Olufemi Bamiro

Olufemi Adebisi Bamiro jẹ́ Ọ̀jọ̀gbọ́n nínú ìmọ̀-ẹ̀rọ sáyẹ́ǹsì ó sì jẹ́ Ọ̀gá-Àgbà àná fún Ilé-ẹ̀kọ́ Gíga Fáṣítì ti ìlú Ìbàdàn

Ìbẹ̀rẹ̀ ìgbé ayé àti ẹ̀kọ́

A bí Olúfẹ́mi ní ọjọ́ kẹrìndínlógún oṣù kẹsàn-án ọdún-un 1947 ní ìlú Ìjẹ̀bú-Igbó, Ìpínlẹ̀ Ogun. Ó lọ sí ilé-ẹ̀kọ́ Girama Molusi ní Ìjẹ̀bú igbó àti ilé-ẹ̀kọ́ Girama ti Ìjọba ní ìlú Ìbàdàn, òun ni ó sì ní èsì tí ó dára jùlọ nínú ìdánwò ti ilé ẹ̀kọ́ Cambridge fún ọdún-un 1967. Lẹ́yìn ẹ̀yí, ó tẹ̀síwájú gẹ́gẹ́ bíi akẹ́kọ̀ọ́ Shell lọ sí ilé-ẹ̀kọ́ gíga Nottingham, ní Orílẹ̀-èdè Gẹ̀ẹ́sì, níbi tí ó ti kẹ́kọ̀ọ́ gb'oyè ìmọ̀ ìjìnlẹ̀ Sáyẹ́ǹsì nínú ìmọ̀ ẹ̀rọ Sáyẹ́ǹsì pẹ̀lú àṣeyọrí ìpele tí ó ga jùlọ ní ọdún-un 1971. Ó ṣíṣe fún ìgbà díẹ̀ pẹ̀lú ilé-iṣẹ́ ẹ Shell-BP ní orílẹ̀ ède Nàìjíríà gẹ́gẹ́ bíi onímọ̀ nípa ọ̀pá epo kí ó tó lọ sí ilé-ẹ̀kọ́ gíga McGill ní ìlú ú Montreal, ní orílẹ̀ èdè Canada làbẹ́ ètò ẹ̀kọ́ ọ̀fẹ́ aláfọwọ́sowọ́pọ̀ gbogboogbò tí ìlú Canada níbi tí ó ti gba oyè Ọ̀mọ̀wẹ́ ní ọdún-un 1975 lẹ́yìn ọdún méjì àti àbọ̀. Ó padà sí orílẹ̀-èdè Nàìjíríà níbi tí ó ti bẹ̀rẹ̀ iṣẹ́ olùkọ́ni ní ilé-ẹ̀kọ́ gíga Fáṣítì ti ìlú Ìbàdàn ní ọdún-un 1975, ó sì tẹ̀ síwájú títí tó fi di Ọ̀jọ̀gbọ́n àkọ́kọ́ nínú ìmọ̀ ẹ̀rọ sáyẹ́ǹsì ní ilé-ẹ̀kọ́ gíga náà ni ọdún-un 1983. O je ogbontarigi akose-mo-se lori awon oro ti o je mo sayensi ati imo ero, eko giga, ise asela ati imo nipa oniruru imo.  O ti ko opolopo iwe lori imo sayensi ati imo ero ninu awon iwe apileko ni orile ede yi ati ni awon orile ede agbaye ti o ku.