Funsho Williams
Anthony Olufunso Williams | |
|---|---|
| Àwọn àlàyé onítòhún | |
| Ọjọ́ìbí | Anthony Olufunso Williams 9 Oṣù Kàrún 1948 Lagos, Lagos State, Nigeria |
| Aláìsí | 27 July 2006 (ọmọ ọdún 58) Dolphin Estate, Ikoyi, Lagos, Nigeria |
| Ẹgbẹ́ olóṣèlú | People's Democratic Party |
| Alma mater | St Gregory's College, Lagos University of Lagos. |
Anthony Olufunsho Williams abi ní ọjọ̀ kẹsàn-an oṣù karùn-ún ọdún1948 sí ọjọ́ kẹtàdínlọ́gbọ̀n ọdún 2006) jẹ́ gbajúmọ̀ olóṣèlú ará ilẹ̀ Nàìjíríà tó sì ti kó ipa ribiribi láwùjọ láti Ìpínlẹ̀ Èkó àti alákòóso tẹ́lẹ̀ lábẹ́ ìṣàkóso ológun ti Colonel Olagunsoye Oyinlola ní ìlú Èkó
Ìgbésí ayé rẹ̀
[àtúnṣe | àtúnṣe àmìọ̀rọ̀]Funsho Williams lọ sí ilé-ẹ̀kọ́ Katoliki ti Pọ́ọ̀lù mímọ́ ní Ebute Metta àti lẹ́yìn náà ó lọ sí ilé-ẹ̀kọ́ gíga St Gregory, ní Èkó . [1] Ní ọdún 1968, ó kẹ́kọ̀ọ́ ní Yunifásítì ti ìlú Èkó, ó sì gba oyè nínú ìmọ̀ ẹ̀rọ ìkọ́lé. Lẹ́yìn náà, ó lọ sí Ilé-ẹ̀kọ́ ìmọ̀ ẹ̀rọ ti New Jersey fún ìkẹ́kọ̀ọ́gboyè ẹlẹ́ẹ̀kejì rẹ̀.
Gẹ́gẹ́ bí òṣìṣẹ́ Ìjọba
[àtúnṣe | àtúnṣe àmìọ̀rọ̀]Ní ọdún 1974, Williams padà sí orilẹ̀ èdè Nàìjíríà ó sì dara pọ̀ mọ́ iṣẹ́ ìjọba ní Ìpínlẹ̀ Èkó . Ó lo ọdún mẹ́tàdínlógún ó sì ṣiṣẹ́ ní ẹ̀ka ìkọ́lé ní Ìpínlẹ̀ Èkó. bìi ìdá mẹ́tàdínlọ́gọ́rùn-ún àwọn ọ̀nà àti afárá tó wà ní ìpínlẹ̀ Èkó ni wọ́n kọ́ lábẹ́ àkóso rẹ̀. Williams jẹ́ Akọ̀wé Àgbà nígbà tí ó fi iṣẹ́ ìjọba sílẹ̀ ní ọdún 1991.
Ó bẹ̀rẹ̀ okòwò, ṣùgbọ́n kò pẹ́ tótùn fi padà sí iṣẹ́ ìjọba, gẹ́gẹ́ bí Kọmíṣọ́nà/Alákòóso ìpínlẹ̀ Èkó lábẹ́ ìṣàkóso ológun ti Ọ̀gágun Olagunsoye Oyinlola .
Gẹ́gẹ́ bí olòṣèlú
[àtúnṣe | àtúnṣe àmìọ̀rọ̀]Ní àárín ọdún 1990, Williams pinnu láti dara pọ̀ mọ́ òṣèlú kí ó lè gbé ìlànà kalẹ̀, dípò kí ó kàn máa dá ṣe é. Ó kọ́kọ́ dara pọ̀ mọ́ ẹgbẹ́ òṣèlú United Nigeria Congress Party (UNCP), ṣùgbọ́n lẹ́yìn ikú aṣíwájú wọn, Ọ̀gágun Sani Abacha, ó yalọ sí inú ẹgbẹ́ Alliance for Democracy (AD).
Lẹ́yìn ìgbà díẹ̀, Williams tún yí ẹgbẹ́ òṣèlú padà, ní àkókò yìí lọ sí inú ẹgbẹ́ òṣèlú People's Democratic Party (PDP). Àwọn ni wọ́n borí nínú ètò ìdìbò tó wáyé ní ọdún 2003 lábẹ́ ìdarí Ààrẹ Olusegun Obasanjo .
