Jump to content

Bobby Benson

Lát'ọwọ́ Wikipedia, ìwé ìmọ̀ ọ̀fẹ́
Àyọkà yìí jẹ mọ́ nípa olórin ọmọ Nàìjíríà. Fún ètò orí rédíò ti àwọn darandaran Amẹ́ríkà, ẹ wo: Bobby Benson and the B-Bar-B Riders.
Bobby Benson
Benson ń tẹ dùrù (piano)
Benson ń tẹ dùrù (piano)
Background information
Orúkọ àbísọBernard Olabinjo Benson
Ọjọ́ìbí(1922-04-11)11 Oṣù Kẹrin 1922
Ìkòròdú, Ìpínlẹ̀ Èkó, Nàìjíríà
Aláìsí14 May 1983(1983-05-14) (ọmọ ọdún 61)
Èkó, Nàìjíríà
OccupationsOlórin
InstrumentsFèrè (Saxophone), gìtá, dùrù

Bernard Olabinjo "Bobby" Benson (11 Oṣù Kẹrin 1922 – 14 Oṣù Kàrún 1983) jẹ́ gbajúmọ̀ eléré ìdárayá àti olórin tó nípa púpọ̀ lórí agbo orin Nàìjíríà. Ó ṣe aṣáájú láti mú àwọn ìlù ńlá (big band) àti orin Caribbean wọ inú orin Highlife tó gbajúmọ̀ ní Ìwọ̀-oòrùn Áfíríkà.[1] [2]

Ìgbésíayé

[àtúnṣe | àtúnṣe àmìọ̀rọ̀]

Wọ́n bí Bernard Olabinjo Benson ní ọjọ́ kọkànlá Oṣù Kẹrin ọdún 1921 ní Ìkòròdú, Ìpínlẹ̀ Èkó, sínú ìdílé ọlọ́lá.[3] Ẹ̀gbọ́n rẹ̀, T. O. S. Benson (1917–2008) jẹ́ olóṣèlú tí ó kẹ́sẹjárí dáadáa.[4] Nígbà tó wà ní ilé-ìwé sẹ́kọ́ńdírì, Bobby Benson tún kọ́ iṣẹ́ ìránṣọ, ṣùgbọ́n lẹ́yìn tó kúrò nílé-ìwé, ó di afẹṣẹ́jà fún ìgbà díẹ̀. Lẹ́yìn náà, ó di atukọ̀ lójú omi nínú ẹgbẹ́ Merchant Navy. Ní ọdún 1944, ó fi ọkọ̀ ojú-omi rẹ̀ sílẹ̀ ní Lọ́ńdọ̀nù, níbi tó ti bẹ̀rẹ̀ iṣẹ́ eré ìdárayá rẹ̀ pẹ̀lú Negro Ballet, tí ó sì ń rìn-àjò káàkiri àwọn olú-ìlú ní Yúróòpù.[3] Ó pàdé ìyàwó rẹ̀ àkọ́kọ́, Cassandra (tí ó jẹ́ àdàpọ̀ ọmọ Scotland àti ọmọ Caribbean), nígbà tó wà ní ilẹ̀ Gẹ̀ẹ́sì. Nígbà tí wọ́n padà sí Nàìjíríà ní ọdún 1947, wọ́n dá ẹgbẹ́ òṣèré Bobby Benson and Cassandra Theatrical Party sílẹ̀.[2]

Àwọn eré wọn sábà máa ń ní orin nínú, níbi tí ó ti ń tẹ gìtá àti fèrè (saxophone) nígbà tí ìyàwó rẹ̀ ń jó. Nítorí bí orin rẹ̀ ṣe gbajúmọ̀ tó, ó wá dá Bobby Benson Jam Session sílẹ̀. Èyí jẹ́ ẹgbẹ́ akọrin ijó tó ń lu orin swing, jive, sambas àti calypsos. Ní àwọn ọdún 1950, ó fi kún àwọn ọmọ ẹgbẹ́ rẹ̀ di mọ́kànlá, pẹ̀lú àwọn afọn-fèrè (trumpet), wọ́n sì bẹ̀rẹ̀ sí í lu orin highlife tó lókìkí. "Taxi Driver" ni orin wọn àkọ́kọ́ tó kọlu òkè, èyí tí ọ̀pọ̀lọpọ̀ orin mìíràn tẹ̀lé.[3]

Benson jẹ́ eléré ìdárayá àti apanilẹ́rìn-ín bákan náà. Ó tún jẹ́ akọrin àti oṣèré ńlá. Ó ní ètò kan lórí NTA ní àwọn ọdún 1970, níbi tó ti máa ń ṣeré gẹ́gẹ́ bí apanilẹ́rìn-ín àti onídán, bẹ́ẹ̀ náà ló ń lùlù tó sì ń kọrin. Ó di ọ̀rẹ́ dọ́mọdọ́mọ pẹ̀lú B. B. King àti Hugh Masekela. Benson dá Caban Bamboo sílẹ̀. Ó jẹ́ ilé-ìgbafẹ́ òru tó gbajúmọ̀, èyí tí wọ́n sọ di Hotel Bobby lẹ́yìn náà. Ó fẹ́ ọ̀pọ̀lọpọ̀ ìyàwó, ó sì bí ọmọ mẹ́wàá. Benson kú ní Èkó ní Ọjọ́ Àbámẹ́ta, ọjọ́ kẹrìnlá Oṣù Kàrún ọdún 1983.[2]

Orin

[àtúnṣe | àtúnṣe àmìọ̀rọ̀]

