Lagos State House of Assembly

Ilé Ìgbìmọ̀ Aṣòfin Ìpínlẹ̀ Èkó
Type
Type	kupusa yusa
Leadership
Olórí	Mubashiru Obasa, APC
Structure
Seats	Ogójì
Length of term	Ọdún mẹ́rin
Meeting place
Ìlú Èkó

Ilé ìgbìmọ̀ aṣòfin Ìpínlẹ̀ Èkó ni ó wà ní olú-ilé ìjọba Ìpínlẹ̀ Èkó ní Aláùsá, Ìkẹjà. Ilé ìgbìmọ̀ aṣòfin yìí wà lábẹ́ ìṣàkóso ẹgbẹ́ òṣèlu APC tí ó ń ṣe ìjọba [[Ìlú Èkó] lọ́wọ́lọ́wọ́. Ilé ìgbìmọ̀ méje ọ̀tọ̀ọ̀tọ̀ ló ti wà, àkọ́kọ́ wáyé ní oṣù kẹwá ọdún 1979 tí èyí tó ń lọ lọ́wọ́lọ́wọ́ sì bẹ̀rẹ̀ ní ọjọ́ kẹfà oṣù kẹfà ọdún 2011. Ogójì aṣojú ni ó wà ní ilé ìgbìmọ̀ aṣòfin, méjì láti ìjọba ìbílẹ̀ kọ̀ọ̀kan ní Ìlú Èkó.

Olórí ilé ìgbìmọ̀ aṣòfin lọ́wọ́ lọ́wọ́ ni Rt. Hon Mudashiru Ọbasá tí ó sì jẹ́ ẹni àkọ́kọ́ tí wọ́n maa yàn sí ipò yìí lẹ́ẹ̀mẹta.

Olùdarí

Olórí Ìgbìmọ̀ Aṣòfin Ìpínlẹ̀ Èkó lónìí ni Mudashiru Obasa (Ọmọ Ìgbìmọ̀ tó ń dúró fún Agege 1 Constituency). Mojisola Meranda di obìnrin àkọ́kọ́ tó di Olórí Ìgbìmọ̀ Aṣòfin Ìpínlẹ̀ Èkó. Ó jẹ́ Igbákejì sí Obasa ṣáájú kí wọ́n tó yọ Obasa kúrò ní ipo rẹ̀ ní ọjọ́ Kẹtàlá Oṣù Kínní Ọdún 2025. Obasa tún padà sí ipo rẹ̀ lẹ́yìn ìfẹ́yìntì Meranda ní ọjọ́ Keta Oṣu Kèta Odún 2025.

Iṣẹ́ Ìṣe

Ìdí tí wọ́n fi dá Ìgbìmọ̀ Aṣòfin sílẹ̀ ni láti "pèsè ìmò lórí ìwọ̀n àwọn ojúṣe, àwọn iṣẹ́ àti ìfaramọ́ fún gbogbo ènìyàn Ìpínlẹ̀ Èkó". Ìran wọn ni láti jẹ́ "olùlànà àti olùdarí ọ̀nà fún àwọn ìgbìmọ̀ aṣòfin ní Nàìjíríà", àti ìlànà wọn ni láti ṣe àwọn òfin tí yóò rí i dájú pé ìjọba dáadáa wà, tí yóò sì dúró fún ìfẹ́ àwọn ará Èkó, ní ṣíṣe èyí yóò sì rí i dájú pé wọ́n lò àwọn ohun ìní ìpínlẹ̀ lọ́nà tí ó yẹ kí àwọn ará Èkó lè rí àǹfààní tó pọ̀ jù lọ.

• 
  Lagos State House of Assembly (East View)
• 
  Lagos State House of Assembly
• 
  Lagos State House of Assembly, Alausa, Ikeja, Lagos.

Ìgbìmọ̀ Aṣòfin Ìpínlẹ̀ Èkó ni a dá sílẹ̀ láti pèsè àwọn iṣẹ́ kan fún àǹfààní Ìpínlẹ̀ Èkó. Èyíkéyìí iṣẹ́ ní àwọn ìlànà tó gbọ́dọ̀ ṣẹ ní pàtàkì; fún àpẹẹrẹ, nígbàkúgbà tí wọ́n bá gbé ìwé òfin ìsúnná owó (appropriation bill) wá sí ilé ìgbìmọ̀, wọ́n gbọ́dọ̀ rí i dájú pé wọ́n ṣàyẹ̀wò àwọn ìṣirò náà dáadáa, kí wọ́n sì pín àwọn ohun ìní lọ́nà tí àwọn tí wọ́n nílò rẹ̀ gan-an yóò jẹ́ kókó àkọ́kọ́. Wọ́n tún gbọ́dọ̀ rí i dájú pé owó tí a pín sílẹ̀ ni a lò lọ́nà tó dáraa àti lọ́nà tí ó yẹ gẹ́gẹ́ bí a ti pinnu rẹ̀.

