtúnṣe àmìọ̀rọ̀]Askia-Williams ti kópa nínu àwọn fíìmù wọ̀nyí.[7]
- Slave Warrior: The Beginning (video) (2007)
- Veno (video) (2004)
- Dangerous Babe (2003)
- Man Snatcher (video) (2003)
- Festival of Fire (2002)
- Vuga (video) (2000)
- Vuga 2 (video) (2000)
- The President's Daughter (2000)
- Dirty Game (video) (1998)
- Full Moon (1998)
- Suicide Mission (1998)
- Highway to the Grave (1997)
- Juliet Must Die
- Maximum Risk
- Mena
- Queen of the Night
- Red Machete
- Most Wanted
Àwọn ìtọ́kasí
[àtúnṣe | àtúnṣe àmìọ̀rọ̀]- ↑ "African Health Dialogues". African Views. Archived from the original on 30 December 2012. Retrieved 29 May 2012.
- ↑ Segun-oduntan, Olumide (6 May 2012). "Regina Askia's life as a nurse". National Mirror (Nigeria). Archived from the original on 27 September 2013. https://web.archive.org/web/20130927221203/http://nationalmirroronline.net/index.php/features/39086.html. Retrieved 6 June 2013.
- ↑ Ajiboye, Segun (30 July 2016). "Why I abandoned acting to become a nurse -Ex-beauty queen Regina Askia-Williams". The Nation. Retrieved 25 February 2018.
- ↑ Miss Charm International Archived 16 July 2011 at the Wayback Machine.Àdàkọ:Unreliable source?
- ↑ 2000-N-Six Archived 10 October 2007 at the Wayback Machine.
- ↑ "Regine 2006 fashion Show in New York City to benefit children in Africa". African Events. Archived from Regine Fashions the original Check
|url=value (help) on 20 March 2013. Retrieved 25 February 2018. Unknown parameter|url-status=ignored (help) - ↑ "Regina Askia". nigerian-movies.net. Archived from the original on 19 December 2010. Retrieved 29 May 2012.