Bí Ìpínlẹ̀ Èkó ṣe ń dojú ìjà kọ COVID-19

Ní ọjọ́ kẹtàdínlọ́gbọ̀n oṣù kejì ọdún 2020 ni àjàkálẹ̀ àrùn COVID-19 fìdí sọlẹ̀ sí orílẹ̀-èdè Nàìjíríà. Èyí wáyé látipasẹ̀ arákùnrin Italy kan tí ó padà sí Nàìjíríà pẹ̀lú ọkọ̀ òfurufú ní ọjọ́ kẹ̀ẹ́dọ́gbọ̀n oṣù kejì ọdún 2020.

Bí Àrùn náà ṣe tànkálẹ̀ ní Ìpínlẹ̀ Èkó

Ní ọjọ́ kẹtàdínlógún oṣù kẹta, Ìpínlẹ̀ Èkó fìdí ìṣẹ̀lẹ̀ kejì múlẹ̀ látara ọdọ́mọbìnrin kan tí ń ṣe ọmọ ọgbọ̀n ọdún tí ó jẹ́ ọmọ ilẹ̀ Nàìjíríà tó ṣẹ̀ṣẹ̀ padà dé láti ilẹ̀ aláwọ̀funfun ní ọjọ́ kẹtàlá oṣù kẹta.

Ní ọjọ́ kejìdínlógún oṣù kẹta, ìpínlè Èkó tún ṣàwárí ìṣẹ̀lẹ̀ tuntun mẹ́rin.

Ní́ ọjọ́ kọkàndínlógún oṣù kẹta, a tún rí ìṣẹ̀lẹ̀ tuntun mẹ́rin lórí àrùn COVID-19 ní Ìpínlẹ̀ Èkó. Lọ́jọ́ kan náà ni a gbọ́ pé arákùnrin tó mú àjàkálẹ̀ àrùn náà wọ orílẹ̀-èdè Nàìjíríà ti gba òmìnira lọ́wọ́ àjàkálẹ̀ àrùn náà. Èyí sì já sí àṣeyọrí àkọ́kọ́ tí ìpínlẹ̀ Èkó ní lórí àrùn náà.

Ní ọjọ́ kọkànlélógún oṣù kẹta, ìpínlẹ̀ Èkó tún ṣàwárí ìṣẹ̀lẹ̀ méje mìíràn.

Ní ọjọ́ kejìlélógún oṣù kẹta, ìṣẹ̀lẹ̀ mẹ́fà mìíràn ni ìpínlẹ̀ Èkó tún ṣàwárí.

Ní ọjọ́ kẹtàlélógún oṣù kẹta, ìpínlẹ̀ Èkó tún ṣàwárí ìṣẹ̀lẹ̀ mẹ́fà. wọ́n sì tún fìdí ẹni àkọ́kọ́ tí ó jẹ́ aláìsí látipasẹ̀ àrùn COVID-19 múlẹ̀, ẹni tí ó jẹ́ àgbàlagbà ọmọ ọdún mẹ́tàdínláàádọ́rin tí orúkọ rẹ̀ ń jẹ́ Suleiman Achimugu, onímọ̀ ẹ̀rọ àti ọ̀gá àgbà tẹ́lẹ̀ fún ilé iṣẹ́ Pipeline and Product Marketing, ẹnití ó ṣẹ̀ṣẹ̀ dé láti ìlú aláwọ̀funfun pẹ̀lú àìlera ara.

Ní ọjọ́ kẹrìnlélógún oṣù kẹta, ìpínlẹ̀ Èkó ṣàwárí ìṣẹ̀lẹ̀ kan.

Ní ọjọ́ kẹẹ̀dọ́gbọ̀n oṣù kẹta, ìpínlẹ̀ Èkó ṣàwárí ìṣẹ̀lẹ̀ mẹta mìíràn.

Ní ọjọ́ kẹrìndínlọ́gbọ̀n oṣù kẹta, ìpínlẹ̀ Èkó ṣàwárí ìṣẹ̀lẹ̀ méjìlá tuntun. .