Ní ti ṣíṣe òfin, Ìgbìmọ̀ Aṣòfin gbọ́dọ̀ rí i dájú pé wọ́n kọjá àwọn òfin náà pẹ̀lú ìfẹ́ rere àwọn ará Ìpínlè Èkó ní ọkàn.

Àwọn òfin náà tún gbọ́dọ̀ jẹ́ èyí tí ó wúlò àti tí a lè ṣe ní ìgbà pípẹ́.

Ní ti ìfọwọ́sí olùdìbò òṣèlú fún ipo, Ìgbìmọ̀ Aṣòfin gbọ́dọ̀ yan ènìyàn tí ó tóótun gan-an tí ó sì ní àwọn òye tí ó nílò fún ipo náà.

Àwọn aráàlú ní ètọ́ láti sọ ìrò wọn lórí olùdìbò yìí nípasẹ̀ àwọn ẹ̀bẹ̀ (petitions) sí Ìgbìmọ̀ Aṣòfin, gbogbo àwọn ẹ̀bẹ̀ yìí sì gbọ́dọ̀ jẹ́ kíka àti ìgbérò dáadáa kí wọ́n tó yan ènìyàn náà sí ipo ìjọba.

Nígbà tí àwọn aráàlú bá fi ẹ̀bẹ̀ ránṣẹ́ sí Ilé Ìgbìmọ̀ Aṣòfin lórí onírúurú ọ̀rọ̀, Akọ́wé Ìgbìmọ̀ náà ní àkókò Ọjọ́ Méjì gbáko láti dáhùn àwọn ẹ̀bẹ̀ wọ̀nyí, ó sì gbọ́dọ̀ fi orúkọ rẹ̀, ipo rẹ̀ àti ìsọ̀rọ̀ alágbèrè rẹ̀ sílẹ̀.

Àwọn ẹ̀bẹ̀ tó jẹ́ ti ìfọwọ́sowọ́pọ̀ (formal petitions) yóò rí ìdáhùn láàárín ọ̀sẹ̀ méjì láti ọjọ́ tí wọ́n fi sílẹ̀.

State House, Alausa

Ìgbìmọ̀ Aṣòfin mọ̀ pé gbogbo ará Èkó ní ẹ̀tọ́ láti ṣe ìfẹ̀hónúhàn lọ́nà àlàáfíà, nítorí náà apá kan ojúṣe Ilé Ìgbìmọ̀ Aṣòfin ni láti rí i dájú pé wọ́n dáàbò bo ẹ̀tọ́ àwọn aráàlú. Pẹ̀lú èyí, wọ́n fi ojúṣe lé Ìgbìmọ̀ Aṣòfin lọ́wọ́ láti bójú tó àwọn ìṣẹ́ àwọn ilé-iṣẹ́ ìjọba, ẹ̀ka àti àwọn àjọ (MDA's), nípasẹ̀ àwọn ìgbìmọ̀.

Àwọn ìgbìmọ̀ wọ̀nyí ń ṣe ìṣàyẹ̀wò lọ́dọọdún àti lọ́dún méjì lórí àwọn ìwé ìṣirò MDA's láti rí i dájú pé wọ́n ń tẹ̀lé àwọn òfin àti ìlànà tí a ti fi sílẹ̀; èyíkéyìí tí ó tako òfin ni a fìyà jẹ gẹ́gẹ́ bí ó ti yẹ. Ní ìkẹyìn, iṣẹ́ mìíràn tí wọ́n ń ṣe ni ìtẹ̀jáde hansards, èyí tí í ṣe ìròyìn ọ̀rọ̀-n-ọ̀rọ̀ ti àwọn ìṣẹ̀lẹ̀ nínú Ìgbìmọ̀ Aṣòfin, wọ́n sì ń fi wọ́n fún gbogbo ènìyàn fún iye owó pérése.