Bobby Benson bẹ̀rẹ̀ iṣẹ́ orin rẹ̀ nípa lílu orin big-band. Lẹ́yìn náà, ó fi àwọn àṣà Áfíríkà sínú rẹ̀ gẹ́gẹ́ bí aṣáájú fún orin Highlife ní Nàìjíríà. Orin rẹ̀, "Taxi Driver", di àkànṣe orin tó gbajúmọ̀ kárí Ìwọ̀-oòrùn Áfíríkà. Ọ̀pọ̀lọpọ̀ àwọn olórin mìíràn ló tún orin yìí kọ láti ṣe àkópọ̀ orin Caribbean àti jazz pọ̀. Àwọn orin rẹ̀ mìíràn tó tún lókìkí ni "Gentleman Bobby" àti "Iyawo se wo lose mi", "Mafe", "Nylon Dress" àti "Niger Mambo".[2]

Ogún rẹ̀

[àtúnṣe | àtúnṣe àmìọ̀rọ̀]

Oríṣiríṣi àwọn gbajúgbajà olórin ló bẹ̀rẹ̀ iṣẹ́ wọn nínú ẹgbẹ́ akọrin Benson, irúfẹ́ bíi Roy Chicago, Sir Victor Uwaifo, Bayo Martins àti Zeal Onyia.[1] Victor Olaiya bẹ̀rẹ̀ gẹ́gẹ́ bí afọnfèrè nínú ẹgbẹ́ akọrin Bobby Benson, ó sì padà di ọ̀kan lára àwọn olórin Nàìjíríà àkọ́kọ́ láti lu highlife pẹ̀lú ẹgbẹ́ rẹ̀ tí ń jẹ́ "Cool Cats". Olórin mìíràn pẹ̀lú ẹgbẹ́ Benson tó tún bẹ̀rẹ̀ sí lu highlife ni Eddy Okonta, pẹ̀lú ẹgbẹ́ rẹ̀ "Lido Band".[5] Àwọn àdàṣe Benson nínú orin tún ran ìdàgbàsókè orin Jùjú lọ́wọ́ púpọ̀.[6]

"Taxi Driver", orin rẹ̀ tó gbajúmọ̀ jùlọ, àti "Niger Mambo", orin Áfíríkà tó ní ìlù Latin, ni àwọn olórin Amẹ́ríkà bíi Stanley Turrentine àti Jackie McLean tún kọ ní oríṣiríṣi ọ̀nà.[7] Randy Weston ṣe àdákọ orin "Niger Mambo" nínú àwo orin rẹ̀ ti ọdún 1978, Rhythms-Sounds Piano. Ó ṣe àlàyé orin náà pé ó jẹ́ àpẹẹrẹ gidi ohun tí wọ́n ń pè ní "high life style" ní Ìwọ̀-oòrùn Áfíríkà.[8]

Benson tún bá akọrin káríayé tí ó lókìkí, Eddy Grant, kọrin pọ̀. Grant gbé ní Èkó, ó sì kọrin ní Hotel Bobby fún ọ̀pọ̀lọpọ̀ ọdún. Ìfọwọ́sowọ́pọ̀ yìí pẹ́ fún ọ̀pọ̀ ọdún, èyí sì jẹ́ kí Grant mọ àṣà Nàìjíríà dáadáa. Nítorí bẹ́ẹ̀, Grant rí ààyè sọ̀rọ̀ àti láti kọ ọ̀pọ̀lọpọ̀ àwo orin jáde ní èdè Yorùbá àti Pídígín Gẹ̀ẹ́sì.

Àwọn Ìtọ́kasí

[àtúnṣe | àtúnṣe àmìọ̀rọ̀]
  1. 1 2 "Bobby Benson: Profile". Nigerian Evergreen Music. Archived from the original on 27 June 2009. Retrieved 3 November 2009. Unknown parameter |url-status= ignored (help)
  2. 1 2 3 4 Idam, Jossy. "Bobby Benson". Online Nigeria. Archived from the original on 21 July 2011. Retrieved 15 September 2010. Unknown parameter |url-status= ignored (help)
  3. 1 2 3 Idonije, Benson. "Remembering Bobby Benson of Africa". Champions For Nigeria. Archived from the original on 25 July 2011. Retrieved 3 November 2009. Unknown parameter |url-status= ignored (help)
  4. ↑ Oti, Sonny (1 January 2009). Highlife Music in West Africa: Down Memory Lane. African Books Collective. ISBN 978-978-8422-08-2. https://books.google.com/books?id=0ysJlY9Z9uAC&pg=PA68. Retrieved 16 March 2015.
  5. ↑ Collins, John. "E.T. Mensah, The King of Dance Band Highlife". Afropop Worldwide. Archived from the original on 9 July 2009. Retrieved 3 November 2009. Unknown parameter |url-status= ignored (help)
  6. ↑ Tenaille, Frank (2002). Music is the Weapon of the Future: Fifty Years of African Popular Music. Chicago Review Press. p. 16. ISBN 1-55652-450-1.
  7. ↑ Idonije, Benson (30 May 1997). "The African artist deserves recognition" (PDF). The Guardian. Archived from the original (PDF) on 25 July 2011. Retrieved 3 November 2009. Unknown parameter |url-status= ignored (help)
  8. ↑ "Randy Weston - Discography". Randy Weston. Retrieved 3 November 2009.
Jẹ́ kíkójáde láti "https://yo.wikipedia.org/w/index.php?title=Bobby_Benson&oldid=617064"