Dapo Abiodun

Lát'ọwọ́ Wikipedia, ìwé ìmọ̀ ọ̀fẹ́
Jump to navigation Jump to search
Dapo Abiodun
Dapo Abiodun.jpg
Gomina Ipinle Ogun
Lọ́wọ́lọ́wọ́
Ó gun orí àga
29 May 2019
Asíwájú Ibikunle Amosun
Personal details
Ọjọ́ìbí 29 Oṣù Kàrún 1960 (1960-05-29) (ọmọ ọdún 59)
Iperu Remo, Ogun State, Nigeria
Ẹgbẹ́ olóṣèlu All Progressives Congress (APC)

Dapọ Abiọdun (Ọjó ìbí, ọjọ́ kọkándínlọ́gbọ̀n oṣù karun-un ọdún 1960) jẹ́ oníṣòwò àti olóṣèlú ọmọ ilẹ̀ Yorùbá láti ìpínlẹ̀ Ògùn lórílẹ̀-èdè Nàìjíríà. Ó jẹ́ Gómìnà Ìpínlẹ̀ Ògùn nígbàtí O borí ìdìbò ti Gómìnà ni ọdún 2019 lábẹ́ àsíyá ẹgbẹ́-òṣèlú (All progressive Congress).[1] Dapọ Abiọdun ni olórí ìgbìmọ̀ ti Corporate Affairs Commission. Ó tún jẹ́ alakoso àti olùdarí ti Heyden Petroleum àti olùdásílẹ̀ First Power Limited. Ní ọjọ́ kewa oṣù kẹta ọdún 2019 (10 March 2019), ìgbìnmọ̀ ti o n darí ìdìbò ni ilẹ̀ Nàìjíríà Independent National Electoral Commission kede Dapo Abiodun gẹ́gẹ́ bí Gómìnà ti a dìbò yàn ní Ìpínlẹ̀ Ògùn. Wọ́n ṣe ìbúra fun un gẹ́gẹ́ bi Gomina Ìpínlẹ̀ Ògùn in ọjọ́ kọnkàndínlọ́gbọ̀n, oṣù karun, ọdún 2019 (29 may 2019)

̀Igbà Èwe[àtúnṣe | àtúnṣe àmìọ̀rọ̀]

Dapọ Abiọdun wa láti Ìpẹru Rẹ́mọ ni Ìpínlẹ̀ Ògùn. Ó wá láti ìdílé Ọba. A bi sínú ẹbí dọ́kítà Emmanuel àti Arábìnrin Victoria Abiodun tí wọ́n wá láti Ipẹru Rẹmo ní ìla-òrùn Ìpínlẹ̀ Ògùn ni ọjọ́ kọkàndínlọ́gbọ̀n oṣù karun ọdún 1960 (29 May 1960).

ẹ̀kọ́[àtúnṣe | àtúnṣe àmìọ̀rọ̀]

Dapọ Abiọdun kọ́ ẹ̀kọ́ nípa ìmọ̀ ẹ̀rọ ní ilé ẹ̀kọ́ gíga yunifásítì Obafemi Awolowo ti o wa ni ilé ifẹ̀ ní Ipinle Osun. Ó tún kẹkọ nípa ìṣirò ní ilé ẹ̀kọ́ gíga yunifásítì Ìpínlẹ̀ ti Kennesaw ní ìlú America. O tún gba oyè iyì nínú ìsúná láti ilé ẹ̀kọ́ gíga yunifásítì Ìpínlẹ̀ Èkìtì èyí tí ó wà ní Ado-Ekiti. Ó si tún gba oyè ìmíràn nínú ìṣàkóso òwò láti ilé ẹ̀kọ́ gíga yunifásítì Adeleke ti o wa ni Ẹdẹ ní Ipinle Osun. O lọ́wọ́ ninu ọ̀rọ̀ ìwé ẹ̀rí tí kò peregedé nígbà ìgbara dì fún ìdìbó ti ọdún 2019, nígbà tí o jẹ́ wípé Ó ti kọ́kọ́ sọ nígbà ìdìbò ti alagba (Senatọ) fun apa ila-orun Ogun ti o wáyé ni ọdún 2015 pe o un kọ́ ẹ́kọ́ jáde ni ilé ẹ̀kọ́ gíga yunifásítì Ọbáfẹ́mi Awólọ́wọ̀ ṣùgbón nínú fọọmu fún ìdìbò Gómìnà ti ọdún 2019, Ó so wípé ìwé ẹ̀rí oní ìwé mẹwa ni o un ni.