Williams ti dije lẹẹmeji tẹlẹ ninu idibo Gomina Ipinle Eko. Kí ó tó jáde láyé ó ń reti ìyànsípò rẹ̀ gẹ́gẹ́ bí olùdíje fún ipò Gómìnà lábẹ́ àsìà ẹgbẹ́ òṣèlú PDP fún ìpínlẹ̀ Èkó. Ó ti se ìlérí láti gba ìṣàkóso ìpínlẹ̀ ọlẹ́rọ náà kúrò lọ́wọ́ Ẹgbẹ́ Alliance for Democracy.
Àwọn ipò tóti ṣiṣẹ́
[àtúnṣe | àtúnṣe àmìọ̀rọ̀]Williams ni olùdarí ní ọ̀pọ̀lọpọ̀ àwọn ilé-iṣẹ́:
- Julius Berger Nigeria Plc
- Cappa àti D'Alberto Plc
- Ile-iṣẹ Irin Ajaokuta
- Ààrẹ ìgbìmọ̀ olùdarí Àjọ Ìṣàkóso Òkun Àgbáyé
Ikú Rẹ̀
[àtúnṣe | àtúnṣe àmìọ̀rọ̀]Ní ọjọ́ kẹtàdínlọ́gbàn oṣù keje ọdún 2006, wọ́n rí Funsho Williams tí wọ́n dè mọ́lẹ̀, tí wọ́n fún ní ọgbẹ́, tí wọ́n sì fi ọ̀bẹ gún ní ilé rẹ̀ ní Dolphin Estate, ní Ìkòyí, agbègbè àwọn ọlọ́rọ̀ kan ní ìlú Èkó. [2]
Ní ọjọ́ kejìdínlọ́gbọ̀n oṣù keje, ọdún 2006, wọ́n mú àwọn ènìyàn méjì nítorí ikú rẹ̀. Ọ̀kan jẹ́ olùdarí ìpolongo rẹ̀, èkejì sì jẹ́ Aṣòfin àti Mínísítà fún ọ̀rọ̀ Iṣẹ́ tẹ́lẹ̀ Kingsley Adéṣẹ̀yẹ Ògúnléwe . Ògúnléwé náà ń retí láti di olùdíje Gómìnà lábẹ́ àsìá ẹgbẹ́ òṣèlú ti PDP.
Wọ́n sin Williams sí ibojì Victoria Court, ní ìlú Èkó. [3] Ìyàwó rẹ̀, Hilda, àti àwọn ọmọ mẹ́rin ló fi sílẹ̀ sáyé lọ. [4]
Ní Ìrántí rẹ̀
[àtúnṣe | àtúnṣe àmìọ̀rọ̀]Ní ọjọ́ kẹrìndínlógún oṣù kejì ọdún 2007, ní nǹkan bí oṣù méje lẹ́yìn ìṣẹ̀lẹ̀ ìpànìyàn rẹ̀, Gómìnà Bola Ahmed Tinubu, Gómìnà Ìpínlẹ̀ Èkó nígbà náà, gbèrò láti fi ọlá fún ẹni tí ó kú, ó yí orúkọ òpópónà Western Avenue tí ó gùn jùlọ àti tí ó gbajúmọ̀ jùlọ ní Èkó padà sí Funsho William Avenue. Síbẹ̀, ọ̀pọ̀ ènìyàn nì ìlú Èkó ló ṣì mọ̀ ọ̀nà náà sí Western Avenue.
Àwọn ìtọ́kasí
[àtúnṣe | àtúnṣe àmìọ̀rọ̀]Àwọn ìjápọ̀ àgbáyé
[àtúnṣe | àtúnṣe àmìọ̀rọ̀]- ↑ "We feared our father's silence- Funsho William's son". July 7, 2013. Archived from the original on 2015-05-28. https://web.archive.org/web/20150528000852/http://www.punchng.com/feature/famous-parents/we-feared-our-fathers-silence-funsho-williams-son/.
- ↑ "We feared our father's silence- Funsho William's son". July 7, 2013. Archived from the original on 2015-05-28. https://web.archive.org/web/20150528000852/http://www.punchng.com/feature/famous-parents/we-feared-our-fathers-silence-funsho-williams-son/.
- ↑ "We feared our father's silence- Funsho William's son". July 7, 2013. Archived from the original on 2015-05-28. https://web.archive.org/web/20150528000852/http://www.punchng.com/feature/famous-parents/we-feared-our-fathers-silence-funsho-williams-son/.
- ↑ .