Ní ọjọ́ kẹtàdínlọ́gbọ̀n oṣù kẹta, ìpínlẹ̀ Èkó rí ìṣẹ̀lẹ̀ mẹ́jọ mìíràn. Lọ́jọ́ kan náà ni gómìnà Ìpínlẹ̀ Èkó, Babajide Sanwo-Olu ṣe ìkéde lórí àwọn ìjọba ìbílẹ̀ Èkó tí ó ní iye ìṣẹ̀lẹ̀ tí ó pọ̀ jù lọ. Àwọn ìbílẹ̀ náà ni: Etí Ọ̀sà àti Ikeja.

Ní ọjọ́ kejìdínlọ́gbọ̀n oṣù kẹta, ìpínlẹ̀ Èkó rí ìṣẹ̀lẹ̀ méje mìíràn.

Ńi ọjọ́ kọkàndínlọ́gbọ̀n oṣù kẹta, ìpínlẹ̀ Èkó rí ìṣẹ̀lẹ̀ mẹ́sàn-án tuntun.

Ní ọgbọ̀n ọjọ́ oṣú kẹta, ìpínlẹ̀ Èkó tún rí ìṣẹ̀lẹ̀ mẹ́tàlá mìíràn.

Ní ọjọ́ kìíní oṣù kẹrin, ìpínlẹ̀ Èkó rí ìṣẹ̀lẹ̀ mẹ́sàn-án mìíràn.

Ní ọjọ́ kejì oṣù kẹrin, ìpínlẹ̀ Èkó rí ìṣẹ̀lẹ̀ méje mìíràn. Lọ́jọ́ kan náà ni wọ́n ṣe ìkéde pé èèyàn mọ́kànlá lára àwọn tí ó kó àrùn náà ní ó ti bọ́ tí ó sì ti ní ìwòsàn pípé.

Ní ọjọ́ kẹta oṣù kẹrin, ìpínlẹ̀ Èkó rí ìṣẹ̀lẹ̀ mọ́kànlá mìíràn.

Ní ọjọ́ karùn-ún oṣù kẹrin, ìpínlẹ̀ Èkó rí ìṣẹ̀lẹ̀ mọ́kànlá mìíràn.

Ní ọjọ́ keje oṣù kẹrin, ìpínlẹ̀ Èkó rí ìṣẹ̀lẹ̀ mẹ́wàá mìíràn.

Ní ọjọ́ kẹjọ oṣù kẹrin, ìpínlẹ̀ Èkó rí ìṣẹ̀lẹ̀ mẹ́ẹ̀ẹ́dógún mìíràn.

Ní ọjọ́ kẹsàn-án oṣù kẹrin, ìpínlẹ̀ Èkó rí ìṣẹ̀lẹ̀ mẹ́tàlá mìíràn.

Ní ọjọ́ kẹwa oṣù kẹrin, ìpínlẹ̀ Èkó rí ìṣẹ̀lẹ̀ mẹ́jọ mìíràn.

Ní ọjọ́ kọkànlá oṣù kẹrin, ìpínlẹ̀ Èkó rí ìṣẹ̀lẹ̀ mọ́kànlá mìíràn.

Ní ọjọ́ kejìlá oṣù kẹrin, ìpínlẹ̀ Èkó rí ìṣẹ̀lẹ̀ méjì mìíràn.

Ní ọjọ́ kẹtàlá oṣù kerin, ìpínlẹ̀ Èkó rí ìṣẹ̀lẹ̀ mẹ́tàlá mìíràn.

Ní ọjọ́ kẹrìnlá oṣù kẹrin, ìpínlẹ̀ Èkó rí ìṣẹ̀lẹ̀ mẹ́ẹ̀dọ́gbọ̀n mìíràn. Ìpínlẹ̀ Èkó kéde pé àwọn òṣìṣẹ́ wọn ti ṣe àbẹ̀wò sí àwọn ojúlé tí ó tó 118,000 láàrin ọj́ọ́ méjì tí wọ́n sì rí iye àwọn ènìyàn tí ó tó 119 tí wọ́n ní àmì tí ó máa ń yọ lára àwọn tí ó ní àjàkálẹ̀ àrùn náà lára.

Ní ọjọ́ kẹẹ̀dógún oṣù kerin, ìpínlẹ̀ Èkó rí ìṣẹ̀lẹ̀ méjìdínlógún mìíràn.

