Esther Igbekele

Esther Igbekele jẹ́ gbajúmọ̀ olórin ẹ̀sìn ọmọ-lẹ́yìn-Jésù Ọmọ bíbí ìlú Ifọ́n, ìjọba ìbílẹ̀ Ọsẹ́ ní Ìpínlẹ̀ Òndó lórílẹ̀-èdè Nàìjíríà. Ó jẹ́ ọmọ bíbí òjíṣẹ́ Ọlọ́run, Olúwafẹ́mi Ìgbẹ́kẹ̀lé, ṣùgbọ́n tí ó gbé lọ́dọ̀ òjíṣẹ́ Ọlọ́run mìíràn tí orúkọ wọn ń jẹ́ Àpọ́sítélì J. A. Bánkọ́lé. Ó bẹ̀rẹ̀ iṣẹ́ orin kíkọ lọ́dún 1996, bí ó tilẹ̀ jẹ́ pé láti ọmọ ọdún mẹ́rin ni ó ti nífẹ̀ẹ́ sí orin kíkọ. Ó tí gba àmìn-ẹ̀yẹ nínú iṣẹ́ orin yìí.

Ìgbésí ayé àti ìkẹ́kọ̀ọ́ rẹ̀ láti ìbẹ̀rẹ̀

Wọ́n bí Esther sí Orílé-Ìgànmú ní Ìpínlẹ̀ Èkó, sí ìdílé Olùṣọ́ Àgùntàn, Olúwafẹ́mi Ìgbẹ́kẹ̀lé àti aya rẹ̀ lórílẹ̀-èdè Nàìjíríà. Ó bẹ̀rẹ̀ orin kíkọ nípa dídara pọ̀ mọ́ ẹgbẹ́ akọrin ilé-ìjọsìn wọn nígbà tí ó wà ní ọmọdún mẹ́fà. Ọdún 1996 gan-an ní ó bẹ̀rẹ̀ iṣẹ́ orin ní àkọ̀tun. Ọ̀pọ̀lọpọ̀ àwo orin sìn ní ó ti gbé jáde.

Esther bẹ̀rẹ̀ ẹ̀kọ́ kíkà ní ilé-ìwé Central Primary school, ní Orílé-Ìgànmú ní Ìpínlẹ̀ Èkó. Bákan náà, ó tẹ̀ síwájú nínú ẹ̀kọ́ rẹ̀ ní Lagos African Church Grammar School, ní Ìfàkọ̀-Ìjàyè ní Ìpínlẹ̀ Èkó bákan náà.

Àtòjọ àwọn àṣàyàn orin rẹ̀

• We Give You Praise
• Praise Medley
• There Is Sense in Nonsense
• MO jí í re lónìí
• Àpáta Ayérayé
• Olorun Ayérayé
• Agbára Mi Kọ́
• Mo Mọ̀ Pé ẹ tún Lè Ṣe é
• Èdìdí.