Iṣẹ́ ajé[àtúnṣe | àtúnṣe àmìọ̀rọ̀]

Dapọ Abiọdun ni alakoso àti olùdarí ilé iṣẹ́ Heyden Petroleum Limited (UPL), ilé iṣẹ́ ti epo ati gaasi ni ilẹ̀ Nàìjíríà. Ó tún jẹ́ olùdásílẹ̀ ilé iṣẹ́ First Power Limited.

Òṣèlú[àtúnṣe | àtúnṣe àmìọ̀rọ̀]

Dapọ Abiọdun jẹ́ ọ̀kan lara ọmọ ẹgbẹ́ tí Ó dá ẹgbẹ́ Alábùradà (Peoples Democratic Party) sílẹ̀ ní Ìpínlẹ̀ Ògùn, bíòtilẹ̀jẹ́pé Ó jẹ́ ọ̀kan lara ọmọ ẹgbẹ́ onigbalẹ (All Progressive Congress) lọ́wọ́lọ́wọ́ bayi nígbàtí O fi ẹgbẹ́ ti Ó wà tẹ́lẹ̀ sílẹ̀ lẹhin ìdìbò gbogboogbo ti ọdún 2015. Ó díje du ipò láti lọ si ilé ìgbìmọ̀ aṣòfin àgbà lati lọ ṣojú ilà oorun ti Ìpínlẹ̀ Ògùn lábẹ́ ẹgbẹ́ onigbale (All Progressive Congress) nínú ìdìbò gbogboogbo tí ó waye ni Nàìjíríà ni ọdún 2015 èyí tí Ó pàdánù rẹ fún ọmọ ẹgbẹ́ Alábùradà (Peoples Democratic Party). Wọ́n yan Dapọ Abiọdun gẹ́gẹ́ bi ọ̀kan lára àwọn aṣòfin àgbà tí ìjọba àpapọ̀ ilẹ̀ Nàìjíríà ní ọdún 1988 lábẹ́ ẹgbẹ́ United Nigeria Congress Party (UNCP) èyí tí o ti kógbá sí ilé. Ó ti ṣiṣẹ́ sìn lábẹ́ ìgbìmọ̀ aarẹ àti ilé iṣẹ́ lórísirísi.

Ní ọdún 2019, Ó díje nínú ìdìbò ti Gómìnà ní Ìpínlẹ̀ Ògùn labẹ ẹgbẹ́ onigbale (All Progressive Congress) Ó sì borí ìbò na. Ó jẹ́ ọmọ lẹ́hìn kristi tooto ti O si njọsin pẹ̀lú ilé ìjọsìn Mountain of Fire and Miracle Ministry. Ó ti jẹri pe pẹ̀lú gbogbo bí àtakò láti má lè dé ófìsì ti Gómìnà Ìpínlẹ̀ Ògùn ṣe pọ̀ tó, Olórun sì tún mú Ò un dé ibẹ̀.




Itokasi[àtúnṣe | àtúnṣe àmìọ̀rọ̀]

  1. Lawal, Nurudeen (2018-10-16). "11 facts you should know about Dapo Abiodun, Ogun APC governorship candidate". Legit.ng - Nigeria news. Retrieved 2019-09-23.