Ní ọjọ́ kẹrìndínlógún oṣù kẹrin, ìṣẹ̀lẹ̀ mọ́kàndínlógún ní a rí ní Ìpínlẹ̀ Èkó.

Ní ọjọ́ kẹtàdínlógún oṣù kẹrin, ìṣẹ̀lẹ̀ méjìlélọ́gbọ̀n mìíràn ni a rí ní Ìpínlẹ̀ Èkó.

Ní ọjọ́ kejìdínlógún oṣù kẹrin, ìṣẹ̀lẹ̀ mẹ́tàlélógún mìíràn ni a rí ní Ìpínlẹ̀ Èkó.

Ní ọjọ́ kọkàndínlógún oṣù Kẹrin, àádọ́rin ìṣẹ̀lẹ̀ tuntun lórí àrùn Covid-19 ni a rí ní Ìpínlẹ̀ Èkó.

Ní ọjọ́ kọkànlélógún oṣù kẹrin, ìpínlẹ̀ Èkó ṣàwárí ìṣẹ̀lẹ̀ mọ́kàndínlógójì mìíràn.

Ní ọjọ́ kejìlélógún oṣù kẹrin, ìṣẹ̀lẹ̀ mẹ́rìnléláàádọ́rin ni a rí ní ìpínlẹ̀ Èkó.

Ní ọjọ́ kẹtàlélógún oṣú kẹrin, ìpínlẹ̀ Èkó ṣàwárí ìṣẹ̀lẹ̀ méjìdínlọ́gọ́rin mìíràn.

Ni ojo kerinlelogun osu kerin, ọgọ́rin ìṣẹ̀lẹ̀ ni a rí ní Ipinle Èkó.

Ní ọjọ́ kẹ̀ẹ́dọ́gbọ̀n oṣù kẹrin, èjìdínlọ́tà-léní-ẹgbẹ̀fà èèyàn ni ó ní àrùn covid-19 ní ìpínlẹ̀ Èkó.

Ìhà tí Ìpínlẹ̀ Èkó kọ sí Àrùn náà

Ní ọjọ́ kọkànlélọ́gbọ̀n oṣù kẹta ọdún 2020, ìpínlẹ̀ Èkó bẹ̀rẹ̀ ìsémọ́lé ní pẹrẹu. Gómìnà ìpínlẹ̀ Èkó rọ àwọn èèyàn ní ìpínlẹ̀ náà láti dúró sílé, ó sì rọ àwọn ilé-iṣẹ́ lọ́lọ́kan-ò-jọ̀kan láti dáwọ́ iṣẹ́ dúró àmọ́ tí àwọn òṣìṣẹ́ bá le ṣiṣẹ́ láti ilé, wọ́n le tẹ̀ síwájú. Ó tún rọ àwọn ilé-ìwé aládàáni àti ìjọba kí wọ́n dáwọ́ iṣẹ́ dúró. Kódà gbogbo ènìyàn ní gómìnà ìpínlẹ̀ náà rọ̀ láti dúró sílé. Èyí ò sì yọ ilé-ìjọsìn ti Mùsùlùmí àti Kìtẹ́ẹ́nì sẹ́yìn. Àṣẹ sì wà pé kò gbọdọ̀ sí ìpéjọ pò tó ju ogún èèyàn lọ. Yálà ní ilé-ìjọsìn, ayẹyẹ, ilé-iṣẹ́ àdáni tàbí ìpéjọ pò mìíràn lóríṣiríṣi. Àṣẹ sì wà pé ẹnikẹ́ni tí owó bá tẹ̀, á fojú ba ìjìyà tó tọ́. Ìjọba náà fi lélẹ̀ pé kò gbọdọ̀ sí ìjáde tàbí ìwọlé pẹ̀lú ọkọ̀ òfurufú ní ìpínlẹ̀ náà. Àwọn ọjà káàkiri ìpínlẹ̀ náà ni ó sì ní ọjọ́ tí wọ́n ń ṣí fún títa àti rírà. Àmọ́ àwọn ọlọ́jà tó ń ta nǹkan jíjẹ ni ààyè wà fún láti ṣí ṣọ́ọ̀bù wọn.