Okoho

Àwòrán ọbẹ̀ Okoho (tí wọ́n sè pẹ̀lú ògúnfe àti ìgbá) èyí tí àwọn ará Idoma ní ìpínlẹ̀ Benue ní ilẹ̀ Nàìjíríà máa ń jẹ

Àwòrán ọbẹ̀ Okoho pẹ̀lú iyán (Onihi)

Okoho ni ó jẹ́ oúnjẹ ìbílẹ̀ tí a mọ̀ mọ́ àwọn èèyàn Idoma ti Ìpínlẹ̀ Bẹ́núé, Àárín gbùngbùn Nàìjíríà . A sé láti ara ohun ọ̀gbìn Cissus populnea tí ó jẹ́ ọmọ ẹbí Amplidaceae.

Ó jẹ́ ọbẹ̀ tí a ṣe láti ara igi Okoho eléyìí tí ó máa ń yọ̀ gidi gan-an lẹ́yìn ṣíṣè rẹ̀. Wọ́n sábàá máa ń sè é pẹ̀lú ẹran ìgbẹ́ (gẹ́gẹ́ bí ọ̀yà, àwọ̀n àti ẹran sísun àti bẹ́ẹ̀ bẹ́ẹ̀ lọ)ó sì máa ń jẹ́ gbígbádùn ní jíjẹ jù pẹ̀lú iyán (aka Onihi).A tún lè jẹ́ pẹ̀lú sẹ̀mó, eba (tí a ṣe láti ara gààrí) àti èlùbọ́. Wọ́n sábàá máa ń ṣe ọbẹ̀ náà láìlo epo. Òun ni oúnjẹ tí ó ní ìbọ̀wọ̀ fún jù lọ tí wọ́n sì ń bèèrè fún jù lọ ní gbogbo ayẹyẹ Idoma gẹ́gẹ́ bí ; ìgbéyàwó ìbílẹ̀, ayẹyẹ òkú ṣíṣe, ọjọ́ ìbí àti àwọn ọdún mìíràn. Ọbẹ̀ Okoho jẹ́ asaralóooore ó sì tún jẹ́ mímọ̀ fún jíjẹ́ kí oúnjẹ dà. Àwọn ẹ̀yà Nàìjíríà yòókù bí Ìgbò àti Ìgalà náà tún máa ń pè é ní Okoho, nígbà tí igi náà jẹ́ mímọ̀ sí Ajara tàbí Orogbolo fún ẹ̀yà Yorùbá ti àríwá àti gúsù Nàìjíríà. Àwọn Hausa sábàá máa ń pè é ní Dafara.