Fúnmi Martins

Lát'ọwọ́ Wikipedia, ìwé ìmọ̀ ọ̀fẹ́
Olúwafúnmi Martins
Ọjọ́ìbíOlúwafúnmi
1963
Iléṣà, Ìpínlẹ̀ Ọ̀ṣun,
AláìsíÌpínlẹ̀ Èkó
Orílẹ̀-èdèNàìjíríà
Ọmọ orílẹ̀-èdèNigerian
Iṣẹ́Òṣèré orí-ìtàgé
Àwọn ọmọMidé Fúnmi Martins, Ayọ̀ Martins. Àkanbí Ayọ̀mípọ̀

Fúnmi Martins tí wọ́n bí ní ìlú IléṣàÌpínlẹ̀ Ọ̀ṣun ní inú oṣù Kẹsàn án ọdún 1963 jẹ́ òṣèré orí-ìtàgé àti sinimá àgbéléwò ọmọ orílẹ̀-èdè Nàìjíríà. [1]

Ìbẹ̀rẹ̀ ayé àti ẹ̀kọ́ rẹ̀[àtúnṣe | àtúnṣe àmìọ̀rọ̀]

Wọ́n bí Fúnmi ní Ìpínlẹ̀ Ọ̀ṣun ní inú oṣù Kẹsàn án ọdún 1963, ó lọ sí ilé-ẹ̀kọ́ alákọ̀ọ́bẹ̀rẹ̀ Òkè-Ọnà àti ilé-ẹ̀kọ́ girama ní Ìlú Abẹ́òkútaÌpínlẹ̀ Ògùn. Lẹ́yìn ẹ̀kọ́ girama, ó tẹ̀ siwájú nínú ẹ̀kọ́ rẹ̀ ní Beepo Secretarial Institute ní ìlú Ìbàdàn níbi tí ó ti kẹ́kọ̀ọ́ gba ìwé-ẹ̀rí dípúlọ́mà nínú ìmọ̀ Secretariate.

Iṣẹ́ rẹ̀ gẹ́gẹ́ bí òṣèré[àtúnṣe | àtúnṣe àmìọ̀rọ̀]

Fúnmi kọ́kọ́ se modeling fúngbà díẹ̀ ṣáájú kí ó tó bẹrẹ ẹ̀rẹ̀ iṣẹ́ eré orí-ìtàgé. Ó di ìlú-mòọ́ká látara eré kan tí ọ̀gbẹ́ni Fidelis Duker gbé jáde ní ọdún 1993. Ó kópa nínú àwọn eré ọlọ́kan-ò-jọkan ní orílẹ̀-èdè Nàìjíríà ní àsìkò ọdún 1990s. Lásìkò yí, àwọn òṣèré orí-ìtàgé bí Fúnmi Martins, Adébáyọ̀ Sàlámì àti àwọn díẹ̀ kan ni wọ́n lè sọ èdè Gẹ̀ẹ́sì láti fi kópa nínú eré tí a fi èdè Yorùbá àti èdè Gẹ̀ẹ́sì gbé jáde.[2][3]

Àwọn àsàyàn eré rẹ̀[àtúnṣe | àtúnṣe àmìọ̀rọ̀]

Ó ti kópa lààmì-laaka nínú àwọn onírúurú eré bíi:

  • Ìjà ọmọdé
  • Ẹrù ẹlẹ́rù
  • Ẹ̀tọ́ mi
  • Pẹ̀lú mi ati bẹ̀ẹ́ bẹ̀ẹ́ lọ.

Ìgbé ayé rẹ̀[àtúnṣe | àtúnṣe àmìọ̀rọ̀]

Fúnmi bí ọmọ méjì fún ọkọ àárọ̀ ọjọ́ rẹ̀, ìyẹn Mide Martins àti Ayọ̀ Martins. Lẹ́yìn tí ìgbéyàwó òun ati ọkọ rẹ̀ akọ́kọ́ forí ṣọ́pọ́n ni ó tún fẹ́ gbajú-gbajà olórin Afro jùjú tí gbogbo ènìyàn mọ̀ sí Sir Shina Peters tí ó sì bímọ ọkùnrin tí orúkọ rẹ̀ ń jẹ́ Àkànbí Ayọ̀mípọ̀ Peters ní ọdún 2002.

Ikú rẹ̀[àtúnṣe | àtúnṣe àmìọ̀rọ̀]

Fúnmi papò dà ní ọmọ ọdún méjìdínlógójì nkan bí oṣù méjì lẹ́yìn tí ó bímọ rẹ̀ tán látàrí àìsàn ọkan. Ó kú sí ilé ìwòsàn kan ní agbègbè Agége ní ọjọ́ Karùn-ún oṣù Karùn-ún ọdún 2002. [4]

Àwọn Ìtọ́kasí[àtúnṣe | àtúnṣe àmìọ̀rọ̀]

  1. Orodare, Michael (2020-03-11). "Remembering Funmi Martins: Nollywood actor who left early but left an heir". Nigerian Entertainment Today. Retrieved 2020-10-23. 
  2. "Sam Loco, Funmi Martins, other Nollywood stars we miss". Latest Nigeria News, Nigerian Newspapers, Politics. 2020-02-11. Retrieved 2020-10-23. 
  3. "The Story Of The Life And Death Of Legendary Yoruba Actress, Funmi Martins". GQBuzz.com. 2018-01-04. Retrieved 2020-10-23. 
  4. Falae, Vivian (2018-01-04). "The truth about Funmi Martins death revealed". Legit.ng - Nigeria news. Retrieved 2020-10-23. 

Ẹ̀ka:Àwọn òṣèré ilẹ̀ Nàìjíríà